جروب ادابــــ .... مين معانا ؟

[براءة]

المشاركة الأصلية كتبت بواسطة hkk-happy

خايبة مين يا بنت انتى
ماما كانت بترشح لى اداب جدا جدا جدا جدا
ولما سمعت انها اتملت ع الاخر
زعلت اوى
لانى كنت بفكر اذا ملحقتش رغبة اولى او سادسة
احول لها ان شاء الله
فقلت كدة ممكن اعانى
كلية الاداب من الكليات اللى بحترمها جدا جدا جدا جدا جدا
الف مليون مبروك يا رحمة
وربنا يوفقك فيها ان شاء الله يا جميل
=====
معلش ع المداخلة دى للاسف مش معاكم
بس حبيت ابارك واعبر عن مدى اعجابى بالكلية دى

والسلام عليكم

وعليكم السلام ورحمة الله وبركاته
يا قمرى ده فيها 50 مشكلة
اولها ان بابا بيدرس ف الكلية وطبعا مش هدخل قسمه لكن لو انا تفوقت فيها هيقولوا علشان ابوها !!
تانى حاجة انا كان ليا هدف
ممكن يتحقق ف 3 كليات
اعلام جرافيك ،، حاسبات ،، علوم حاسب
لكن بابا بجد قالى من الاخر هخسرك لو فيها علوم
مش عارفة بجد انا بفكر جديا احول علوم
انتى ايه رأيكـ؟
ولا اخدها بر والدين وربنا يعينى
ولا امشي ورا هدفى وازعل والدى؟
وبعدين اداب عاجباكى ف ايه بس :D
لو فيها حاجة داخلة دماغك قوليلى علشان بحب طريقة تفكيرك
يلا سلام
والف مبروك ليكــ يا جميل
وربنا يجعلك فيها كل خير ان شاء الله