وزير التعليم لـ"المعلمين": "حاسبوني" إذا لم تجدوا زيادات مالية في رواتبكم أول يناير -

[شعبان عطيه]

لو حضرتك معلم حديث وأساسى مرتبك 249.2 تقريبا يبقى انته بتقبض تقريبا 596.30 جنيه + حوافز تقريبا برده 222 جنيه ومكافأة حضرتك تقريبا شهريا 211 جنيه قبل خصم 12 % منهم نقول يبقوا بعد الخصم 186 حنيه وضيف بقى عليهم زيادة الحد الأدنى للمعلم اللى هيه 400 قبل الخصم يبقوا تقريبا 352 جنيه جمع بقى حضرتك
596+222+186+352= الناتج مرتبك وما فيش مكافأة امتحانات يعنى الزياده هيه ال 352 جنيه وبس والله ما اقصد ان الزياده كتيره أو قليله لكن احنا بيتشهر بينا مع اننا زى الناس ان ما كناش أقل الناس ودى بالنسبه لى المشكله
انا عارف ان ظروف البلد لا تحتمل لكن لا اريد الا العداله
وفيه مشكله تانيه كتر الكلام ده مخلى الاداريين وخاصة اللى ما يعرفوش حاجه عن عمل المرتبات يتضليقوا بل يصل الأمر ببعضهم للحقد على المعلمين وعندهم حق انته بتدينى جنيه وبتقول للناس اديته ألف جنيه مع ان الموضوع كله زى ما شرحت( من دقنه وافتل له )