قضاء مصر....إلى أين؟؟

[أحمد2025]

المشاركة الأصلية كتبت بواسطة welcomeeee

بصى يامريم

هقولك حاجة
انا بابا رئيس محكمة استئناف
عادى يعنى
بصى انا بابا ده كان بيتعرض عليه رشاوى الدنيا والدين
ولو كان عايز يبقى مليونير كان بقى من زمان
بس فى حاجة بسيطة انا بابا بيخاف من ربنا وعنده ضمير الحمدلله
احنا ناس على قد حلنا واللى جاى على قد اللى رايح الحمدلله
مش لازم يعنى القاضى والمستشار ورئيس محكمة الإستئناف يكون غنى ولا مليونير
انا مش بقولك كده علشان ده بابا
انا بقولك علشان لو كان كل قاضى عنده ضمير بجد وبيخاف ربنا
مصر عمرها ماهتبقى كده
انا هقولك بس حاجة بسيطة
فى قضية مرتضى منصور لما راح يجيب صورة من حكم البراءة او حاجة زى كده
ومرتضى منصور طلب حاجة واحدة
ان سيد نوفل _ رئيس هيئة قضاء الدولة_ يروح يحلف على المصحف ان مرتضى شتمة بس
وسيد نوفل طبعا مرحش
ومات سيد نوفل بعديها بشهرين ولا حاجة
القضاة عايزين بس شوية ضمير

مش ناس تدور على السلطة وإيذاء الأخرين

ده عشان والدك انسان محترم

وان شاء الله ربنا يوفقك وتكون زيه

بس المشكله يا احمد ان فى ناس مش محترمين

وهم دول اللى بوظوا البلد
[/quote]

ربنا يخليكى
وفعلا فى قضاة مش محترمين اطلاقا
يلا ربنا يوفقكم ويهديهم
ويهدى المسئولين عن العدل فى مصر
شكرا على متابعاتك

[الرهينه]

هل هذا تخلف من القضاة ام انها سياسة عليا ؟؟

انا برده ارجح التانى

انا مش برفكت اوى فى القانون بس انا زى ناس كتير مش بشكك فى نزاهة القضاء المصرى رغم كل اللى بيحصل .. فى الاول والاخر القاضى بيهمه الورق اللى ادامه مكان ما يوديه بيروح والله اعلم الحقيقه فين

اعتقد ان السبب الثغرات الكتيييييييييير اللى موجوده فى القانون وكمان سيادة الرشاوى والمحسوبيه ليها دور

وبالنسبه للعباره بجد انا لما سمعت انهم افرجوا عن ممدوح اسماعيل حسيت اننا بجد ما نسواش اى حاجه مش عارفه ازاى قضيه زى عبارة السلام يكون فيها استئناف بعد براءه