انا خلاص قرفت

[مسلمة متفائلة]

يا آية أنتي أكتر واحدة عارفة نفسك ، وأكتر واحدة عارفة حل مشاكلك

خديها قاعدة في كل حياتك .. لو سبتي مشكلة وهربتي منها

هتجيلك تاني في حاجة تانية، بس بتضحك عليكي عشان سبتيها في أول مرة

متخليش الحزن يسيطر عليكي للدرجة دي

واحنا آه لما يكون عندنا مشكلة، بيبقى فيه حزن وضيق منها

لكن لازم منخليش المشاعر دي تسيطر علينا لدرجة تعمينا إن احنا ندور على حلول ليها

أنا حسيت نفس إحساسك ده لما كنت غبت من الدرس لفترة وحسيت إنا أنا ضايعة

بس قولت إيه فايدة إني اقعد أندب كده ، وأقول خلاص أنا ضعت ومش نافعة

قومت وواجهت المشكلة، والحمد لله ربنا بيساعدنا، وربنا لا يترك أحدًا رأى منه صدقًا

وبعدين إيه اللي يستاهل إنك تفكري لدرجة إنك عايزة تنطي من فوق عمارة؟ إيه الأكشن ده :")

عارفة لو اتعاملتي في حياتك بمبدأ القضاء والقدر، هتستريحي أوي

هتحسي إن كل شيء حصل في حياتك بترتيب وقدر من ربنا، وإن ربنا لا يريد لك إلا الخير

لو أحسنتِ الظن بيه، مش ربنا بيقول في الحديث القدسي:

"أنا عند ظن عبدي بي، إن خيرًا فخير، وإن شرًا فشر" ؟

قال سبحانه وتعالى: {ألا يعلم من خلق وهو اللطيف الخبير}؟

هو اللي عالم بحالنا حتى لو حاجة صغيرة وتافهة، ولطيف بينا مش هيسبنا أبدًا

لو احنا أحسنا الظن بيه سبحانه وتعالى، واللي فات بإذن الله نقدر نعوضه

لو استعنا بالله سبحانه وتعالى ورأى منا الصدق والجد في اللي احنا عايزينه

دي مش نهاية الدنيا

وبعدين يا ستي إنتي مدايقة أوي كده من 7 مواد

أومال أختك تعمل إيه اللي عندها أكتر من 15 مادة ^^

روقي كده، واستعيني بالله، وكل شيء هيبقى بخير إن شاء الله

ومتنسيش كلام Yes We Can جزاه الله خيرًا

وربنا يوفقك، ويحقق لك أمنياتك :")