|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
|
|
أدوات الموضوع | انواع عرض الموضوع |
|
#1
16-09-2008, 03:55 AM
|
||||
|
||||
كتاب القراءة...
قصيده قرأتها بس بجد جامده يا ريت كل واحد يحط نفسه مكان نور ويشوف هيجاوب على كام سؤال من بتوعها
كتاب القراءة ============ بمنتهي البراءة سأليتني بنتي نور ف أربع خمس أمور مش فكتاب القراءة قالتلي بابا بابا مش إنت .. يا بابا بتكتب أغاني وتقول أشعار أنا سمعت الشيخ يا بابا بيقول إنك يا بابا هاتروح النار زي الوحشين يا بابا الحراميين الكفار قوللي يا بابا يعني إيه إستعمار يعني إيه نيل يعني إيه هرم ومين اللي حط النسر فوق العلم يعني إيه يا بابا إستفتاء و يعني إيه إنتخاب ويعني إيه حر ويعني إيه نصاب يعني إيه إختلاس ويعني إيه هجاص ويعني إيه خصخصة يعني إيه يا بابا دستور يعني إيه معارضة ويعني إيه مظاهرة وليه النهاردة خدنا أجازة م المدرسة قوللي يا بابا يعني إيه قهر وفين خط الفقر ويعني إيه حظ ويعني إيه زهر يعني إيه يا بابا حريه يعني إيه إنسان ويعني إيه سرطان يعني إيه يا بابا خربوها وكنت فين لماخربوها ومين دول يا بابا ولاد القطقوطة ومين دي سمارة يا بابا وإزاي يا بابا ضاعت منقلبك يا بابا إنت معايا فيه يا بابا ناس بتقول كفايه وفيه كمان عساكر مسكين عصايا وبنات متعورين وتانين ماشين بيضحكوا هما دول إسرائلين يابابا ويعني إيه ويعني إيه قولتلها نور ممكن أسألك سؤال قالتلي إتفضل يا بابا قلتلها هيه قناة سبيس تون رقم كام وخدتها عشان تنام  للشاعر : علي سلامه تحياتي : عصام *ورك النمله* في انتظار الردود
__________________
Alone Fy El-Kon
آخر تعديل بواسطة ENG:3assoma ، 16-09-2008 الساعة 03:58 AM 
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض الشجري
|
|
جميع الأوقات بتوقيت GMT +2. الساعة الآن 11:34 PM.
