نصائح هااااااااااااامة لطلبة الطب

[د/ ماجدولين]

المشاركة الأصلية كتبت بواسطة Dr.mayson

شكرا لردك الجميل يا دكتورة ماجدولين
ووياستى ثقى ان انا وانتى واحد لان الهدف تحقيق اكبر افادة وياااااريت لو عندك اضافات ارجوكى انك تضيفيها لتحقيق اكبر قدر من الافادة وياريت بردوا اللى عندو اى اضافات يحطها لان الموضوع موضوع عاااااااااااااام للافادة وشكرا يا دكتورة مرة تانية وبانتظار اضافتك اللى اكيد هتكون مفيدة

شكرااااااااااا يا قلبى
بجد ردك الجميل دة أحرجنى
وبعدين بلاش دكتورة دى

دكتورة ماجدولين

أنا لسة مبعرفش أفرق بين النائم وفاقد الوعى
بس أنا حاطها كدة عشان أفتكر من وقت للتانى
يمكن الزهايمر يشتغل وأنسى:D
أوكى يا دكتورة ميسون
ع العموم
(وجنت على نفسها براقش)
استحملى بقى
انا ان شاء الله هيبقى ليا أكتر من مشاركة
لأنى كنت ناوية أعمل موضوع كامل
فالأضافات هتبقى كتيرة
لو نزلت فى مشاركة واحدة
ومش هتتقرى
فمعلش بقى
أستحملى غلاستى
فى رعاية الله

[د/ ماجدولين]

السلام عليكم يا دكاترة
عاملين أية؟؟؟أزيكم؟؟؟؟
أتمنى تكونوا فى أحسن الأحوال يارب
بصوا بقى
أنا عاوزة أقولكم معلومة صغيرة عنى
(أنا لسة رايحة أولى طب بأذن الله)
والفايدة من المعلومة الخطيرة دى
هى أنكوا تعرفوا ان الكلام اللى هنزلة
معظمة مش كلامى
ولكنى ناقلاة من عدة مصادر
(نت_قرايب_أصدقاء_دكاترة)
يعنى الحكاية هتبقى كوكتيل:D
بس كوكتيل حلو بأذن الله
_خصوصا أننا فى موسم المانجا_:D
والكلام للى جمعتة متشابة ألى حد كبير
وممكن بعض الحاجات مش تدخل دماغنا
بس دة كلام ناس أكبر مننا وفاهمين عننا
وبعدين عارفين المثل
(أسأل مجرب ولا تسأل طبيب)
أهو احنا بقى طماعين سألنا الأتنين:D
لأن الطبيب هو هو اللى مجرب
المهم عشان مطولش عليكوا

*************************
دلوقتى يا جماعة
أحنا الحمد لله دخلنا كلية الطب بأرادتنا
بل بالعكس فى ناس أهلها كانوا عاوزينها تدخل الصيدلة
بس أحنا اللى أخترنا الكلية دى بكامل أرادتنا
والطب هو أسمى رسالة فى الحياة
لأنك هتبقى مسئول بعد ربنا سبحانة وتعالى
ع الحفاظ ع حياة البشر
كلية الطب مش معناها أنك تحمل لقب دكتور
وتتباهى بية
قد ما هى مسؤلية كبيييييييييييرة
تحملناها بأرادتنا وهنتسأل
عليها فى الآخرة
ودة كلام من أحد المنتديات
_____________________________
مهنة الطبيب مهنة سامية وأنسانية لن تعرفوا قيمتها الا عندما تروا المرض وتشعروا بهم ونصيحتى ليكم أنكم تاخدو الموضوع جد من اول يوم وتدركو ان كل كلمة يتذاكروها ممكن تنقذوا بيه أنسان فى يوم من الأيام وان ممكن يكون الأنسان ده من أحب الناس ليكم وأعرفوه ان ربنا أختركم من بين آلاف علشان تنالوا شرف حمل هذه الرسالة ومتفرحوش بكلمة دكتور قد مالازم تحسو بمسؤليته
_______________________________________
أوكى يا جماعة وعشان كدة عاوزين ناخد الموضوع جد من الأول
وقبل ما أى حد يفكر فى مرة أنة يكنسل محاضرة أويفوت سكشن
يفتكر الكلام دة
ممكن فى الحاجة اللى هتكنسلها
تتقال معلومة هتحتاجها بعدين عشان تنقد حياة شخص
وممكن الشخص دة يكون عزيز عليك
وعشان كدة طلبة طب
مش زى بقية الطلبة:D
ممكن يضيعوا أول أسبوعين فى الكلية
بحجة التعرف ع النظام وكدة
وعشان كدة
هنحاول مع بعض نفهم النظام من دلوقتى
عشان نبقى مستعدين
لآن أحنا لازم ناخدها جد من الأول
لأن احنا هنبقى مسؤلين عن حياة ناس
أوكى
وبأذن الله هكمل_ بس بعدين _
أزاى نستفيد من كل وقتنا فى الكلية
لضمان التميز والتفوق
***************
معلش يا ميسون
هى الأضافة يمكن مش تكون جامدة أوى وانتى قولتيها
بس أنا حبيت أوضحها بالمعنى دة
وانتظرى البقية:D