البيت...المدرسة...المجتمع-شاركونا برأيكم -

[الشفق الباكي]

اعتقد التلاته محاور بتاثر فى حياتنا وتبنى افكار معينه داخلنا
واعتقد دلوقتى ان التلات محاور ببقى بينهم صدام كبير جدا فى حياتنا
فى البيت بتتعلم قيم واخلاق معينه الاهل بيحاولوا يزرعوها فى الابن او الابنه
تروح المدرسه هتتعامل مع مدرسين ملناش دعوه بدول دول زى بابا وماما يعنى تقريبا حرصا منهم علينا بيحاولوا يحافظوا على هذه القيم
تتعامل مع زميلات وزمايل انسى نص القيم تتمحى تتعلم تكدب وتغش ....الخ من اجمل الصفات اللى ممكن تتوافر فيك بيكتشفوا مواهبك الدفينه...دا مايمنعش ان فى ناس برده محترمه وبتحاول مع الناس التانيه اللى قلت عليهم انها تحافظ على القيم دى
اول تعامل بينك وبنين المجتمع ككل يعنى تتعامل فى نطاق اكبرمن البيت والمدرسه يعنى فى الشارع تروح مع بابا فى تخليص مصلحه
هنا بقى هتلاقى عكس اللى ماما وبابا علمهولك تمام
ان اللى بيعرف يخلص اموره هو الشاطر
طبعا مش اللى ماما قالت عليه مش اللى مابيكدبش ولا بيرشى ولا حاجات من دى طبعا
تلاقى نفسك فى الاخر حتى قبل ماتكبر تقول هم ماما وبابا كانوا تاعبين نفسهم ليه وبيربونى على الحاجات دى ويقولوا انها الصح
عشان لما اجى اتصرف زى كل الناس احس ان بعمل حاجه غلط
ويبدا من هنا الصراع داخل كل واحد فينا بين المبادئ اللى اتعلمها فى البيت واللى اهله قالوا عليها صح
وبين الواقع اللى تقريبا بيقولوا دا بابا وماما دول مش فاهمين الحياه
ماتكدبش ليه ودا ممكن يعفيك من حاجات كتير
ماتنفقش ليه ودا يوصلك لحاجات كتير
ماترشيش الموظف اللى قدامك ليه ودا هيخلصلك مصلحه
يوووووووووووووووه وهتفضل عايش فى دوامه طول حياتك
وعلى موضوع ان الصدام بين التلات محاور دى بيبنى شخصيه سويه
دى بقى صعب على حسب قوه الشخصيه ومين هيتحمل صراع زى دا ويفضل على ميادئ ماما وبابا وهيعيش فى عالم يحصله فى صدام كبير لان الحاجات التانيه اصبحت واقع واعتقد ان دا اللى بيتعب
الشخصيه اللى هتنسى كلام ماماوبابا دا هتعيش فى المجتمع عادى خالص ومش عارفه هيفتكروا كلام ماماوبابا ولا هينسوه زى اى كلام
فى راى الاتنين هيبقوا اسوياء
بس مجرد واحد تعبان عشان قيم معينه وواحد مستريح فى مجتمه عشان بيكدب او حتى بيسرق


متاكده انكم هتزهقوا منى من كتر الكلام
تقبل مرورى