رمضان السنة دى .. رمضان مش عادى .. مع صناع الحياة بالشرقية

[sonaa-hayat2008]

شنطة رمضان إزاي يعني ؟!؟

بص يا سيدي ..

شنطة رمضان دي شنطة تمنها تقريباً 40-50 جنيه .. مش كتير يعني

* طيب و بيكون فيها ايه ؟!؟

بيكون فيها :
زيت و سكر و سمنة و أرز و لوبيا و مكرونة و فاصوليا و حاجات تانية كمان

و الشنطة دي تكفي أسرة من أربع أشخاص لمدة أسبوعين تقريبا


------------------------------------------------------------------------------------

* طيب و إيه لزمة الليلة دي كلها ؟!؟

أنا أقولك ..
يعني بدل ما الناس الغلابة ييجوا عندنا في موائد الرحمن و الحاجات دي ..
إحنا اللي نروح لحد عندهم و نديهم الأكل و هم اللي يعملوه بنفسهم ..

يعنى يحسوا إن احنا اللي محتاجينهم مش هم اللي محتاجينا .. و هو ده هدفنا الرئيسي .
و بالطريقة دي ما يكونش في إحراج من أي نوع ..

ده أكيد غير الثواب الكبيــــــــــــر أوي أوي اللي حتاخده من ورا الشغلانة دي
و كأنك بتصوم 100 رمضان في رمضان واحد ..

و الموضوع فعلاً مش حياخد منك جهد كبير
و حتي لو خد أظن ان الثواب اللي حيجيلك يستاهل مجهودك و أكتر كمان

------------------------------------------------------------------------------------

* إزاي حنعرف الناس دول و نتأكد إنهم محتاجين بجد ؟!؟

الموضوع كله في خطوتين ..

أولا يا سيدي : بنجيب كشف بأسماء و عناوين الناس المحتاجين و تقرير مبدأي بحالتهم ..

ثانيا : بينزل فريق متخصص من عندنا و يروح لحد عندهم و يعمل كشف حالة و يتأكد بالتفصيل إذا كانوا محتاجين فعلاً ولا لأ ..
و لو محتاجين .. يا تري محتاجين قد ايه ؟ .. و كده يعني

------------------------------------------------------------------------------------
* إزاي اوصلك عشان اشتغل معاكوا ؟!؟

ده رقم تليفون الجمعية
0166319091

ده عنوان الجمعية
الزقازيق - القومية - اعلي صيدليه المحافظه