هل ممكن انك تتجوز جواز تقليدى ؟؟؟؟؟؟؟؟؟؟؟؟؟؟؟؟؟؟؟؟؟؟؟

[Baskoota]

السلام عليكم ورحمة الله
انا بصراحة مش فاهمة تقصد ايه بكلمة زواج تقليدي
لكن الارجح انك تقصد زواج الصالونات اللي بيقولوا عليه
طيب انا عايزة اسأل سؤال
هو ايه بقى الجواز اللي مش تقليدي
ما هو كل زواج في الدنيا ان واحد بيتقدم ويشوف البنت عجبته تمام يبقى 50%
عجب البنت
بيس
يبقى كدا 100%
واكيد مفيش حد هيتزوج حد وهو ميعرفهوش معرفة كاملة
دا الشاب اليومين دول بيقعد يكلم بنت ع النت ربع ساعة
وتلاقيه واقف بيتكلم مع صحابه بكل فخر ويقول
يا عم دا انا عرفت كل حاجة عنها

ما بالك بقى باللي هيخطب سنة ولا سنتين و لا اكتر
ويقعد يتكلم معاها كل يوم ساعتين ع النت وتقوم تتغدى وساعتين ع التليفون الارضي وتقوم تقيل( من القيلولة) و4 ساعات ع الموبايل (خط مفتوح) وبعدين تقوم تتعشى
وباليل بقى طبعا محدش فيهم بيسيب التاني يتهنى على 3 دقايق نوم
وكل شوية
ميسد
رسالة
اتصال
كدا يعني
مع العلم بإنه مالوش حق يكلمها الا لو كان عاقد عقد شرعي
بس انا بتكلم ع السائد في مجتمعنا

وطبعا الحموات في مجتمعنا المصري ميتوصوش
اول ما العريس يدخل من هنا
يا دوب لسا منزلش السلم ولا هضم كوبايه العصير
تلاقي التليفونات اشتغلت
علشان يسألوا عليه ويطمنوا ع مستقبل الست هانم بنتهم

كذلك ام العريس تلاقيها شغالة هنا وهنا وهنا تسأل اللي رايح واللي جاي علشان تطمن ع مستقبل الافندي ابنها




فمش معقول بعد كل دا وهيكتشف ولا هي هتكتشف حاجة جديدة بعد الزواج

لكن لو الحكاية كروتة وكدا زي ما بيقولوا

طبعا انا ضده ولو انه مش موجود في المجتمع المصري
انما ممكن نلاقيه في الخليج مثلا


اعتذر للاطالة
والسلام عليكم



سبحانك اللهم وبحمدك
اشهد ان لا اله الا انت
استغفرك واتوب اليك