المنتدى احكام

[شموخ مسلمة]

معلش يا جماعة ليا تعليق صغير
أولا
دلوقتى د\نبض الأمة ماقالتش حاجة من عندها هى نقلتلكم كلام شيخ يعنى يعرف فى الدين اكتر مننا و مش معنى ده انى بقولكم هو صح بس برده مااعرفش انه غلط
يعنى بمعنى اوضح هو مثلا بيقول حرام او لا يجوز يبقى ادامك حلين
لاما تسالو شيوخ تانيين و يكونا ثقة
لاما تحاولوا تطبقوا الفتوى
انما تقولوا بالعقل الكلام غلط
لا يا جماعة ماينفعش. عقلنا مانحكمهوش فى ديننا ابدا مهما حصل احنا عندنا قران و سنة و اهل الذكر نسالهم و اللى مش واثق فيهم بقى يبقى يروح يتعلم العلم الشرعى و يتعب نص تعبهم و يتحمل مسئولية نفسه

ثانيا بقى
دلوقتى اللى قالولها انها تسيب المنتدى عشان تبقى التزمت بالفتوى او اى حد عايز يقولها _عايز يعنى حتى لو ماقالش اوكى_ انها مش التزمت بالفتوى
انا بس عايزة اقول حاجة
احنا كلنا بشر يا جماعة يعنى مثلا لو انا بعمل حاجة غلط و صاحبتى بتعملها بس انا عرفت انها غلط ماينفعش مش اقولها و اقول اصل انا بعملها
لا
انا اقولها و احاول اصحح الغلط ده
هو ده برده مش تبع الأمر بالمعروف و النهى عن المنكر؟!

ثالثا
ع فكرة انا فعلا شفت الفتوى دى اكتر من مرة فى كذا موقع اسلامى و شيوخ كتير قالوها
الله اعلم مين اللى صح بس فى الاول و الاخر دول شيوخ
لو احنا مش قادرين نطبق الفتوى يبقى ننصح بيها مش نيجى نقول نحكم العقل
وزى ماقلتلكم لو مش واثقين يبقى نسال شيوخ تانى و انا ع نفسى هحاول اسالكم شيخ مش عشان اقولكم انا هبطل الاموشن او ال(هههههههههههههههه) بس عشان نبقى عرفنا الحق فين و اللى عايز يتبعه ربنا يجازيه خير و اللى مش قادر ربنا يعينه و اللى مش عايز بقى ربنا يهدينى و يهديه و يهدى جميع المسلمين

رابعا بقى صراحة انا متفقة مع راى دكتور سعيد بس برده لسة بقى لما اسال شيخ
خامسا و اهم حاجة بقى
و الله العظيم انا كلامى مااقصد بيه اى حد نهائى_ فياريت مافيش حد يزعل منى _ انا بس حبيت اقول رايى
سادسا
جزاكى الله كل خير (د\نبض الأمة) و جمعنا بكى فى الفردوس الأعلى
و ع فكرة يا حبيبتى اى حد يوجهلك اى كلمة ماتزعليش خالص احنا كلنا اخوات و مافيش حد هيقصد يزعلك خالص

اللهم أرنا الحق حقا و أرزقنا اتباعه و أرنا الباطل باطلا و أرزقنا اجتنابه