دفعه ثانويه عامه 2015

[linuxer9]

آسف جدًا على الكلام اللي هقوله لكن أنتو كبرتو ولازم تعرفوا الكلام ده

أنا كل ما أتخيل لو أنا كنت بفكر زييكم في نفس الوقت ده ، كنت بتخيل إني هنتحر بعد نص السنة أو أهاجر وأسيب البلد أو ينتهي بي الأمر في مستشفى الأمراض العقلية عنبر المتفوقين!
إيه يا جماعة ؟ ليه الإحباط ده ؟ ده لسه السنة ما بدأتش أصلًا ؟ وقدامك وقت طويل ومنهج قليل !
اعمل أي حاجة أنت نفسك فيها طالما مش هتضر حد ، في الآخر الناس الحاسدين هتغلي من جوا وهتغلي لحدك لما تتفجر في نفسها وتعمل كدا: https://www.youtube.com/watch?v=qC9zpcfDbMo

أنا مقدر اللي انتم فيه ، أنتم محطوطين جوا وهم أنه الثانوية العامة تحديد مصير ولو نقصت ربع درجة ممكن مستقبلك يتدمر ، أو أبوك وأمك يحصلهم حاجة لا قدر الله وأن السنة دي نهاية المشوار
إنما كل ده وهم ... أنا اكتشفت أنه ثالثة ثانوي زي أي سنة غيرها بس الناس حواليا مكبرة الموضوع بس
اعمل اللي عليك وماتضيعش وقتك في حاجات حصلت امبارح أو حاجات هتحصل بكرة لأن كل ده وهم متبقاش خايف من ان الإمتحان لأنه لسه مجاش لسه ومجرد وهم
فكرة أنك تبقى قلقان وخايف من المستقبل إحنا اكتسبناها ... طيب أنت عمرك سمعت جنين في بطن أمه قلقان وبيقول أنا خايف لأن مطلعليش مناخير لحد دلوقتي...
كل اللي بتفكر فيه من احباط وهـــــم أنت حطيت مخك فيه لحد ما العقل الباطن سيطر على تفكيرك وجعل الوهم حاجة مُسلم بيها زي مثلا: الحسد أو الأشباح!
المهم : اعمل اللي عليك و سيب الموضوع على ربنا
وتحياتي

المشاركة الأصلية كتبت بواسطة $طالبة علم$

والدوام لله
بس انا صحبتى عمرها ما كانت متكبره كان مصاحبه الناس كلها عمر ما الضحكه فارقت وشها كانت اخت بمعنى الكلمه لكل الناس مكنش فى سؤال بيقف معاها وكانت بتحل باكتر من حل كان ذكاء ربانى مفيش مدرس الا وقال عليها ممتازة مش فى مشها بس لا دول كانو بيحكو عليها للناس كلها الاكبر والاصغر
انا استاذى بتاع الرياضه كان يكتب المساله محدش فينا يحلها يقول ان صحبتى حلتها واخدت فلوس منه عليها كان كل حصه كده
صحبتى مش ماتت فجاه صحبتى تعبت بكانسر واتعذبت بيه مع انها مش عملت ذنب تكفرها
الحسد جاب صحبتى فى التراب
مابالك احنا هعمل بينا ايه
انا مقتنعه جدا بكلام حضرتك وشكرا على ردك
بجد اقنعنى
بس الدنيا حاليه وحشه مفيش حد متخافش منه كل اللى حواليا يا ناقمين يا اما حاسدين
اتا عن نفسى مش هجاوب على سؤال الا اذا اتسالت ومش هجاوب اجابه نموذجيه هحتفظ بيها لنفسى هخلى الناس كلها متركزش معايا ومش هسال استاذ عن اى اساله هاجى اكتبها هنا فى المنتدى يعنى محدش يعرفنى عشان يحسدنى ان قبل ما صحبتى تتوفى سالت استاذى اسال فى اول وحدش انجلش قبل ما ناخدها فى الدرس اصلا ذكرتها وفهمتها جيت قعدت يو مين مصدعه ومفتحتش كتاب
يعنى الحسد مش بيبقى بس من الطلبة بيبقى برضو من الاساتذة
انا على فكرة بؤمن بالحسد جدا وبعد موت صحبتى انا امنت بيه اكتر
هو اه (قل لن يصيبنا الا ما كتب الله لنا )
بس العين فلقت الحجر..ولازم ناخد بالاسباب اه بس احيانا مش بيقى فى سبب
سورى صدعت حضرتك بكلامى بس ارتحت لما كتبته

لا أبدًا ، أحسن حاجة الواحد يتخلص من همومه بالكلام عنها ولازم تعودي نفسك على كدا حتى مع نفسك
أنا ما كنتش بتكلم عن صاحبتك (الله يرحمها) لكن بقول كلام ممكن يحصل مع ناس ..
وممكن يكون الكبر في القلب مش بالتصرفات ، لاحظي مدى دقة الرسول عليه الصلاة والسلام : "لا يدخل الجنة من كان في قلبه مثقال ذرة من كبر" ، ولم يقل :" من كان متكبرًا"
وأنا برده هسألك سؤال تاني : ليه الأستاذ بيحسد الطلبة ؟

المشاركة الأصلية كتبت بواسطة bibo mohamed

ازيكو...
محتاره فحاجه وعايزه اخد رايكو...دلوقتي انا قدامي مدرسين عربي كتير ..في بدا من رمضان وفي هيبدا الاسبوع ده وفي هيبدا اول 9
من ضمنهم مدرس تحفه تحفه ..كان بيدينا درس فتانيه ..هو مداش سنه تالته خالص قبل كدا رغم ان ناس كتير اتحايلت عليه..والسنادي بعد ما طلبه كتير كلمته وافق انه يدي
انا عارفه اسلوبه وطريقه شرحه ومقتنعه بيها من زمان ..بس حكايه انو اول سنه يدي 3دي مخوفاني..يعني مش هيكون خبره برضو زي اللي بيدو3من زمان
وممكن يجرب فالطلبه السنادي
وممكن يكون مكنش رادي يدي قبل كدا عشان بيحضر انه يكون مدرس جامد...مش عارفه ..انا قولتلكم تفكيري ومستنيه ردكم...ضروري عشان عايزه اسمع اراء كتير ..وخصوصا انو هيبدا بكره يعني مفيش وقت
رايكو مهمممممممم جدا ليا ..ياريت بسرعه عشان اشوف هعمل ايه

لو أنتي شايفه المدرس ده كويس وشرحه حلو من سنة تانية يبقى ليه تسيبيه ؟
الواحد لازم يتعلم من خبرات السنين اللي فاتت
إعتراف: أنا أخدت درس عربي عند مدرس إعدادي
وأحب أقول حاجة وتستحملوني فيها شوية : ما تتعاملوش مع الأساتذة كإنها أدوات .. أنتو فاهمين أنا عايز أقول ايه يعني كإنك رايح تخطب مثلًا فلازم تسأل عن العروسة

وبالتوفيق ويارب نشوفكم من الأوائل
تحياتي