اقتباس:
المشاركة الأصلية كتبت بواسطة mohamed shawky99
يا دكاترة الدفعات السابقة بعد اذنكم
انا بواجه دلوقتي مشكلة هي اني مش لاقي وقت كفاية
يعني في الفترة دي يادوب بذاكر الدرس تمام
و اخلص الواجب قبل الحصة مع العلم كل مدرس بيدينا واجب كتيير كل حصة
ببقي عايز احل من الكتب بس مش بلاقي وقت ، بالرغم ان عندي درس واحد كل يوم ماعدا يوم واحد او اتنين
ياريت بعد اذنكم اللي واجه المشكلة دي يقولي اتغلب عليها ازاي
|
الدرس اللي مش بتستفاد منه فعلا بطله.. خليك صريح مع نفسك
انا متأكد انك لو قعدت مع نفسك هتنتج اكتر من الدرس انت كده بترضي المدرس بس انك تحلله الواجب بتاعه بس بتظلم نفسك والله، بص العربي لو هتقدر متروحش الدرس وتعتمد على نفسك فيه ومعاك فيديوهات اليوتيوب والبرامج التعليمية وكتاب الامتحان والرسالة احسنلك بكتير.. ولو وقف معاك حاجات جمعهم و يبقى روح حصة واحدة اسأل المستر فيهم.. وهكذا الفرنساوي او الالماني مش محتاج بردو فيهم درس دلوقتي..... خد في شهر اتنين وتلاتة مثلا لما يبدأوا حل امتحانات.. باقي المواد شوف لو ضروري تاخد فيهم درس ولا لأ بجد.. اعرف واحد مكنش بياخد دروس من شهر 12 كده لحد الاخر وجاب 406..
غير الدروس انت لازم تنظم وقتك ومتسهرش. اصحى بدري وابدأ مذاكرة بمادة خفيفة على قلبك تفتح نفسك لباقي اليوم..
المدرسين اللي انت مديهم حقهم وبترضيهم على حساب نفسك دول عمرهم ما هيسألوا فيك لو جبت مجموع وحش لاقدر الله
تاني حاجة خلي الدروس كلها في يومين بس يعني لو بتاخد 6 دروس خلي 3 ف يوم و 3 ف يوم تاني اصل بالنسبالي اليوم اللي فيه درس واحد حتى بيكون شبه ضايع..
وربنا معاك
15-10-2016, 07:54 PM
العرض الشجري
