|
||||||
| قضايا سياسية وأخبار مصرية وعربية وعالمية منتدى يختص بعرض كافة الأخبار السياسية والإقتصادية والرياضية في جميع أنحاء العالم |
 |
|
|
أدوات الموضوع | انواع عرض الموضوع |
|
|
|
#1
27-08-2016, 12:48 AM
|
|||
|
|||
"حكومة البذخ" تدعو الشعب للتقشف.
 من أد الدنيا
الى بقايا وطن «قصة مصورة» الجمعة 26/أغسطس/2016 - 08:13 ص محمد أبو العيون - عدسة: محمد متعب قبل ما تضيع ملامحي في دواير وعود حكومتك.. عايز أقولك بحبك.. من قبل حتى ما اتولد ويتكتب في شهادتي اسمك.. بحبك.. كنت في علم الغيب كل ما اتملى في محاسنك يصرخ من جوايا صوت.. بحبك.. لأ.. ده من قبل حتى ما الأرض يسكنها البشر.. بحبك.  عايزة الدليل بصي جوايا واتأملي في جمال ملامحك.. اسألي قلبي اللي مدفون بالحيا وسط حبات رمالك.. فتشي في قلوب حجارتك.. اسمعي طبطبة بحورك وخرير نيلك.. كل شيء تحت سماك يشهد إني بحبك.  أنت ياللي فوق العلا تاجك.. ليه مش عايزة تعترفي إني أنا ابنك.. إني أنا الدرة اللي مزينة تاجك.. إني أنا الحق وأي شيء غيري باطل ومش دايملك.. ومادمت أنا فوق أرضك.. اطمني رغم ظلمك.. وإوعي تخافي وارفعي في وجودي راسك.  سيبيني رغم الفقر أتغزل في ملامحك.. خليني زي الطير أرفرف فوق جبالك.. وأقول بعلو الصوت.. بحبك.. سيبك من حبايبك اللي هما وقت الجد مش حبايبك.. مش باقية المناصب ووحدي أنا اللي باقيلك.  ليه بتخليني كل يوم أتمنى أهاجر وأسيبك.. ابنك أنا ولا عدو استولى على أرضك.. تكونيش صدقت إني عميل وبتآمر على شعبك.. كيف يا زينة البلاد وأنا مزروع جوايا حبك.. فهموك إني بسعى في خرابك.. طب إزاي وحياتي في وجودك.  فوقي واسمعيني ولو مرة أنا في عرضك.. مش بايعك أنا عشان يعرضوا عليا تمنك.. بلاد كتير فيها عيشة وعدالة وحرية مش موجودة فوق أرضك.. بس في الآخر غربة وقلبي يطاوعني في كل شيء إلا الرحيل والبعد عن أرضك.  كتير لملمت خلقاتي فوق جسمي وأخدت وأنا بودعك.. مستقبلك وأملك.. وقلت هجرة ومكتوبة وبكفاية مرمطة فوق أرضك.. وفي كل مرة قلبي يعصاني ويصرخ بلاد الغربة عمرها ما هتكون وطنك.. ولا أرضها في يوم هتصبح أرضك.  أسمع كلام قلبي وأرجع من تاني وأحنلك.. وأفضل سنين ع الغلب ده ساكت وبدال ما أصرخ في وشك.. غصب عني أضحكلك.. بس يوم ما يفيض الكيل مش هسيبك.. وغلاوتك يا أم البلاد لحاسبك.. ويمكن ارحل من غير ما تحاسبيني ولا أحاسبك.. وكل اللي أعمله إني اسألك: ليه سيبتي جذوري تموت جوا قلبك؟ وما تخافيش هعمل عبيط وارحل قبل ما أسمع جوابك.  هعمل عبيط زيك لما سيبتيني جواك أتغرب.. لما شوفتيني مرمى في شوارعك متبهدل ومتشرد.. لما بعتيني عشان ترضي الكبار وأنا اللي طول عمري متمسك بترابك ورافض في حبــه أفرط.. لما غميتي عنيكي وأنا مقهور بسبب حبك ومن كرامتي بجرد.  هعمل عبيط زي ما وقفت فوق جثتي ترقصي عشان غيري يضحك ويتفرج.. عشان حقي اللي يوم ما طالبت بيه قلتيلي: اصبر وبلاش من إيمانك تتجرد.. وكأن أنا بس اللي مكتوب عليا فوق أرضك أكون بالإيمان متفرد.. هعمل عبيط وصدق إن الصبر ترياق شافِ للغلابة موصوف ومتجرب.  هعمل عبيط وأنت كمان اعملي صنم.. عشان لا أطلب منك تنصفي ضعيف.. ولا تردي حق اللي انظلم.. بس كيف وأنت مهبط الرسالات هتسمحي لبشر يسجد فوق أرضك لصنم؟  كيف وإدريس أول نبي اتولد فوق أرضك.. ويوسف بعد سجنه أصبح عزيز ورفع أبويه على عرشك.. وموسى بعصاه شق البحر وكلمه ربه فوق طورك.. والعدرا في أمان سارت بالمسيح على ضي بدورك.. وآل البيت والأولياء في سماك نجوم يشع من بركاتهم نورك.  إوعي تفتكري إن في يوم هكون زي غيري كل اللي شاغلني كيف أنهبك.. طب دول وقت ما بتتكشف جرايمهم بيشعللوها نار ويحرقوا خيرك.. أما أنا وقت الشديد حاميكِ.. ووحدي أنا يوم ما تشب الحرايق السند ليكِ.  أنا حلمي جواك بسيط أربع حيطان أكون ما بينهم مطمن.. مش طمعان في فيلا أنا قابل أسكن في عشة أو كهف في جبل.. أو حتى أوضة جوا ماسورة مش فارقة كتير المهم يكون عندي وطن.. يبقى فيه قفل بمفتاح فوق باب يسترني من غدر الزمن.  علمونا من الصغر إن البيوت هي الوطن.. إن الحيطان بتزرع جوا سكانها معنى الانتماء للوطن.. إن القلوب بيعيش جواها ويكبر حب الوطن.. طول ما في بيت جوا الوطن لأصحابه وطن.. إن أي إنسان لو عاش في بلده من غير بيت بيصبح الحب بقايا وطن.  فهمونا وإحنا مش عارفين إيه المهم نبني جوا الوطن بيت ولا إنسان.. طب ما أهو الإنسان في بلادي من صغره مترمط ومتهان.. ورغم كده عمره ما باع للي عرضوا عليه التمن.. ولا حد سمعه في يوم بيشكي ويقول عايز وطن. http://www.vetogate.com/2337434 
|
|
#2
27-08-2016, 10:41 AM
|
||||
|
||||
|
اقتباس:
يااااااااااه .. عندما ينقلب السحر علي الساحر
شفت إيه يارجب .. من ناس زي دي وإللي شايفاه بالحاله دي والعيشه دي .. ومشتموهاش .. ماولعوش فيها مش كل يوم بيصبح علي الصبح زيك كده .. ويقول يارب هدها علي دماغ إللي فيها .. الناس دي هي جدار البلد دي .. وناس زي دي بالضنك ده .. والمرار الطافح ده .. ولسه رافعه علم مصر قدام ســـكن أعتبره أنا لأعظم سكان في مصر .. بسبب الناس دي عمر البلد ماهتقـــع بسب الناس دي .. حاول كل يوم .. وإخبط راسك في هرم خوفو .. ولـــــو مش عاجبك عندك خفرع ومنقرع .. وقتها هاتنجح توقع البلد دي .. لــــــــو نجحت إنت ومن ورائك إنهم يزحزحوا حجر من مكانه .. مصر بخير بكل واحد وواحده .. بيصبح الصبح يقول ... يارب .. ونفسه راضيه بإللي قسمه له ربنا العيشه صعبه .. وبتصعب أكتر وأكتر .. بس أملنا في ربنا كبير .. شايفين ناس شغاله وبتحاول عشان شعبها .. إللي فيه ناس كتير زيك .. بتهد بس ومع ذلك متحمله النقد .. وعارفه الناس قد إيه تعبانه .. خليك قاعد علي شط الفيسبوك .. وإنقد وهد الجداتر إللي ساترك وساترنا .. لو وقع .. هايقع علي دماغك قبل دماغنا ....................... يارب تكون فهمت حاجه يارجب
__________________
|
|
#3
27-08-2016, 01:58 PM
|
|||
|
|||
|
اقتباس:
هو لو خد باله أن الناس الأصيلة دى رغم مابهم ورافعين علم مصر ماكانشى نزل الخبر ولا الصورة أصلا شكرا جزيلا
__________________
الحمد لله
|
|
#4
27-08-2016, 08:04 PM
|
|||
|
|||
|
اقتباس:
خليك فى المضمون بدل الهرى
|
|
#5
27-08-2016, 08:19 PM
|
|||
|
|||
|
اقتباس:
يعنى منزل موضوع يبكى الحجر وانت لسه الدمعه بتفكر تفر من عينك غريبه !!!!!!!!!!! لوعندك مضمون ماكنا انشغلنا بغيره واللى بتعتبره إنت هرى وبعدين الوطنية مش احتكار الوطنية بس بتكره التجار
__________________
الحمد لله آخر تعديل بواسطة أ/رضا عطيه ، 27-08-2016 الساعة 08:24 PM
|
|
#6
27-08-2016, 08:40 PM
|
|||
|
|||
|
تنمية مُستدامة أم تنمية للاستدانة يا مصرنا العزيزة ! (رأي)
 http://sharek.almasryalyoum.com/citi...onufya/490586/ تحاول الحكومة بمساندة جهازها الإعلامي إشاعة أجواء الثقة والتفاؤل عقب الموافقة على قرض صندوق النقد الدولى وتحاول تسويق الأمر إعلاميًا وكأنه نوع من المرح والرفاهية، بل وصل الأمر إلى تسويق الأمر وكأنه إعادة لصلات الود والتراحم مع المؤسسات الاقتصادية الدولية! لقد أعلنت الحكومة المصرية فى بدايات العام الماضى عن خطة التنمية المستدامة 2030، كانت الخطة طموحة للغاية فى كافة البنود وتتحدث صراحة عن زيادة فى معدلات النمو وزيادة النسب المخصصة للتعليم والصحة، إضافة إلى أنها تتحدث عن أنه بحلول العام 2030 فإن مصر ستكون من ضمن أكبر 30 دولة فى مستوى التنافسية ومن ضمن أكبر 30 اقتصاد فى العالم، ومن بين أكبر 30 دولة في مستوى السعادة. على أرض الواقع وبعيداً عن الخطط المستقبلية التى تنوى الحكومة تنفيذها فقد كشفت أزمة الدولار الأخيرة ضعف الحكومة فى معالجة المشكلات الإقتصادية, وبدلا من الإعتراف بالوضع الصعب والأخطاء التى ارتكبتها, أخذت تردد أسبابًا وهمية تبرر لجوء الدولة لصندوق النقد الدولى. أولاً: المبرر الشهير لدى الحكومة بأن اللجوء لمثل تلك المؤسسات هو بمثابة شهادة ضمان للإقتصاد المصرى وذلك لنيل ثقة المستثمرين العالميين. هذا المبرر هو عذر أقبح من ذنب, لأنه كان من المفترض منذ تولى الوزراء الحقائب الاقتصادية الموكلة إليهم, أن تكون مهمتهم الرئيسية هى تهيئة الأجواء للمستثمرين وإعادة الثقة للإقتصاد المصرى. ألم تنعقد فى الفترات الماضية مؤتمرات اقتصادية وتحدث الجميع عن بدء القضاء على البيروقراطية ! ألم نتلق معونات فاقت ال30 مليار دولار فى الفترات الماضية؟! إذا كانت الحكومة تريد صراحة شهادة ضمان للإقتصاد فكان عليها العمل منذ فترة على إعادة تطوير قطاع السياحة وإعادة تنشيطه, كان عليها أن تكف يدها عن تلك المشروعات الضخمة التى تستنزف الموارد التمويلية بدون أى دراسات جدوى, كان عليها أن توجه تلك المعونات الضخمة للمشاريع الإنتاجية وأن تكون بضوابط محددة. ثانياً: المبرر الثانى للحكومة هو أن كل الدول التى حققت قفزات تنموية قد لجأت للديون مثل دول النمور الآسيوية. والرد على هذا المبرر أن المقارنة لا تجوز فتلك الحكومات فى دول جنوب شرق آسيا كان لديها من السياسات الإقتصادية والقوانين المنضبطة التى تجعلها على دراية بجدوى المشروعات التى توجه إليها القروض على عكس الدولة المصرية التى تمتلك تجارب سيئة للغاية فى سوء إدارة ملف الديون والتبرعات. فى النهاية، يجب على الحكومة أن تدرك أن طريق التنمية المستدامة يمكن أن نسلكه بدون اللجوء إلى الإستدانة وأنه من الطبيعى أن يتعرض إقتصاد دولة إلى بعض الصعوبات أو إلى أزمة، ولكن الخطورة الحقيقية تكمن فى عدم اعتراف المسؤولين عن رسم السياسات الاقتصادية بهذه الصعوبات والأزمات، وبالتالى عدم الرغبة أو القدرة على اتخاذ القرارات الواجبة والصحيحة فى الوقت المناسب، وهنا تنهار الثقة ويتبدد الأمل.
|
|
#7
27-08-2016, 09:30 PM
|
||||
|
||||
|
اقتباس:
الوطنيه عمرها ماكانت إحتكار علي أحد دون الآخر .. ولا يتم تعليمها لأحد
الوطنيه كالجنسيه .. كسريان الدم في الجسد .. ناس كتير عندها دم ووطنيه .. وناس كتير .. معندهاش دم ... ولا وظنيه ليه بقي لأن الوطن ملوش لازمه ولامكان عندهم .. وبصفتك إنت أحد أعضاء قسم شارك بالمصري اليوم .. وبتنقل الخبر إللي علي هوي ناس من نفس نوعيه حضرتك وإنتمائك .. ياريت وإنت خبير تعمل share للوطنيه إللي إحنا مش محتكرينها .. بس أكيد مش زيك محتقرينها
__________________
|
|
#8
27-08-2016, 10:39 PM
|
|||
|
|||
|
اقتباس:
كدابين الزفة  ريهام فؤاد الحداد المخلصون يتربص بهم المتحذلقون، المزايدون على الوطن والوطنية، وهم قسمان: منهم من كانت أصواتهم وقت الخطر مكبلة وربما مأجورة!! (واليوم هم ينافقون السلطة إما طمعاً أو خوفاً)، ومنهم المزايدون الذين تولدت لديهم هواجس وهلع لا منطقى (من نقاش السلبيات)، وكأن النقد هو كفر وبهتان وعدوان!! وبهذا يعمل كلا القسمين على تضليل صاحب القرار وإيغار صدره ضد أصوات العقلاء!! إن الحليف الحقيقى، هو من يرى السلبيات ويقترح الخروج منها وإصلاحها، وليس من يدلس كى ينال الرضا والقرب!! أو من كان خائفاً مذعوراً من فكرة النقاش أساساً، المواطن الصالح هو من لا يتهم من يخالفه فى الرأى باتهامات جزافية، وينعته بعدم الوطنية! إن المزايدة على الوطنية والتقليب بالنوايا، لا يبنى أوطاناً، بل يخلق جواً من التوتر والحقد بين أبناء الشعب الواحد، ويدعم البغضاء والعدوانية اللتين استشرتا أثناء الخريف العربى الملعون،!! فليس كل منتقد كارهاً، وليس كل مختلف مخالفاً. http://www.elwatannews.com/news/details/1362210
|
|
#9
27-08-2016, 10:54 PM
|
||||
|
||||
|
يامستر رجب .. مكس .. كل شيئ والعكس
لو فندت مابين السطور التي في مداخلتي ومداخله الأستاذ / رضا ستجدنا .. الوطنيون المخلصون .. وحضرتك المتحذلق ... المزايد ربنا مايجعلنا من كدابين الزفه .. ولا لنا مرشد إلا حب بلدنا وإخلاصنا
__________________
|
|
#10
28-08-2016, 12:13 AM
|
|||
|
|||
|
اقتباس:
هذه المقالة رائعة وقد اقتبست منها أخر سطرين وعملت عليها عدة مشاركات فى يوميات مواطن يعنى المقالة كلها على بعضها نالت إعجاب العبد الفقير إلى الله ليه انت أخدت منها مايتماشى مع فكرك وتركت الباقى هذا الأمر لايشعرك بالفخر لأن ريهام حداد اتكلمت كتييير عن المتربصين اللى بيقرأوا دون تمعن ويقطعوا الكلام الذى يتماشى مع فكرهم وبس
__________________
الحمد لله
|
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 06:30 PM.
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
Copyright ©2000 - 2025, Jelsoft Enterprises Ltd.
