-- صــــــــح ولا غــــــلـــط ؟؟ --

[سـهيـلـة]

المشاركة الأصلية كتبت بواسطة mohammed.el_sadat

بصى هو فعلاً الموضوع ده محير جداااااً

الشخص اللى قدامك بيبقى قادر وعاقل يعنى يقدر يشتغل ومع ذلك بيفضل " الشحاته "
ليه الله وأعلم هل لأنا طريقه سهله جداااً للحصول على المال
ولا هو مجبر على فى ذلك لأسباب لا يعلمها إلا الله

يعنى أنا فيه مواقف حصلت قدامى كتير
منها
إحنا عندنا أرض زريعين فيها " عنب " فى موسم الجمع بتلاقى ناس الله وأعلم هما منين بنات صبيان حريم ورجاله بيلفو على الأراضى بيطلوبو المساعه
فالشغل فى الجمع بيبقى عباره عن أولاد بيقصو العنب والبناط بتشله تطلعه بره
الشغل حوالى 2 ساعه بيخدو فيهم من 10ل 15 جنيه
هو يعتبر مش شغل أد ما هو تسليه

المهم
واحده جت تسأل " تشحت يعنى " فراحت ماما قايللها تعالى إشتغلى مع البنات اللى بيشتغلو وأنا بدى للبنت منهم 15 جنيه فى الساعتين دول هديكى إنتى 30 راحت البنت راده عليها بكل بجاحه 30 جنيه إيه ياأم 30 جنيه إنتى دا أنا أعملهم فى نص ساعه خلى فلوسك فى جيبك وراحت ماشيه

يعنى بصى الموقف ده يبين لك ان فيه ناس بيشحتوا وبيبقوا اغنية جداااااااااا

[Rien]

المشاركة الأصلية كتبت بواسطة SmSm Basha

انا شايف ان احنا نعطيهم و هم وضميرهم و في شيوخ كتيير قالوا كدا احنا نعمل اللي علينا ونعطيهم الا اذا كان باين انه مش محتاج او بيستهبل في الحالة دي لا طبعا و اعتقد ان ملامح الشخص بتفرق اذا كان بيطلب ببجاحة وللا بعزة نفس و وشه في الارض

شكرا يا اسلام لمرورك

المشاركة الأصلية كتبت بواسطة MohammeD.el_SadaT

بصى هو فعلاً الموضوع ده محير جداااااً

الشخص اللى قدامك بيبقى قادر وعاقل يعنى يقدر يشتغل ومع ذلك بيفضل " الشحاته "
ليه الله وأعلم هل لأنا طريقه سهله جداااً للحصول على المال
ولا هو مجبر على فى ذلك لأسباب لا يعلمها إلا الله

يعنى أنا فيه مواقف حصلت قدامى كتير
منها
إحنا عندنا أرض زريعين فيها " عنب " فى موسم الجمع بتلاقى ناس الله وأعلم هما منين بنات صبيان حريم ورجاله بيلفو على الأراضى بيطلوبو المساعه
فالشغل فى الجمع بيبقى عباره عن أولاد بيقصو العنب والبناط بتشله تطلعه بره
الشغل حوالى 2 ساعه بيخدو فيهم من 10ل 15 جنيه
هو يعتبر مش شغل أد ما هو تسليه

المهم
واحده جت تسأل " تشحت يعنى " فراحت ماما قايللها تعالى إشتغلى مع البنات اللى بيشتغلو وأنا بدى للبنت منهم 15 جنيه فى الساعتين دول هديكى إنتى 30 راحت البنت راده عليها بكل بجاحه 30 جنيه إيه ياأم 30 جنيه إنتى دا أنا أعملهم فى نص ساعه خلى فلوسك فى جيبك وراحت ماشيه

وحده تانيه ونفس الموقف
بس دى بقه ماما مقلتلهاش تعالى إشتغلى وأديكى الأجر مضاعف ماما لقت الست شايله عيل صغير على كتفها والواد هيموت من الحر فبتقولها مش حرام عليكى اللى إنتى بتعمليه ده والواد ممكن يموت فيها
راحت الست معيطه وقالت والله غصب عنى أنا لو بإيدى أشتغل وآكل بكرامتى ولا أعمل كده هو إنتى فاكره سهل على الواحده مننا اللى هى بتعمله ده ياحجه واللى الناس تعمله فينا والشباب اللى بيطمع فينا وما إلى ذلك
فماما بتقولها وإنتى إيه جبرك على كده
قالت أنا متجوزه واحد متجوز عليا 3 مخلف من كل واحده فينا قورتت عيال ومسرحنا كلنا اللى ترجع فى اليوم معاها أقل من 100 جنيه بيكسر عضمها
فبتقلها وإنتى إيه جابرك على العيشه معاه قالتلها ولادى ولو إطلقت مش هيسبنى فى حالى

وحكاوى من دى كتير من دى حصلت قدامى لو حكيت مش هخلص
فدلوقتى ياترى الناس دى فعلاً مذنبه ولا ضحيه المجتمع والظروف الله وأعلم

بالنسبة للاولى
بجد انسانة ف منتهى البجاحة وقلة الذوق
انا لو اتحطيت ف الموقف ده هاهزأها بجد
يعنى هى بتفضل انها تسأل الناس عن انها تشتغل بالفلوس اللى هاتاخدها ؟!
ربنا يشفى
---
التانية بجد الله يكون ف عونها
لكن برضو مش صح انها ترضى بالوضع ده !!
وتخلى اولادها يتربوا ف الظروف دى
ربنا معاهم بقى

بس الناس دى ضحية مجتمع
مش مذنبين
حتى اللى اتكلمت عنها ف الاول
ممكن تكون سلبية وعايزة حاجة سهلة حتى لو هاتضحى بكرامتها
لكن هى برضو ضحية !!
شكرا كتيييير يا محمد على مرورك الجميل
نورت الموضوع

المشاركة الأصلية كتبت بواسطة بســ أمـل ـــمة

انا عايزة اقول لك ان الشحاتين كتروا اوى وبقت ديه شغلتهم ومعظمهم والله اعلم بيبقوا اغنية مش فقرا بس ديه بقت شغلتهم والغالبانين بيبانوا على وشهم هما محتاجين فعلا ولا لا فلو انتى كنتى حسيتى ان الولد ده فعلا محتاج فافرحى انك دخلتى على قلبه الفرح ومتزعليش

معاكى حق
ميرسى يا بسمة لمرورك الجميل

المشاركة الأصلية كتبت بواسطة بســ أمـل ـــمة

يعنى بصى الموقف ده يبين لك ان فيه ناس بيشحتوا وبيبقوا اغنية جداااااااااا

مش حكاية غنية ولا فقيرة
بس هى مش عايزة تتعب نفسها
طالما فيه وسيلة اسهل
تفكير ف منتهى الغباء