طب المنصورة 2015 هنا

[أمــلــي فــ ربنـــا كبيــــر]

بس الحمد لله في اخبار عن ان اول اسبوعين عندنا تمهيد مش شرح في المنهج و دا كلام انا نقلاه عن فريق انسان اللي عندنا في الكليه بالنص

"السلام عليكم grin emoticon
بقالنا كتير مقلناش اخبار حلوة؟ فنقول بقا خبر حلو كده grin emoticon
سواء في منكم يعرفوا او لا كان في امبارح والنهارده مؤتمر طلابي في الكلية
كان بحضور العميد والوكيل ودكاترة كبار في الكلية وحضر ناس من جامعات برا المنصورة زي القصر العيني وجامعة قناة السويس ..
--
المهم كان في نقاشات مع العميد والوكيل لتطوير نظام الدراسة والامتحانات وفعلا هيحصل تغيير كبير علي حظكم باذن الله grin emoticon
--
فين الخبر بقا الحلو؟ grin emoticon
طبعا كلكم تايهين دلوقت وشايفين مليون دورة تمهيديه وناس غريبة كل يوم بتعلن عن دورات وكلها اعلانات لكورسات وكده
ايوة فين الخبر بقا؟ grin emoticon
الخبر ان العميد وعد النهارده انه مش هيبدا معاكم بالمناهج علاطول .. لا هيبقي في Foundation course (دورة تمهيدية) الاول .. حوالي اسبوعين في بداية الدراسة .. هيدخلكوا دكاترة كبار معروفين بشرحهم هيفهموكم براحه كل حاجه هتحتاجوها فالاول وبطريقة علمية محترمة لان باذن الله زي ما قلت في تغيير هيحصل فالبتالي مش هتحتاجوا اي دورات بره الكلية دلوقت ولا اي حاجه خالص
---
.. ولو لاقدر الله حصل انكم مفهمتوش في اي محاضرة على مدار السنة .. في Feedback تقدموها وبيها تقولوا رايكم في المحاضرات والمحاضرين ولو عايزين حتي تعيدوا شرح شابتر كامل او تغيروا محاضر ده هيحصل بالآلية دي
--
اخيرا استمتعوا بما تبقى في الاجازة"

فبفكر محضرش تاني