تقييم أعضاء المنتدى

[شموخ مسلمة]

المشاركة الأصلية كتبت بواسطة asdat

بصى بقى انتى اللى جبتيه لنفسك
انا استاذه فى كرسى الاعتراف ده:D
و موش حرحمك
انتى خلويص خفيتى:D
ماااااااااشى
نبدا بقى :

1-ايه هو أول موضوع ليكى فـي المنـتدى ؟

اول موضوع عملته ماشاء الله منور قسم الممواضيع المحذوفة
هو كان موضوع انى عايزة اتعرف ع محبة الله و ده لانها كانت قافلة الرسايل الخاصة بس الحمد لله عرفتها مؤخرا
2- ايه هى الصوره التي تتوقعى اننا نشوفك فيها ؟

مش هتشوفونى ياذكية ......ماقلنا منتقبة
3- كام من عشره تدى لتطابق شخصيتك اللى عالمنتدى مع شخصيتك عالواقع؟وايه الفرق بينهم ان كان هناك فرق ؟

بصى انا يمكن شخصيتى ع المنتدى هيا انا اكتر من الواقع لسبب بسيط
انا فى الواقع فى صفات معينة مش بحب ابينها لانها نقطة ضعفى فلو حد عرفها هيستغلها ضدى و انا مش ناقصة بس كتصرفات او اراء تطابق تام بين الشخصيتين اللى فى الواقع و اللى ع المنتدى لانى انسانة واحدة مش اتنين
4-اذكرى الصفات اللى بتحمدى الله انه ادهالك ؟

الحمد لله طبعا ع كل نعمه
بس يعنى يمكن الكل بيمدحنى فى عقلى و انى ايجابية _بيقولوا و الله اعلم _
و فى مشاكلى عقلى بيغلب عاطفتى حتى لو هتعذب
5- اذكرى الصفات اللى شايفاها فى غيرك ووتمناها لنفسك ايضاً ؟

البرود:D طبعا هتضحكى بس بجد البرود ده نفسى يبقى فيا حتى اختى بتقولى اتعلمى البرود اصلى بعيد عنك مابستحملش الانسان البارد وممكن بجد اعصابى تدمر لو قابلت حد كده فلو انا باردة هتتحل المشكلة
و طبعا اكيد نفسى ابطل تضييع وقت عارفة نفسى يبقى كل حاجة فى حياتى ماشية بوقتها
و اكتر حاجة نفسى فيها بجد : ربنا يرزقنا الاخلاص فى القول و العمل و النية
6-اذكرى الصفات اللى مبتعجبكيش فى نفسك

هو فى غيرها انى بتاثر باى حد حتى لو مش يستاهل لدرجة تتعبنى او تاثر ع حياتى
و العصبية بس الحمد لله العصبية بدات تقل
7-هل انتى شخص ناجح ؟ وليه ؟

بصى اقولك ع حاجة اتعلمتها من الثانوية و الصدمات اللى حصلتلى فى الاخر
اتعلمت انى مش هقول اى حاجة عن النجاح الا لو فعلا عملت النجاح ده و النجاح اللى انا عايزاه لسة مرحلته الكلية و المرحلة اللى بعدها فمش هقدر اقولك انا ناجحة و لا لا الا لو فعلا نفذت اللى فى دماغى
8-هل تعتقدى انكى موهوبه ؟ وايه برده ؟

اه الحمد لله
ليه بقى مااعرفش بس انا فى تصرفات او حاجات بعملها بحس انها عادية جداااااااااا بس بلاقى كتير علقولى عليها مع انها اصلا بتبقى عادى:D
بس صراحة انا يمكن عملت اختبار نفسى و النتيجة بتاعته كانت انى مش مكتشفة مواهبى و سبحان الله ماما دايما تقولى الكلمة دى
فعلى كلام اللى حواليا موهوبة
ع كلامى انا عادية بس عايزة اكتشف مواهبى
9- هل انتى محبوبه ؟وليه و من ميييييييين؟

دى بقى تسالى اللى بيحبونى .....اما من مين اكيد منك
10- ايه احلى نك نيم عاجبك في المنتدى ؟

مش فاكرة اوى بس متهيالى شفت من فترة سيف الله المسلول بحب الاسم ده جدااااااا
و فى نيك نيم بتبقى وعظ بس هيا نيك نيم برده بحبها اوى
شفتى كنتى هتنسينى
اول ماسجلت
كبرياء الصمت
اميرة بكلمتى
بصى يابنتى اى صفة قوة للبنت بحبها موووووووووت
وبرده فى أمل الحياة ده انا مسجلة بيه فى منتدى معين و لاقيت حد مسجل بيه هنا و الاسم ده بيمثلى حاجة معينة فبحبه برده
كتير يابنتى هصدعك:D
11- تحدثى لنا عن طفولتك باختصار في اقل من عشرين صفحة بلاش رط كتير انا عارفاكى

طفولتى شقية جداااااااااا
12- اذكرى لنا موقف مضحك حصلك ؟

موقف مضحكبصى ياستى
قبل كده كنا فى البحر وصاحبة اختى و اخواتها معانا المهم اخوها الصغير وقع فى البحر وكان تقريبا بيغرق فانا ناديت عليها لانى كنت بعيدة فالبنت دى بدل ماتنزل تجيب اخوها هيا اصلا لو مدت ايدها تعرف تجيبه المهم وقفت و كل اللى عملته تنادى عليه هو اسمه عمر تقولى عمر ...عمر و تصوت ده كل اللى عملته
بصى انا كل اللى عملته قعدت ابصلها و اضحك جدااااااااااا ماشاء الله هيا اثبتت ذكاءها اوى
بصى انتى بجد لو كنتى معانا و شفتى المنظر اصلا كنتى تضحكى عليها اوى
بس الحمد لله عمر ماحصلهوش حاجة

13- اذكرى لنا موقف محرج اتعرضتى ليه؟

موقف محرج انا اتعرضت لكذا موقف محرج بصى مبدايا انا اصلا من النوع اللى اقل حاجة بتحرجه
و اسمى ده عملى مشاكل هو طبعا زى ماانتى عارفة غالبا لما اقوله لحد بيسمعه غلط او مش بيعرف ينطقه مع انه سهل:D:Dفكان بيحرجنى لسببين اما انى بضطر انى اكرره اكتر من مرة عشان يتسمع
او ان فى ناس بتسمعه غلط غالبا بتسمعه محمود و ده طبعا كان بيسببلى احراج و كان وشى بيجيب الوان الطيف
14- اسعد واجمل موقف حصل ليكى على المنتدى ؟

كتير بس يمكن اكتر حاجة فاكراها و فعلا فرحتنى كلمة ترافل قالتهالى دى بجد عمرى ماهنساها
15- اسوء موقف او ذكرى حصلت لكى على المنتدى؟

هو مش موقف او ذكرى بس يمكن حاجة حصلت بدون قصد زعلتنى من نفسى جداااااااااااااااااااااا و يمكن عرفتها النهاردة او اخدت بالى منها النهاردة فماتقوليش ايه هيا لانى مش هقولهالك بس ادعيلى نفسيتى تقدر تستحملها
16-ايه هى نقطة ضعفك ؟

حنينة زيادة عن اللزوم
17-متى أخر مره بكيت حزناً وامتى فرحاً ؟

حزن يمكن من شوية جوايا عيط بجد مش عينى بس
و من الفرح انا عامة لما بضحك اوى بدمع بس انه حاجة مفرحة اوى مش فاكرة

18-يوم تنتظريه بفارغ الصبر..وليه؟

يوم تحرير فلسطين .....ليه لانى نفسى اساهم فيه
وبرده بستنى يوم ما اثبت نفسى للكل و ده لما باذن الله احقق اللى بفكر فيه حاليا
19-_ ازاى تبواجهى صعوباتك في المنتدى؟؟

بصى هو نظرا لانى اصلا مش مستحملة لو لاقيت ان الصعوبة دى ممكن ادخل فى مناقشة حد يجرحنى فيها لا بسيب المناقشة لان ممكن اللى ادامك يقول كلمة عادية بس تبقى صعبة عليكى و يمكن دى حصلت معايا من فترة مع عضو معين هو عضو محترم جدااااااا بس حسيت انى لو كملت نفسيتى هتدمر فاول ماحسيت ان نفسيتى بدات تتاثر انسحبت و تجنبت مواضيعه او انى ادخل فى مناقشة معاه بس الحمد لله دلوقتى عادى كلنا اخوات طبعا
بس فى مشاكلى عامة سواء حياتى او المنتدى بستخدم عقلى
20_ ايه رايك فى اعضاء منتداكى؟؟هل ادو المنتدى حقه ام لا؟؟

اخواتى يابنتى لازم يبقى كويسين جدااااااااااااااااااااااا طبعا
بس يمكن بيقصرو فى حق المنتدى لما يشدوا مع بعض فى الكلام

يلا بقى
وعلى فكره لسه بااااااااااااااادرى
ده لسه تسخين:D:D
مش 3 ايام
ابقى ادعى على جايد بقى
فى رعايه الله

ايه يابنتى ده ده انا كتبت كتابة
اسالى ياقمر و لا يهمك