اسئلة محتاجة لاجابة ياريت اللى عنده رد مايبخلش بيه بسرررررررررررعة

[vampire1188]

اولا : تجارة خارجية في جامعة القاهرة .. تؤ تؤ .. مافيش .. فيه تجارة انجليش بس ..

ثانيا : مش هاقدر ارد عليكي في النقطة دي بالذات لإني ماعرفش المجموع الإعتباري بتاع تجارة انجليش كام في عين شمس .. شوفي حد يكون دخلها واسأليه ..

ثالثا : تجارة خارجية حلوان .. هوا يعتبر قسم من اقسام كلية التجارة .. وجامعة حلوان ليها الميزة دي انها تعتبر الجامعة الاولي في مصر اللي فيها كلية التجارة 5 اقسام .. من ضمنهم .. قسم الاقتصاد والتجارة الخارجية .. ودا بيبقي تخصص زيه زي المحاسبة والادارة في الجامعات التانية .. بس بيختلف في عين شمس في ان التخصص دا .. بيبقي في سنة تالته .. اما باقي الجامعات بيبقي التخصص بيبدأ من السنة الرابعة .. بالنسبة لشروط الالتحاق بيها .. الله اعلم .. بس غالبا ممكن تكون بتعتمد على تقديرك ومجموعك في السنوات السابقة .. خاصة ان كل الجامعات بامشي بنظام التراكمي ..

رابعا : تجارة عربي اه فيها اقسام .. 3 اقسام رئيسية .. محاسبة ، ادارة اعمال ، تأمين ..

افضلهم بقي مين ؟ .. دانتي اللي تقرريه مش انا ..

المحاسبة يبقي طول عمرك هاتقضيها في ارقام وحسابات وكشوف وميزانيات ..

ادارة يبقي شغلك كله في المجال الاداري والتسويقي .. والمبيعات وما يتصل بذلك من اعمال ..

وانا رأيي ان القسم دا بقي مميز وبقي فيه اقبال عليه من الناس .. خاصة ان الشركات الاستثمارية بقت شغاله في مصر الله ينور وبقت محتاجة مسوقين زيها زي المحاسبين اللي ماليين الدنيا !! بس ملحوطة صغيرة .. عشان تلاقي فرصة عمل محترمة من خلال القسم دا .. لازملك تقدير يكون حلو كدا .. لا يقل عن جيد جدا غير شوية الحاجات اللي جنبيها اللي بتزوق السي في بتاعك . اظن فاهمة قصدي ..

اما عن قسم التأمين .. فدا عشان تشتغلي عن طريقه .. لازملك مجموع وتقدير .. واسطة تكون تقيله .. عشان دي مجال شغلها محصور في شركات التأمين و البنوك في بعض اقسامها ..