(((___مشاكل طلاب الثانوية العامة___)))

[Dr.ahmed91]

المشاركة الأصلية كتبت بواسطة bo$y

جزاك الله خيراً للمساعده
بس انا جدول دروسي غتت اووووي
كلهم وقت العصاري من الساعه 3:5

على فكرة كده يعتبر كويس في الشهور الاولى انما من شهر 3 بتبقى غلسة قوي
لأنها بتقطع اليوم من نصه

و عندي يوم السبت أحياء
و الأحد علم نفس
و الإتنين فيزياء
و الثلاثاء إنجليزي
و الأربعاء عربي
و الخميس فيزياء

اعتقد فيه حصة احياء ناقصة لأنه مينفعش حصة احياء واحدة خاااااااالص
خلاص يبقى انتي من الجدول ده ممكن تذاكري فيزياء يوم الجمعه والاحد
مش كلهم طبعا وتراجعي قبل الدرس يوم الاتنين ده لو مذاكرة كتير والمشكلة حتبقى يوم الخميس لو عندك حاجات كتير بس انا كنت كده برضه بس المدرس كان بيراعي ويدي الواجب والامتحان يوم الاتنين فتذاكري في يوم الانجليوي او العربي وتراجعي قبل الدرس
والانجليزي والعربي بيتظبطوا حسب الكمية وحسب مذاكرتك يعني انا مثلا الانجليزي كنت بذاكره ساعتين في الاسبوع (ده لغاية شهر 2 عشان كده قليت عن تانية بس جبت 24 ونصف برضه)
والعربي مجرد حفظ وحل نحو وغلاسة ادب وتناحة قصة

وعلم النفس ساعة حفظ كل اسبوع وخلاص على كده

مافيش غير يوم الجمعه بس فاضي .. و انا طول عمري بيبقى عندي يوم في الأسبوع اخد راحه فيه من المذاكره و من كل هم
مفيش راحة في تالته لأنك ببساطة خلصتي السهل وداخله على الصعب
طيب انا اذاكر كام ماده في اليوم؟
في ايام المدراس مادة او مادتين
في ايام الفاضية 2 او 3 وكذلك في المراجعات

في الأيام اللي قبل المذاكره اللي بجد بقى
و بالنسبه صحيح للمذاكره اللي بجد
أبدأها من شهر كام ..
بصي اول شهر 4 لازم تكوني مخلصة كله ومذاكرة بجد وحافظة كله ( مش مثلا تيجي في شهر 5 تقولي ياااااااااااه ده انا محلتش النماذج ده انا مش حافظة النص ده ده انا مش حافظة رسومات الاحياء)
انا في تانيه كنت بدأها من اول السنه مما أدى إلى اصابتي بملل فظيع قبل الإمتحان بشهور قليله
و مش عايزه الغلطه دي تتكرر تاااااااني بإني يصيبني الملل
كله بيحس بملل في تانية لانها ببساطة قمة السهولة
فتنصحني باني ابدأ مذاكره بجد من شهر كام؟
شهر 3 في منتصفه
و الأيام اللي قبلها اعمل فيها ايه؟ اذاكر ازاي
جاوبته قبل كده

انا اسفه اني بتعبك معايا

بس ربنا يكرمك

خلي بالك من حاجة

مثلا في تانية حصة الفرنساوي واحدة يعني اللي بتاخديه يوم التلاتاء تقعدي اسبوع تذاكرية

انما الاحياء والفيزياء حصتين يعني اللي بتاخديه ممكن تمتحني عليه بعديها بيومين
فلازم تركزي

ومثلا الاحياء لازم تبقي حافظة كويس جداااااااا لانه مش حيبقى فيه وقت بعد كده
والرسومات تتحفظ اول باول

وبقية الكلام جوه الاقتباس