النحانيح

[Monier]

المشاركة الأصلية كتبت بواسطة جدو عبده

نحانيح متنحنحين وبتبلبط فى الكلام
وعايشين سوى سوى فى كهوف م الأوهام
أسرة مع بعضيهم والغل مرض فيهم
ولو يوم بالصدفة تلاقيهم فكرك عددهم كام !



ياكاره جيش بلادك وبتقول مش إخوان ---
ماتقولنا انت مين ؟
وأكيد كاره فلول وأتباع السيسى كمان ---
طب كدا باقى مين ؟


باقى اللى من جبنه مدارى ورا قناع
واللى هانت عليه بلده وبالرخيص باع
ونفسهم يخلقوا فى الوطن كل يوم صداع
والفوضى الخلاقة تبقى لها مركب وشراع


كل يوم تتنفسوا سموم فى سموم
وتبثوا فى هوانا الطاهر غيوم وغيوم
فاكرين اللى صحى خلاص
هينخدع فى كلامكم تانى ويرجع تانى للنوم


مصر خلاص صحيت وبتصبح بالخير
ع ولادها الطيبين بس ع الطيبين
صباح الخير يابلد الخير

ياللى جاى وتسال احنا مين؟
احنا اللى نصنا بقا ميتين
احنا اللى من الاخوان والفلول شايلين
وبنسال جيشك هيودينا على فين

بقى جاى بتسال مين احنا
والله من السؤال ضحكنا
لانا مرسى ولا انا سيسى
ولا عمر اى قاتل هيبقى رئيسى

لو مش فاهم انا ممكن اعيد
انا اللى فى كل بيت ليا شهيد
وانا اللى زهقت من كل العبيد
وان يومى زى ماهوه مفهوش جديد

دلوقتى اقولك انا مين
انا الفقير انا الغلبان
انا اللى خلتلك صوت فى الميدان
انا صوت خمسة وعشرين
انا اللى دوقت مر السنين
انا الكافر فى عصر الاخوان
وانا الارهاب فى عصر الانقلاب
وانا اللى بيدمر تحت حكم العسكر

اسمع منى وافهم الكلام
البلد مش عسكر واخوان
فى البلد فقير جعان
بيحلم بالحياة
ويدعى كل يوم لله
ملعون العسكر على الاخوان

احفظ كلامى وخليك فاكر
مش معنى ان مدبوح وساكت
انى يومى ملهوش معاد
وان مهما تدمروا فى البلاد
هرجع بكره من تانى
وفى البلاد هتمنى الامانى
وبغمضة عين هتشوف
بلد من غير تميز ولا خوف
من غير عسكر ولا فلول
ولا اخوان ولا حد مذلول