محتاجاكم بجد ..........لا تخذلونى

[happiness_sadness7]

المشاركة الأصلية كتبت بواسطة juliut

بصوا يا جماعه انا اول مره ادخل القسم ده بس ده عشان انا فى مشكله وعايزه حد يدينى رايه بصراحه والى شايف انها مشكله تافهه او بسيطه فانا مش محتاجه رده يعنى الى يرد يكون عايز يساعدنى بجد

بصوا يا جماعه انا ليا واحده صديقتى من اولى اعدادى يعنى عشره 6 سنين ومعروف ان احنا انتيم وكده وموجدين مع بعض فى اى مكان بس الحقيقه ان احنا مش اصدقاء فعلا يعنى انا مش باحكيلها على مشاكلى ولا هى بس احنا بنحب بعض اوى وانا بجد عمرى ما حبيت حد قدها والى بيضايقنى منها كمان انها مش بتسال عليا الا نادر وغالبا انا الى ببدا وانا لفت نظرها للموضوع ده وقالتلى هسال عليكى طبعا ومش عارف ايه بس هى مسالتش عليا من يوم الجغرافيالحد اول امبارح رنتلى بليل فانا اساسا كنت زعلانه منها فبعت لها رساله قولتلها فيها انتى لسه فاكرانى انا قولت انك نسيتى راحت قايله مكنش معايا رصيد رحت انا قايله ومفيش رصيد فى تليفون البيت وتانى يوم متكلمتش برضه جت انهارده بقى كلمتنى وانا مش موجوده انا كنت خرجت مع واحده صاحبتنا هى عارفاها بس التانيه دى عكسها خالص بتسال عليا كل يوم وبتحبنى اوى وهى بقى بتغير منها عشان بحب التانيه برضه بس بصراحه مش زيها المهم راحت بعتالى رساله قالتلى فسحه سعيده وسلميلى على فلانه انا فهمت انها كده اتضايقت لانت دى مش طريقتها فى الكلام والرساله دى زعلتنى اوى رحت انا بعتلها قولتلها يوصل يا حبيبتى بس انا رنيت لها بعد ما رجعت وهى معبرتنيش فانا بقى عايزاكوا تقولولى مين الى غلطان وانا الى كلمها ولا استنى اما هى تكلمنى ويا ريت بسرعه عشان اخد القرار انهارده او بكره بالكتير قبل النتيجه

السلام عليكم ورحمة الله وبركاته .....

المشكلة ده بتحصل كل يوم ومع اي حد ..... بس الصداقة الجادة هي اللي يكون فيها الطرفين بيحاولوا مايزعلش الطرف الأخر .....

لكن بجد خليكي مرنة وعادي خالص وخليكي كووووول ... وماتحاوليش تضايقي حد او تتضايقي من حد ..... واتكلمي معاها تاني بس خليكي برضه حذرة ..... وحاذر من صاحبك ولاتخونوش ... واللي ماتحتاجش النهاردة لوشه بكرة تحتاج لأفاه ..... فعادي خليكي مرنة ووحاولي ترجعي صداقتكم من تاني بس مادام هي مش بتسأل عليكي خليكي انتي كده واسألي عليها بس كل شوية كده يعني ماتكونيش ملهوفة عليها اوي .............

ياريت يكون رأيي يساعدك ولو بجزء بسيط .....