الأوراق المطلوبة لشراء مدة سابقه

[الغالي وليد]

الف شكر يا استاذ محمد وجزاك الله كل خير
وبما ان حضرتك فتحت هذا الموضوع فنتمني من المولي ان تتقبل بصدر رحب بعض المعلومات للاخوه الافاضل
اولا : المدة التي يؤخذ علي اساسها معاش كامل هي ( 36 عاما ) خدمه
مثال ذلك لو انت اشتغلت وعندك 30 سنه مثلا يبقي لازم علشان تاخد معاش كامل شراء ست سنوات
ثانيا : في اخر شرط بيقولك لو انت كنت بتشتغل مثلا في مصنع او شركة وكان متامن عليك فيها بتجيب ما يثبت عدد السنين اللي تامن عليك
مثال ذلك
لو انت اشتغلت في شركة اربع سنين واتعينت في الحكومه علي سن 30 سنه يبقي باقي ليك شراء سنتين خدمة تامين وسوف ااتي بتفصيل الشراء في الفقرة القادمه

ثالثا : لابد من معرفة القيمة الفعلية لكل شهر شراء من مدة سابقة وهذا هو مطلب الجميع وانا سوف اعطي
مثال لذلك
واحد الاساسي بتاعه 300 جنيه من المعلوم انه هذا المبلغ يقسم 60% علي جهة العمل
و 40 % للشخص يتم دفعهم
وبالمثال السابق 40 % من ال 300 =120 جنيه
120 جنيه في 12 شهر = 1440 جنيه في السنه الواحده
ناتي لاخر شيء وهو ما يريده الجميع
لو واحد الاساسي بتاعه 300 جنيه بالحسبة اللي فاتت دي هايدفع كام في شراء خمس سنين سابقين لكي ياخذ المعاش كاملا
120 جنيه في 60 شهر = 7200 جنيه
خد المثال السابق وقيسه علي الاساسي بتاعك الان
وياريت محدش ينسي الموضوع دا علشان خاطر الشيب لا يعرف معلش وياريتني واعملها دلوقتي وانت الاساسي بتاعك صغير بدل ما بفضل يكبر والشراء يكبر معاه
تحياتي للجميع واسف علي الاطاله