|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
25-08-2008, 11:55 AM
|
|||
|
|||
من رباعيات صلاح جاهين
بسم الله الرحمن الرحيم هاه عجبتكم ؟والله أنا لما قرأت رباعيات جاهين انبهرت بيها ... والله تحفة .. ان شاء الله هتعجبكم و قولت اجبهالكم ... أقروها مش هاتخسروا بس أنا ماجنتهاش كلها علشان طويلة شويتين ... قولت ما أزهقكمش (مع اني مابزهقش منها أبدا) و مع أنها كلها حلوة ... اخترت دول : مع ان كل الخلق من أصل طين وكلهم بينزلوا مغمضين بعد الدقايق والشهور والسنين تلاقى ناس أشرار وناس طيبين عجبى !!!!! أنا شاب لكن عمرى ولا ألف عام وحيد ولكن بين ضلوعى زحام خايف ولكن خوفى منى أنا أخرس ولكن قلبى مليان كلام عجبى !!!!! حبيت لكن حب من غير حنان وصاحبت،لكن صحبة ملهاش أمان رحت لحكيم وأكتر لقيت بلوتى إن اللى جوة القلب موش ع اللسان عجبى !!!!! يا باب أيا مقفول .. امتى الدخول؟ صبرت ياما واللى يصبر ينول دقيت سنين والرد يرجعلى : مين؟؟ لو كنت عارف مين ... أنا كنت أقول عجبى !!!!! مهبوش بخربوش الألم والضياع قلبى و***** من الضلوع انتزاع يا مرايتى ياللى بترسمى ضحكتى يا هل ترى ده وش ولا قناع؟؟ عجبى !!!!! أنا كل يوم أسمع فلان عذبوه أسرح فى بغداد والجزاير وأتوه ما اعجبش من اللى يطيق بجسمه العذاب واعجب من اللى يطيق يعذب أخوه عجبى !!!!! شاف الطبيب جرحى وصف له الأمل وعطانى منه مقام يا دوب ما اندمل مجروح جديد يا طبيب وجرحى لهيب ودواك فرغ منى وإيه العمل؟؟ عجبى !!!!! إقلع غُماك يا تور وارفض تلف إكسر تروس الساقية وأشتم وتف قال: بس خطوة كمان وخطوة كمان يا أوصل نهاية السكة ، يا البير يجف عجبى !!!!! على بعد مليون ميل من أرضنا من الفراغ الكونى بصيت أنا لا شفت فرق ما بين جبال أو بحر ولا شفت فرق بين عذاب أو هنا عجبى !!!!! السم لو كان فى الدوا منين يضر؟ والموت ولو لعدونا منين يسر؟ حط القلم فى الحبر وأكتب كمان والعبد للشهوات منين هوا حر؟ عجبى !!!!! الدنيا أوده كبيرة للانتظار فيها ابن آدم زيه زى الحمار الهم واحد والملل مشترك ومفيش حمار بيحاول الانتحار عجبى !!!!! يومى على الله تنتهى وتغيب الشمس .. وتعود تانى يوم لهاليب زى الحياة مأساة ومن كترها بقى لا انتهاءها ولا ابتداءها عجيب عجبى !!!!! ضريح رخام فيه السعيد اندفن وحفرة فيها شريد من غير كفن مريت عليهم قلت يا للعجب الاتنين ريحتهم فيها نفس العفن عجبى !!!!! وأنا فى الظلام من غير شعاع يهتكه أقف مكانى بخوف ولا أتركه ولما يجى النور وأشوف الدروب أحتار زيادة ... أيهم أسلكه؟؟ عجبى !!!!! قطى العزيز راقد على الكنبات فى نوم لذيذ .. وبيلحس الشنبات وانا كلّ عين فنجان مدلدق قلق صدق اللى قال إن الحياة منابات عجبى !!!!! ولدى إليك بدل البالون ميت بالون انفخ وطرقع فيه على كل لون عساك تشوف بعنيك مصير الرجال المنفوخين فى السترة والبنطلون عجبى !!!!! عينى رأَت مولود على كتف أُمه يصرُخ تهنِّن فيه يصرخ تضمُّه يصرخ تقول يا بْنى ما تنطق كلام ده اللى ما يتكلمش يا كتر همُّه عجبى !!!!! ولدى نصحتك لما صوت اتَنَبح ما تخافش من جِنِّى ولا من شَبَح وإن هبّ فيك عفريت قتيل إسأَله ما دافعش ليه عن نفسه يوم ما اندبح ؟ عجبى !!!!! قالوا الشقيق بيمص دم الشقيق والناس ما هيَّاش ناس بحق وحقيق قلبى رميته وجبت غيره حجر داب الحجر .. ورجعت قلبى رقيق عجبى !!!!! غمض عينيك وارقص بخفة ودلع الدنيا هى الشابّة وانت الجدع تشوف رشاقة خطوتك تعبدك لكن انت لو بصيت لرجليك .. تقع عجبى !!!!! لو فيه سلام فى الأرض وطمان وأمن لو كان مفيش ولا فقر ولا خوف وجبن لو يملك الإنسان مصير كل شئ أنا كنت أجيب للدنيا ميت ألف ابن عجبى !!!!! دخل الشتا و قفل الببان عالبيوت و جعل شعاع الشمس خيط عنكبوت و حاجات كتير بتموت فى ليل الشتا لكن حاجات اكتر بترفض تموت عجبى !!!!! يأسك و صبرك بين ايديك.. وانت حر تيأس .. ما تيأس.. الحياة راح تمر !! أنا دقت من ده ودا.. عجبي لقيت الصبر مر .. و اليأس برضك مر عجبي !!!!! سمعت نقطة مية جوة المحيط بتقول لنقطة.. متنزليش في الغويط أخاف عليكي من الغرق... قلت انا ده اللي يخاف من الوعد.. يبقي عبيط! عجبى !!!!! ايديا فى جيوبى و قلبى طرب سارح فى غربة بس مش مغترب وحدى لكين ونسان و ماشى كده وبابتعد....ماعرفش....او باقترب عجبى !!!!! اوقات افوق و يحل عنى غبايا و اشعر كأنى فهمت كل الخبايا و افتح شفايفى عشان اقول الدرر ماقولش غير حبة غزل فى الصبايا عجبى !!!!! يا ريت أعرف رأيكم.. |
|
#2
26-08-2008, 11:18 AM
|
|||
|
|||
|
ايه ؟
هو محدش عجبه الموضوع؟ |
|
#4
26-08-2008, 05:27 PM
|
||||
|
||||
|
بالعكس يا مريومة الموضوع جميل وشعبية صلاح جاهين مش منخفضة ولا حاجة صلاح جاهين حد انا بحبه اوى
وعلى فكرة عاشق القلم عمل موضوع فى جميع رباعياته وعن حاجات كتير عنة والموضوع عبارة عن حلقات وميرسي ليكى وعلى المجهود
__________________
اه يا غزة |
|
#5
27-08-2008, 10:15 AM
|
|||
|
|||
|
اقتباس:
بس أنا مش معاكي في أن شعبية صلاح جاهين منخفضة أعتقد أن في ناس كتير بيحبوا أشعاره و كويس أن الموضوع عجبك |
|
#6
28-08-2008, 09:42 PM
|
|||
|
|||
|
اقتباس:
الشكر لله يا زهرة و شكرا ليكي أنت ع مرورك الجميل و أنا كمان بحب شعر صلاح جاهين جدا بس أعذريني أنا لسة جديدة في المنتدى و معرفش أن الموضوع مكرر آسفة ع التكرار 
|
|
#7
23-03-2010, 03:52 PM
|
||||
|
||||
|
موضوع مكرر
__________________
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 11:36 PM.
