الجداول طلعت اوت فيها تعديلات كتير

[vampire1188]

عبيط ولا ايه ؟!

ياريت يكون فيه اسلوب اكثر تهذيبا من كدا لو سمحت ..

انتا ممكن توجه طريقة معارضتك ليا بطريقة تكون احسن من كدا بشوية ..

يعني ممكن بكل بساطة تقول .. يا فامبير ايه اللي مخليك تقول اننا هانشيل المحاسبة ..

طبعا انتا راجل كويس ومش انا يعني اللي هاعرفك تتكلم ازاي ..

الي مخليني اقول كدا .. ان اللي هايديكوا محاسبة مالية في الترم الاول ..

دكتور استغفر الله العظيم .. اسمه محمد شوقي بشادي ..

الدكتور دا السنة اللي فاتت كان بيدي مجموعة (و) اللي هيا (ز) حاليا ..

الدكتور دا ياسيدي .. شرحه من اعقد مايمكن ..

الدكتور الوحيد اللي في تجارات مصر كلها .. اللي بيدي الشرح بنظام الجرد الدوري والجرد المستمر !!

وبيتنشن كتير .. وبيتخنق اكتر .. ومابيديش فرصة لحد يسأله .. ورخم في توزيع الدرجات والتصحيح ..

وحانوتي اوي في الدرجات ..

وبيحرق دم ناس كتير .. يعني ممكن يشيلك المادة ..

عادي مش مشكلة .. بس بيدي 7 .. مابيديش 8 ..

عشان لا قدر الله لو انتا فيه امل انك تنجح فيهابالرأفة .. ماتنجحش !!

عموما .. نفض لكلامي دا نهااااااااائي .. وانتا هاتشوف بنفسك وتحكم بعينك ..

عايزك توعدني .. ان فهمت حاجة منه .. ابقي تعالي واعمل موضوع مخصوص وقولي يا فامبير انا فهمت منه !!

و معا ذلك .. معوضينهالكوا في دكاترة تانيين .. زي د / عادل زايد في الادارة ..

دا راجل زي العسل .. وبيحذف جامد .. وممكن يحذفلكوا ييجي 6 فصول مرة واحده !!

وبالمناسبة هوا كان عميد الكلية الاسبق ..