كرسى الاعتراف

[الشفق الباكي]

المشاركة الأصلية كتبت بواسطة dr.saeed

فى حالة اختى مش ينفع
لسبب بسيط
انها مش بتعرف تتعامل بشكل عادى مع الناس
يعنى كل الى فيها انها دايما عايشة فى العالم المثالى
الى انتهى من زمان
بس لو بتكلم حد لسبب عادى
سبب دراسى مثلا
لانى اكي واثق فيها
بس اكون عارف

أيوة

عادية

اهم سؤال نسيته
فى ناس كتير بتقول ان كلام الولد مع البنت على الميل حرام
ايه رايك

[aquavia]

السلام عليكم

[aquavia]

ها هى أسئلتى علما إننى كتبت 13 سؤال ثم اكتشفت إننى لم أسجل الدخول:

1- حضرتك عندك كام سنة؟ و فى سنة كام فى الكلية؟

2- ايه رأيك فى الجيم gym؟ و يا ترى بتروحه؟

3- بتنزل تصلى الجمعة لوحدك؟ ولا مع والدك و أخوتك؟

4- لو حد من قرايبك فى ثانوية عامة سألك يدخل طب ولا لأ تقوله ايه؟

5- شايف إن ممكن الزمالك يتأهل لقبل النهائى فى دورى أبطال أفريقيا؟

6- لو كنت ماشى فى الشارع و شفت ولاد قاعدين فى عربية بيعاكسوا بنات ماشيين ح تعمل ايه؟

7- أصحاب المحلات فى منطقتك -البقال و الفران و الحلاق والفكهانى ... إلخ- عارفين اسمك؟

8- بتدعى -أو بتقول آمين- بعد القيام من الركعة الثانية فى صلاة الفجر؟

9- ايه رأيك فى مقولة (السياحة خير لينا كلنا)؟

10- أخذت دروس فى كل مواد الثانوية العامة؟

11- بتعترف بالتقويم الهجرى فى معاملاتك اليومية؟ و بتستعمله؟

12- ايه رايك فى صديق الدراسة اللى كان يكلمك كل يوم فى الدراسة و فى الاجازة مش بيعبرك؟

و أخيرا

13- حضرتك سمعت عنى أو قرات لى رد قبل كده؟ و ايه رأيك أكتب اسمى الحقيقى بدل اسم aquavia؟

معلش الأسئلة غريبة شوية
و سأكون شاكرا لو حضرتك رديت
و السلام عليكم