اساله مهمه وارجو الرد لو حد يعرف يعني

[mostafa_music]

السلام عليكم ورحمه الله وبركاته
اولا: انا عايز اقولك مبروك ان انت بقيت فى الجامعه
بص ياسيدى انا هاقولك عل حاجه انا عايز اقولك علشان تجيب امتياز دى بتتوقفف عليك وعلى الدكتور
ممكن دكتور يدي اسئله الامتحان وتخش وتجيب الامتياز
وفى دكاتره مايدوش اى حاجه
وهنا ممكن لو انت مذاكر كويس هاتجيب ان شاء الله امتياز(دا لو حليت كويس)
وممكن الامتحان يجى معقد وانت تحل كويس وتجيب امتياز
وممكن الامتحان بجى معقد وتحل اى حاجه مش من المنهج ووممكن تجيب امتياز!!!!!!!
والاسخن من كده
ان الامتحان يبقى سهل وسبحان الله الاسئله الى انت مذاكرها كويس تيجى فى الامتحان وتحل كويس وتشيل الماده!!!!!!!!ب
ص من الاخر كده الدكاتره دول ربنا يسامحهم
انا عايز اقولك انى فى ماده ان شاء الله هاتخدها فى الترم الاول اسمها موارد انا يعتبر الفت كتير فى الاجابات وماكتبتش حاجه خالص من المنهج والحمد لله نجحت فيها مع انى لازم اشيلها
والاداره انا حالل كويس ومن المنهج كمان وشيلتها!!!!
بص انا مش بحبطك بس انت اعمل الى عليك وربنا يوفقك
ثانيا :بقى انا مسمعتش عن حكايه الى يجيب امتياز يحول تجاره انجلش (ممكن يكون خبر غلط والله اعلم)
ثالثا: بص هو مهم جدا تحضر لبعض المواد زى المواد العملى(المحاسبه والرياضه وغيرها........)
واهم حاجه انك تعرف اسلوب الدكتور فى الاجابات (لما بيحل مسأله رياضه مثلا. بيعمل ميزانيه)
اما المواد التانيه النظرى فا دى ممكن تحضرها وممكن ماتحضرهاش
على حسب الدكتور لو الدكتور خفيف (يعنى المحاضره بتاعته مش بتزيد عن ساعه ومش بيرغى كتير ) دا تحضرله
بس خلى بالك من كام اخر محاضره للدكاتره كلهم لان بنسبه 90% من الدكاتره بيدو الامتحان فى اخر المحاضرات
يارب اكون افادتك ولو فى سؤال تانى احنا هناوشكراااااااااااااااا