فضفضة واحد مجهول

[هتـــلر]

ناس كتير مش متقبله نفسها عشان مثلاً شكلها مش حلو او جسمها مش متناسق او مستواها المادى مش كويس او قدراتها العقليه محدوده او او او

تخيل كده انك مش متقبل نفسك
ايه الفوايد ؟!!!
زيروووووووو طبعاً

انما اضرارها
اول حاجه هتبقى حاسس بخنقه طول الوقت عشان انت بتشتكى من حاجه هتفضل معاك طول عمرك فاكيد هتحس بالالم طول عمرك
تانى حاجه هتحقد على الناس التانيه و هتحس انك مظلوم
تالت حاجه هتشكك فى عدل ربنا و ايمانك هيبقى ضعيف
رابع حاجه مش هتعرف تستمتع باى حاجه حوليك عشان جواك اسود اوى
خامس حاجه ثقتك فى نفسك هتدمر


شفت بقى اد ايه بصتك لنفسك بتفرق

عشان كده لازم نبص لنفسنا بصه ايجابيه ديماً و نقرا نقرا نقرا عشان القرايه بجد واقى من الغرور

متسمحش لاى فكره تعبانه تكبر فى دماغك اياً كانت لان اى فكره بسيطه بتقلب على المدى البعيد على نفسيه وحشه اوى اوى

انت مثلا لو فكرت ان الامتحان هيجى صعب جداً (ديه فكرة بسيطه) ممكن توصلك انك يجيلك انهيار عصبى او تاجل الامتحانات مثلاً
و طبعاً عشان تسيطر على افكارك لازم تشغل نفسك طول الوقت و لو باى حاجه بسيطه عشان متسمحش لدماغك تدور على حاجات تافهه تتعبك بيها