قضايا هامه (((حال امتنا ..بيضحك ولا يبكى)))

[أسيل رزق]

مع إنى حاسة انى شفت الموضوع ده قبل كده

بس فعلاً الصور اتكلمت على قضايا كتير تخص الجيل بتاعنا ده

الحجاب و طريقة لبسة الغلط وعدم احترامه بالظبط كإنه حته قماشة محطوطة على الشعر

والمعاكسات مش من فراغ مش الطرفين غلط وأولهم البنات دى تمشى بطريقة مش كويسة والتانية تلبس حاجات غريبةمش فاهمة بتتلبس ازاى وواحدة تمشى صوتها عالى وتضحك ضحكة مش ولابد والله الولاد دول بيصعبوا عليا
بس برده فى ولاد معوقين بيعاكسوا أى بنت وخلاص لدرجة إنى مرة شفت 3 بنات منقبين بيتعاكسوا مع انهم كانوا محترمين جداً بس تقولى إيه للتخلف

المصحف بقا اللى بيتحط فى العربية منظرة ويفضل محطوط فى العربية لما الشمس تاكل الورق بتاع المصحف والله حرام
المصحف لو اتحط فى العربية يبقا لازم يتقرى منه مش منظر وخلاص وغالباً مش هيكون فى مصاحف وسبح فى العربية علشان قانون المرور الجديد منع الحاجات اللى بتتعلق فى العربية

المسلسلات بقا اللى عامللنا صداع كل رمضان .. اللى كان بيرحمنى منها الثانوية العامة والدرس إنما دلوقتى خلاص لازم اعد فى الاوضة واقفل على نفسى يا اما اروح المسجد واعتكف رمضان كله ربنا يحفظنا و دى لوحدها تضيع صيام رمضان كله واللى بيصوموا ومايصلوش مش فاهمة عملوا ايه ؟!!! ولا اللى بيشربوا سجاير ويقول الشيخ فلان حلل السجاير فى رمضان الله أكبر كل واحد يختار الشيخ اللى بيقول اللى على مزاجه مش مهم متفق مع القرآن والسنة ولا لأ عادى المهم مصلحته

الوضوء السريع والحمد لله انى بطيئة هههههه مش بحب اللى بيتوضوا أكن القطر هيفوتهم ولا حد بيجرى وراهم واللى بيصلوا بسرعة " الله اكبر بسم بملتبتيباتلابيلابيت السلام عليكم ورحمة الله السلام عليكم ورحمة الله " ويمشوا وهى دى الصلاة اللى بيصلوها .. ربنا يهدى

الحلفانات والايمانات والمهلبيات و الحبشتكنات اللى بنقولها .. كان فى مدرس مشهور اوى فى مدينة السلام كل ما يقو حاجة يحلف " عليا الطلاق بالتلاتة السؤال ده جاى فى الامتحان ..... " ومايجيش مش فاهمة المدام على ذمته إزاى لغاية دلوقتى و فى مدرسين كتير كده معلش يعنى بس هو ده الى بشوفه وأغلبيه المصريين كده .. ربنا يحفظ ألسنتنا .. وبرده الألفاظ الجميلة اللى بنقولها فى رمضان دى برده لوحدها تضيع صيام الشهر ... هتقوقولى هو كل شوية رمضان رمضان يعنى مانعملش الصح إلا فى رمضان .. لا طبعاً نعمل الصح فى كل وقت بس رمضان ده هدية من ربنا لينا مانستغلهاش صح ليه ؟؟؟!!! دا المفروض نعتبره شهر تدريبى لينا علشان نتعود على الصح

العلاقات بين البنات والولاد الزيادة عن اللزوم وبعد كده الأب والأم يقولوا البت عنست وبرده البنات اللى مش محجبين مابقوش بيعجبوا الشباب اليومين دول .. الشباب آخد مبدأ " أمشى معاها آه .. أتجوزها مليون لالالالالا "

الجواز العرفى اللى بقا موضة وبيحللوه برده بمزاجهم .. اللى بيغيظنى البنات اللى موافقين على أى حاجة كده مش بيفكروا فى منظرهم أبداً يبقا عامل إزاى

والاعلانات الفاضية اللى مالهاش لازمة يقولك دى شعير بس وتلاقى طعمها أعوذ بالله وخمس دقايق وتنسا اسمك .. مش فاهمة بنضحك على نفسنا

أنا بقيت رغاية أوى أوى أوى

شكراً على الصور يا سمنة

ولو طلع مكرر هضربك بعد كل الكتابة دى