كل الى كتب كلية ومجتلهوش ومجموعه ممكن يجيبها يدخل يكتب شكواه هناااااا !!!!!!!!!!!

[عمر أبوشادي]

سلام عليكم
انا جايب414 وكنت عايز طب وودوني علاج طبيعي القاهرة
ازاي انا ماعرفش

[nonog]

معلش يا جماعة اعذرونى انا عندى سوال
ازاى واحد يكتب فى رغباته طب وهندسة فى نفس الوقت انتوا معندكمش علمى علوم (طب) وعلمى رياضة(هندسة)
وانا اعرف ان التنسيق بيتعمل على الكمبيوتر مش بتوع المكتب يعنى بيكتبوا الحد الادنى لكل كلية على الكمبيوتر وهو اللى بيختار انا منكرش ان اكيد ناس اتظلمت واكيد حصلت لغبطة (تبقى انت اكيد فى مصر) بس اللى متاكد كن حقى يروح مكتب التنسيق فى جامعة القاهرة وهم اكيد هيفدوه ان شاء الله
انا عن نفسى جتلى كلية غير اللى عايزاها واما عملت تظلم ورحت مكتب التنسيق قالولى هنبعتهالك وادينى والله مستنية اهوه
وربنا يوفقنا للى فيه الخير لينا ان شاء الله

[كيلوبترا]

السلام علييكم يا جماعة ... بصوا بقى لازم تعرفوا ان الكلام الكتيير مش حيفيدنا بحاجة أنا كنت النهارده في مكتب التنسيق وفضلت واقفة فترة طويييييييييييلة جدا مع اني مسافرة المسافة دي كلها....ومش دعايا لنفسي وخلاص بس بجد حرام في ناس كتير جايين من الصعيد ومسافتهم أكتر مني....وبعدين كتييير قوي جاله استنفاذ وكلنا كده لازم نعمل اعتصام يوميا عندهم ...وما نخلهمش يرتاحوا أبدا لأن بالمنظر ده احنا حنعطلهم على شغلهم هنااك وبالتالي حيحصل تأثير على المدينة الجامعية ...لازم نفضل وراهم و نقرفهم لحد ما ناخد حقنا ..احنا لينا حق ومش حنسيبه ولو وصل بيا ان كل يوم اسافر حسافر بس أخد حقي.
أنا زمايلي جايبين 99% وجالهم سياحه وفنادق وفي غيرهم جالوا طب اسنان يبقى فين العدل و أنا مجموعي فوق المية راحوا مطلعني برا بلدي فين العدل؟؟؟؟!!!!

[night-knight]

انا يا جماعة جاي من الكويت وجايب 90.7 بالمستوى
السنة اللي فاتت واحد صحبي كان جايب 88 وجاتله هندسة حلوان

انا السنة دي جاتلي هندسه منوف بالعافية الرغبة 37 لو مكنتش حاطتها كان هيجيلي تجارة الحمدلله على كل حال

حاجة غريبة حصلت السنادي

نتايج كل المصريين اللي جايين من الكويت :
http://alqabas.com.kw/alqabas/Temp//Categories/74.htm

[AHAW2005]

نشتكي لمين طيب ومين هيسمعنا

الموظفين اللي في مكتب التنسيق مش هيفيدونا في حاجة
لازم نفكر هنعمل ايه وبسرعة

[eng.smsm]

يا جماعة و الله احنا كده ما بنعملش عايزييييييين حل عملي انشالله ايه بس حد يفكر تفكير عملي انا صحيح جالي هندسة المطرية مع اني جايب 95.5 و جاي من الامارات و كان نفسي في عين شمس بس صعبان عليه اوي الناس اللي شفتهم في مكتب التنسيق دول غلابة بجد و الموظفين الزبالة دول منهم لله ده كفاية شكل الآباء الحزانة واللي ماشيين منكسرين

[رانيا rania]

انا بنت تعبت تعب الدنيا كلة لدرجة اني كنت داخلة الاختبار وانا بموت ومع ذلك اتحملت لحد ماجبت 98ونص

ونزلت اعمل مستوى رفيع وفضلت طول الاجازة اذاكر لحد ما جيه يوم الامتحان واكتشف ان الباشا رئيس اللجنة قرر فجأة انه يجي قبل معادةويمشي يعني باختصار (اخبطوا دماغكم في الحيط )

وعدى الموضوع بعد معاناة شديدة وفجأة الاقي نفسي رموني في علوم حلوان وانا كتباها اخر رغباتي
لاني مش لاقية حاجة ملي بيها الفراغ ،شكلهم بيقروا من تحت باين !!!!!!!

وحاليا انا بحاول باقصى جهدي اني الحق نفسي في كلية كويسة ، ياترى البني ادمين ايلي زينا يعملوا ايه ؟

نننتحر زي الثانوية العامة ولا نشنق نفسنا .حسبي الله هو نعم الوكيل

[dr.mimo]

والله كده خير مش انتو بس اللي زعلانين انا كمان
بس الحمد لله
مش كنا ممكن دخلنا كليه حلوة وممشيناش فيها

[رانيا rania]

كله بامر الله بس ايلي حصل دة محصلش لشخص ده حصل لكل ايلي مجموعهم مرتفع جدا بالذات ،

يعني بيهدموا افكارنا واحلامنا والغريبة انك تعرفي السبب ، بيقولوا انهم مش بيوزعوا على اساس مجموعك

بيوزعوا على حسب احتياج الكليات ،يعني مثلا حضرتك كاتب هندسة يوزعوا هما 5 في الميه على هندسة و5 %على الطب و5%على الصيدلة من غير مايبصوا في رغبات حضرتك .

متهيئلي دة ظلم ميرضيش رب العالمين ابدا

[khayry666666]

بصراحة دة موقع وشوية عيال بنت احبة

[khayry666666]

انت بتستغلوا لهفة الناس وحيرتهم وغلبهم لمصالحكوا الشخصية حرام عليكوا ياولاد الكلب

[روميو العاطفي@الشرقاوي]

عيب كده يا استاذ انت مين قال انهم بيستغلوا لهفه الناس احنا اللي هنا وبمزاجنا بنتكلم مع بعض وبناقش مشاكلنا ملكش دعوعه بينا خليك فنفسك لو سمحت

[روميو العاطفي@الشرقاوي]

ميرسي يا سامح على موضوعك

انا جايب 414.09

وطب واخد414.1

وجالي صيدله ازاي

ياريت يا جماعه صوتنا يوصل لانه لو موصلش احنا هنوصله بطريقتنا

الله اكبر ولا حول ولا قوة الا بالله

[meky mous2009]

انا جاية من السعودية
وجايبة 100% و9.5 في المستوي وفي الاخخر يجيبولي السن