اقتباس:
المشاركة الأصلية كتبت بواسطة omarhassan2009
كتاب رائع جزاك الله كل خير ^^
|
وجزاك خيرا
اقتباس:
المشاركة الأصلية كتبت بواسطة ..Ginger..
بجد نصايح روووووووووووعة جدا وحلوة اوي
نفعتني جدا
بس انا عندي مشكلة نفسية شوية
احنا عندنا واحدة في المدرسة ما شاء الله عليها علي طول بتطلع الاولي ومهما بحل مش بوصل لمستواها
يعني لو كلنا غلطتنا في امتحان في الدرس هي ما شاء الله لأ ( مش بحسد ههههههههه  )
فانا جتلي عقدة بجد ومش عارفة اعمل ايه
في حل للمشكلة دى؟؟ |
و حضرتك لازم تطلعي الأولى يعني ؟
أولا : المفروض يكون عندك هدف حقيقي ، هدف غير إنك توصلي لمستوى حد معين أو تتجاوزيه .. أنا كان طموحي أدخل طب بشري ، و مكنتش مهتم أطلع الأول ع المدرسة .. أو حتى العشرين ، ﻷنه ف النهاية أنا والأول ع الجمهورية هتجمعنا كلية واحدة - إذا كان طموحه طب بشري برضو - ومش هيبقى فيه فرق بيننا .
ثانيا : مش معنى إنها بتحل أحسن منك إنها
أذكى منك ، ﻷن الثانوية العامة - أكيد انتي عارفة - مش مقياس للذكاء بقدر ما هي مقياس للقدرة على الحفظ ، وهتحسي بده لما أستاذ يقولك إن إجابتك مش نموذجية لمجرد إنك مش بتستخدمي نفس تعبيرات الكتاب ، حتى لو كانت إجاباتك بصيغة أفضل من الكتاب !
ثالثا : الثانوية العامة بتختلف عن كل السنين اللي فاتت ، بمعنى إن اللي متعود يطلع الأول كل سنة مش ضروري يطلع السنة دي .. فيه ناس كتير كنت متعود أشوفهم ف الأوائل ، بس السنة دي .. اختفوا ، وناس كان مستواهم - الدراسي - ضعيف نسبيا والسنة دي كانوا مفاجأة .
التوفيق ليه دور كبير ف
تصحيح امتحانات الثانوية العامة .. فيه إجابات غلط بتعدي ع المصحح وبيعملها صح ، وإجابات صح بيعملها غلط ! واسألي أي حد من دفعة 2014 يكلمك عن تصحيح السنة دي
و ف الأخير : يا ريت انشغالك
بالأخذ بالأسباب ميطغاش على
توكلك على ربنا .. وحاولي قدر الإمكان تساعدي غيرك ﻷن " الله في عون العبد ، ما كان العبد في عون أخيه " .. وحافظي على
الصدقة - أكيد قرأتي فضلها .
وفقك الله
12-09-2014, 03:23 PM
العرض الشجري
