انت مثالى اوى.. مينفعش يابنى فى الزمن ده

[..حدوتة..]

المشاركة الأصلية كتبت بواسطة temon

هل نحن علي مشارف جيل يرفض المثالية؟
مش جيلنا احنا بس ده كمان الاجيال اللى سبقونا وبعدين الواحد اول مابيتحط فى موقف ويبقى مضطر يتنازل عن مثاليته مابيترددش

وما هي المثالية من وجهت نظرك??
انا مش هعرفها ومش هرغى كتير بس هى لما تنصرى الحق فى وقت يكون الباطل فيه اقوى

وما هو شعورك تجاه هذا الاتهام??
اكيد هضحك لانى مش كده ومش انا بس ده كلنا كده وزى ماقلت كل واحد فينا لما بيبقى فى موقف صعب ممكن يبيع كل مبادؤه بارخص الاثمان

هل ستتمسك بالمثالية ام ترفضها!!!
مفيش حد بيرفض الحق بس مجتمعنا بيفرض علينا ان احنا نكون حاجة تانية

ولماذا؟؟؟؟؟؟؟
لانى لما هاجى ادور على شغل مثلا وليا واسطة فى المكان ده هكلمها لانى لو سبتها فى حد تانى هياخد مكانى وبرضه بالواسطة

يارب تكونى فهمتينى الناس مش وحشة بس المجتمع هو اللى بيفرض عليهم انهم يكونو كده
ده سبق وكل واحد عايز يبقى الاول ومفيش حد بيفكر هو صح ولا غلط غير لما بيقع
ع العموم شكرا انك فتحتى باب المناقشة فى الموضوع ده
فى رعاية الله

[ayooosh]

المشاركة الأصلية كتبت بواسطة dr.heba

يارب تكونى فهمتينى الناس مش وحشة بس المجتمع هو اللى بيفرض عليهم انهم يكونو كده
ده سبق وكل واحد عايز يبقى الاول ومفيش حد بيفكر هو صح ولا غلط غير لما بيقع
ع العموم شكرا انك فتحتى باب المناقشة فى الموضوع ده
فى رعاية الله

انا مقدرش اقولك ان انا مثاليه فى حل حاجه طبعا
بس ادينا بنحاول
مينفعش نبقى سلبيين ونقول المجتمع اللى بيفرض علينا كده
بالعكس لو كل واحد يبدا من نفسه ويحاول بس حتى يتمسك بمبادئه
المجتمع هيبقى كويس
بمناسبه الواسطه دى
انا الصراحه مش مقتنعه بيها
انتى لو رحتى الشغل ووضحتيلى قدراتك وحاولتى تجتهدى فى شغلك على اد ما تقدرى مش هيقدر يقولك حاجه

ولازم ودى من وجهة نظرى تثبتى نفسك بنفسك مش تبقى رايحه الشغل بواسطه وكل شويه يقولوا دى بتترقى عشان بنت فلان لازم نتعب ونتجتهد عشان نتعلم ودى رايى

وشكرا على رايك

[..حدوتة..]

المشاركة الأصلية كتبت بواسطة TEMON

انا مقدرش اقولك ان انا مثاليه فى حل حاجه طبعا
بس ادينا بنحاول
مينفعش نبقى سلبيين ونقول المجتمع اللى بيفرض علينا كده
بالعكس لو كل واحد يبدا من نفسه ويحاول بس حتى يتمسك بمبادئه
المجتمع هيبقى كويس
بمناسبه الواسطه دى
انا الصراحه مش مقتنعه بيها مش لازم انتى تقتنعى لان اقتناعك بيها مش هيفرق كتير لانك مش انتى المتحكمة فى الامر بينما المتحكمين فى الامر مقتنعين جدا وربنا يسامحهم
انتى لو رحتى الشغل ووضحتيلى قدراتك وحاولتى تجتهدى فى شغلك على اد ما تقدرى مش هيقدر يقولك حاجه ومين هيرضى يقابلنى اصلا وانا مش معايا واسطة

ولازم ودى من وجهة نظرى تثبتى نفسك بنفسك ابنى نفسى انتى بتقولى ايه انا لما هتخرج من اسنان لازم اشتغل عند حد لانك لو عندك فكرة عن تكاليف فتح عيادة اسنان مش هتقولى كده وانا مش مستعدة اشتغلفى الحكومة لو حتى معيدة بمرتب 300 جنيه فى الشهر اللى ممكن اخدهم فى كشف واحد مش تبقى رايحه الشغل بيدة اسنانواسطه وكل شويه يقولوا دى بتترقى عشان بنت فلان على فكرة دول كده بيحترموكى مشش بيقللو من قدرك لازم نتعب ونتجتهد عشان نتعلم ودى رايى كغاية التعب اللى احنا تعبناه الثانوية وبعدين فى ناس اشترو الامتحان ب100 جنيه وجابو اعلى مننا

وشكرا على رايك

العفو ياحبيبة قلبى
وعلى فكرة كلامى ده مش معناه ان انا رافضة فكرة المثالية
انا بس بناقش حقيقة واضحة فى مجتمعنا
وانا عن نفسى اتمنى ان كل واحد يكون مثالى
بس بتمنى...........

[ayooosh]

المشاركة الأصلية كتبت بواسطة dr.heba

العفو ياحبيبة قلبى
وعلى فكرة كلامى ده مش معناه ان انا رافضة فكرة المثالية
انا بس بناقش حقيقة واضحة فى مجتمعنا
وانا عن نفسى اتمنى ان كل واحد يكون مثالى
بس بتمنى...........

يابنتى الدنيا مش كلها وحشه كده
مش كل الناس يعنى بيشتغلوا بواسطه
مافى ناس بتشتغل من غير واسطه بدور وبتحاول وبتوصل

انا مقولتش لازم تفتحى عياده عشان تقدرى تثبتى نفسك
انتى ممكن تشتغلى فى مكان عن اى حد حتى لو موظفه وتثبتى نفسك

لازم الناس برده يبقى عندها ضمير
مش معنى انك رايحه بواسطه تترقى ويعاملوكى معامله خاصه ده مش عدل
الواحد مفروض يترقى بشغله مش بواسطته

كغاية التعب اللى احنا تعبناه الثانوية وبعدين فى ناس اشترو الامتحان ب100 جنيه وجابو اعلى مننا


على رايك بس فعلا محدش عارف الخير فين