ماا تفعل لو حصلت على 50/50 فى رياضه 2

[عاشق الرياضيات]

المشاركة الأصلية كتبت بواسطة how

الى عاشق الرياضياتبس ياريت الكلام مايتخدش على محمل تانى)

انا معايا ولد فى درس الرياضيات بسم الله ما شاء الله حاجه كده ماتتوصفش المدرس بتاعى بيقعد يسماعله لما يتكلم كلامه بينزل حكم فى الرياضيات وبالصدفه كدا عرفت انه كان مخلص كل الكتب الخارجيه (الامى\ميه فى الميه \المعاصر وغيرها من كتر ماكان بيجى يسال المستر)يعنى مش اسمه عاشق الرياضيات وبس لا مؤلف الرياضيات المهم انه عمره ماكان بيجى يقول انا هاجيب كذا وكذا لا كان بيسك
واما شوفته بالصدفه يوم امتحان الميكانيكا وسألته عملت ايه قال الحمد لله ان شاء الله يارب النهائيه او اقل بدرجه او درجتين م انى متاكده انه هايجيب النهائيه بس مكانش عايز يقول مراعاه للناس المحبطه اللى واقفه جامبه مع العلم انى ان شاء الله هاجيب 48


المهم يعنى

مش لازم تقول انا هاجيب الخمسين تعرف ليه مش حقد ولا دارى على شمعتك ولا حاجه لا

لان اول رد فعل لاى حد بيقرا الكلام بتاعك بيقول :
يااااه على كدا انا الوحيد المخرف فى الامتحان
وبما ان فى ناس هاتجيب خمسين
اذن مجاميع رياضه هاتفضل زى ماهى او هاتزيد
يبقى مش هادخل الكليه اللى انا عايزها وامى وابويا عايزنها

على فكره انا مش بقول الكلام دا ليك لوحدك لا لكل اللى جايبين خمسين وبيعلنوها

الحاجه الوحيده الايجابيه فى الموضوع اننا هانقدر نحدد تنسيق السنه دى من خلالكم

وربنا يستر

انا هقول كلامى ده للمرة الثانية : انا وضحت قبل كده انى ماقصدتش احبط اى حد .. لكن انا بسألك سؤال : حد يقوللى توقعاتك تجيب كام فى رياضيات 2 ؟؟ قلت بإذن الله خمسين !! كان المفروض اقول ايه ؟؟
ثانيا : كان فيه موضوع بيقول توقع درجتك فى الرياضيات 2 انا قلت 50 !! السؤال لا يزال قائم .. كنت المفروض اكتب كام ؟؟ نفس اللى حصل معايا فى الاقتصاد والاحصاء !!!!
اذا كنت انا غلطان او جرحت شعور حد فأنا متأسف كمان مرة وخاصة لـ mikyta7n ولـزميلى اللى انا باشكره على امتحان المستوى ( zico2078 ) .. وعلى العموم اتمنى الهندسه تنزل علشان خاطركم .. اما انا فناوى على علوم قسم رياضيات باذن الله . واتمنى اننا نتقابل على المنتدى بعد النتيجة علشان نبارك لبعض !!
دعواتى للكل بالتوفيــــق .