(((___مشاكل طلاب الثانوية العامة___)))

[arwaaa]

السلام عليكم ورحمة الله وبركاته

إزيكم يا جماعة .... عاملين إيه ف المذاكرة ؟؟

إن شاء الله أنا متفائلة خييييير أوي السنادي

بس عندي مشكلة كده وعايزة آخد رأيكم ف حاجة

المشكلة بأه إني كنت خلاااص واخده إقتصاد وإحصا ومقررة كده من السنة إللي فاتت

ع أساس إني بكره الحفظ كره العمى ولازم أي حاجة آخدها أفهما كويس جدااا

والمدرسين بتوع المواد إللي محتاجة حفظ (غير الأحياء طبعا) واخدينها إنها حفظ وبس ومينفعش خالص أفهم منهم ولو بذرة

المهم جيت أحجز عند مدرس الإحصا إللي كنت أصلا باخد عنده رياضة1 قالي كنصيحة بلاش تاخدي إحصا ع أساس إن علم النفس أضمن من ناحية المتحانات يعني

ممكن الإحصا يجيبوها صعبة بس علم النفس ده حفظ فغالبا بيبقى مضمون أكتر من الإحصا يعني

أنا طبعا قلت خلاص آخد علم نفس وبالفعل خدته وهو تاااااافه للغاية وف نفس الوقت عليه 50 درجة يعني مهم للغااااية

وللأسف أنا كرهته بكل المقاييس بالرغم من إنه سهل بس المدرس بياخده إن حفظ بحت مفيش فهم غير 5% مثلا

بعد كده حفظ كله حفظ فقط أنا في بعض الحجات ببقى نفسي أفهما أكتر عشان لما أحل أي إمتحان ع أساس إني واحده فاهمة

مش حافظة وخلاص...............كرهت علم النفس كره لايوصف وبدأت أغيب من الحصص كتير ومش بذاكره أساسا وهو أصلا سهل وتافه بس تعبت والله وطبعا مفيش أي حد خالص واخد إحصا عندي وأنا الصراحة خايفة يحسن الإحصا تخوني ف الإمتحان

وييجي صعب أعمل إيه عشان أذاكر علم نفس أو بمعنى أصح أحفظه