هو المنتدى ده حلو ؟؟؟؟ ولا .... (قيم منتدى الثانويه )

[عبقرينومان]

ردي هيكون باللون الاسود

المشاركة الأصلية كتبت بواسطة dreamer

هو انت مستريح في المنتدى ده ؟؟
طبعا مستريح جدا
حاسس انك مبسوط انك عضو فيه ؟
أكيد مبسوط
في تجاوب من الاعضاء ؟؟
في تجاوب من الاعضاء اللي كبروا من الثانوية لان الاعضاء بتاع الاعدادي والثانوية بصراحة بعتبرهم لسا أطفال لانهم بيزلعوا بسرعة وبيحكموا على المواقف من ناحية واحدة وطبع الدراسة وده اخذ مني الاستيكة وده قطع لي الكشكول لسا في طبعهم
في مشرفين طيبين ؟؟
كثير بس مش كلهم
بيقدمولك النصيحه ؟؟
كلهم بيحاولوا بقدر المستطاع تقديم النصيحة فعلا
هو انت بجد مستريح هنا ولا بيطلعلك كده عضو ينكد عليك ... ؟؟؟؟
ما أظنش ان في حد منكد علينا وكل عضو في الموقع له طريقة تعاملة تتختلف عن الاخر

لا والله بتكلم جد ايه رأيك في منتدى الثانويه العامه ده ... اشمعنى احنا كأعضاء بنتقيم ( جديد – فعال – مجتهد – ممتاز – نشيط – قدوه ..............) احنا كمان عاوزين نقيم المنتدى نفسه وننتقده كمان ونوصل الفكره للمشرفين يمكن يحاولوا التجديد والتطوير .... ويا ريت نلاقي تجاوب من المشرفين معانا في الموضوع ده ..المشرفين (الطيبين قوي قوي ) .... انا بس عاوزه اقول للاعضاء المتشددين و المتعصبين المتذمتين يا ريت عند التوجيه او الارشاد ان يعملوا بالايه الكريمه(وادع الى سبيل ربك بالحكمة والموعظة الحسنه ) .... بالحكمه ماشي والموعظه مش بالخناق والتهديد بالوقف !!!!
عندك حق في الفقرة السابقة بالكامل
اوعدكم ان الموضوع هيوصل لاكبر عدد ممكن من المشرفين اللي احنا طبعا متأكدين انهم هيساعدونا ... مش كده ولا ايه .؟؟!!
في مشرفين كثير ردوا في الموضوع وأنا بطلب من الجميع يشاهد المشرف قبل اشرافه وهو عضو يجده فعال جدا ويشارك جدا ولكن بعد الاشراف ينشغل بقراءة المواضيع وحذف ونقل المخالف وتنسيق القسم فتجد مواضيعه تقل وهو مشرف لقسم واحد
وان كان مشرف اداري تجده يكتب مواضيع قليلة قد تصل لموضوع واحد كل اسبوع او اثنين وأن كتب موضوع سيكون تنبيهات من الادارة لانه ينسق ويشرف على جميع اقسام المنتدى التي تصل إلى أكثر من 120 قسم بالموقع
وكمان لو مدير المنتدى (الاستاذ عصام ) والاستاذ (حسام) بيشرف بقي على اكثر 120 قسم وكمان الغرف الصوتية وكمان صفحات المدرسين الجديدة وكمان حل مشاكل اعضاء الموقع كله وكمان مشاكل المدرسين وكمان مشاكل المشرفين وكمان مشاكل الاداريين فأكيد مش هيكتب أي موضوع جديد غير قوانين وقوانين
ولو انا كمان بيشرف بقي على اكثر 120 قسم وكمان الغرف الصوتية وكمان صفحات المدرسين الجديدة وكمان حل مشاكل اعضاء الموقع كله وكمان مشاكل المدرسين وكمان مشاكل المشرفين وكمان مشاكل الاداريين فأكيد مش هيكتب أي موضوع جديد غير قوانين وقوانين وحط كمان شغل اخبار الصفحة الرئيسية وكمان شغل صفحة النتائج وكمان التصميمات الخاصة بالموقع وكمان بقي وده لوحده مشكلة (السيرفير) وكمان اتصالات الموقع بالمسئولين بوزارة التعليم والتعليم العالي وجاجات تانية كثير فأكيد وبالطبع مش هكتب موضوع واحد ولا هرد على موضوع واحد ولا حتى هفضى اعمل قوانين
ادخل وقول ايه رأيك في المنتدى ده بصراحه المره دي مفيش رقابه قول ايه اللي مش عاجبك مش يمكن اللي مش عاجبك ده يتصلح ؟؟؟؟
اللي مش عاجبني اننا بنحاول نطلع وفي ناس بتحاول تكلمني
وعلى فكره لسه لحديثي بقيه بس مش هقدر اكمل الا لما الاقي منكم تجاوب معايا واعرف اراءكم وردودكم واوعدكم ساعتها بس هقدر اقول رأيي في المنتدى وفي المشرفين وفي الاعضاء كمان وهقول كل اللي في نفسي بس اما اشوف تفاعلكم مع الموضوع ....
ايه رأيكم ؟؟ قيموا المنتدى !!!!
انا تفاعلت معاكم اهو
عاوزه كلنا نتجاوب عشان نخلي المنتدى احسن ونعالج سلبياته ..... وزي ما قلت انا لسه هكمل لما تشاركوا ...
وكملي