حكام العالم :: الماسونية :: عبدة الشيطان ::<< حلقات متجددة و مثيرة >>--->>>>>>>

[FRANKENSTEIN]

بصراحه موضوع جميل اوي
من اجمل المواضيع اللي قيرته ف المنتدي السنه دي :D
بس طويل اوي
اضطريت اني اكروت حاجات زي الجزئية بتاعه الاشارات
الاهم المعني المراد او الغاية اهم بكتير او من طريقة التعبير او المعني اللفظي للكلمة او الاشاره
بس فيه نقطتين ف الموضوع كنت عايز اعلق عليهم

الخطير في الأمر ومما هو جدير بلفت الانتباه أن الأفلام السينمائية التي تنتجها هوليود بتمويل (يهودي) وإشراف (ماسوني)،

وخصوصا الرسوم المتحركة والألعاب الالكترونية الخاصة بالأطفال، حيث ينفق على هذه الأفلام ببذخ مبالغ فيه، تتضمن عناصر وشخصيات خرافية مستمدة من الأساطير الوثنية،

مش معني الاهتمام بالاساطير القديمة وترويجها انها ذات طابع ماسوني او غايه يهودية
اسهل طريقه فعلا لفهم اي شعب او اي ثقافه بتكون الاساطير الخاصه بالثقافه دي
يعني الفراعنه معظم الاساطير الموجودهعندهم كانت ليها علاقه بالموت زي ايزييس واوزوريس
وبالتالي الفراعنه اهتموا اوي بموضوع المقابر
والفراعنه كانوا متقدمين اوي ف علوم التحنيط والطب و الفلك و كانوا عندهم قدره غريبه اوي ف حمايه مقابرهم
واكبرب دليل ع دا مقبره توت عنخ امون او الهرم الاكبر لخوفو
ولو اتكلمنا عن الحضاره الاغريقية واساطيرها زي ميدوسا او المينوتور او ملحمتي الالياذه والاوديسيه
حنلاقي الاغريق كانوا مهتمين اوي بالحياه اكتر من اهتمامهم بالموت
زي ما في الالياذه اخيل فضل المجد ع الحياه
وانتهي بسهم مسموم ف كعب رجله مش زي ما ف الفيلم
وحنلاقي برضه الاغريق متقدمين جدا ف الفنون المتعلقه بالحياه زي الفلسفه او النحت
وبالمثل بفهم الاساطير الخاصه بالحضارات المختلفه بيكون سهل اوي نستنتج طريقه تفكير الشعوب واهتمامتها


تاني نقطه خاصه ببمعض الادباء المنتمين للماسونية
زي ارثركونان دويل و اوسكار وايلد و فولتير
اه صحيح فولتير كان اديب فرنسي مش فيلسوف
وتقريبا هو الوحيد فيهم اللي افتكر انه كانت ليه ميول سياسيه
كان احد ادباء العلمانية ف حربها مع الكنيسة ف بداية ظهورها :D
كمان سعد زغلول وميرابو :D
اظن ان شخصيات زي دي كانت رموز وطنية
يالا مش مشكله
شكرا مره تانية ع الموضوع الجميل دا
متابع ان شاء الله

[اوركيديا]

المشاركة الأصلية كتبت بواسطة FRANKENSTEIN

بصراحه موضوع جميل اوي
من اجمل المواضيع اللي قيرته ف المنتدي السنه دي :D
بس طويل اوي

انا عارفه انه طويل جدا كمان و لسه فيه حلقات تانيه الموضوع لسه فى بدايته اساسا

اضطريت اني اكروت حاجات زي الجزئية بتاعه الاشارات
الاهم المعني المراد او الغاية اهم بكتير او من طريقة التعبير او المعني اللفظي للكلمة او الاشاره

لا هو اللى قصده من حكايه الاشارات هى دلائل او علامات محدش يقدر يتجهالها زى ما قلنا فى اشاره التوحيد عندنا


قال رسول الله صلى الله عليه وسلم:

(لهي أشد على الشيطان من الحديد)

يعنى السبابة. فسر قوة هذه الإشارة أنها ترمز للتوحيد، بينما غيرها من الإشارات ترمز إلى الشرك بالله تبارك وتعالى.

بس فيه نقطتين ف الموضوع كنت عايز اعلق عليهم
مش معني الاهتمام بالاساطير القديمة وترويجها انها ذات طابع ماسوني او غايه يهودية

هو الحكايه او العمليه مش كده
العمليه النظره اللى بتعرضها السينما العالميه للموضوع
يعنى هى بتعرض الموضوع على اساس ان الحاجات دى حقيقيه
و ممكن توصل عند بعض الناس انها تصدق تعدد الالهه و الافكار دى
اما انك تعرف اساطير شعب او حكاياته
فدى حاجه جميله جدا و مفيده
بس لازم تكون عارف ازاى ان الكلام ده كله هبل ليس الا من ناس شطحت بالخيال فى تفسير الظواهر الطبيعيه

اسهل طريقه فعلا لفهم اي شعب او اي ثقافه بتكون الاساطير الخاصه بالثقافه دي
يعني الفراعنه معظم الاساطير الموجوده عندهم كانت ليها علاقه بالموت زي ايزييس واوزوريس
وبالتالي الفراعنه اهتموا اوي بموضوع المقابر
والفراعنه كانوا متقدمين اوي ف علوم التحنيط والطب و الفلك و كانوا عندهم قدره غريبه اوي ف حمايه مقابرهم
واكبرب دليل ع دا مقبره توت عنخ امون او الهرم الاكبر لخوفو

حلو قوى اننا نعرف الحاجات دى بس بعيد تانى النظره
انك تسمع الحاجات دى و تصدق بيها او انك تعتبرها حزء من ثقافه شعب ليس الا

ولو اتكلمنا عن الحضاره الاغريقية واساطيرها زي ميدوسا او المينوتور او ملحمتي الالياذه والاوديسيه
حنلاقي الاغريق كانوا مهتمين اوي بالحياه اكتر من اهتمامهم بالموت
زي ما في الالياذه اخيل فضل المجد ع الحياه
وانتهي بسهم مسموم ف كعب رجله مش زي ما ف الفيلم

فيلم ايه
لو فيه فيلم عن الالياذه ممكن ادور عليه و اشوفه
بس حاجات هوميروس و الاساطير بتاعت الاغريق فعلا من الذ الحاجات فى القرايه
و خصوصا لو كان اسلوب التقديم سهل
و جميله حته كعب اخيل و مامته اللى كانت بتخليه يستحمى فى النهر اللى بيفصل الحياه عن الموت

قصص زى دى بقول هى مجرد ثقافه للعلم بالشئ
وحنلاقي برضه الاغريق متقدمين جدا ف الفنون المتعلقه بالحياه زي الفلسفه او النحت
وبالمثل بفهم الاساطير الخاصه بالحضارات المختلفه بيكون سهل اوي نستنتج طريقه تفكير الشعوب واهتمامتها

تاني نقطه خاصه ببمعض الادباء المنتمين للماسونية
زي ارثركونان دويل و اوسكار وايلد و فولتير
اه صحيح فولتير كان اديب فرنسي مش فيلسوف
وتقريبا هو الوحيد فيهم اللي افتكر انه كانت ليه ميول سياسيه
كان احد ادباء العلمانية ف حربها مع الكنيسة ف بداية ظهورها :D

احم احم
لا فى النقطه دى اللى اعرفه عن فولتير انه فيلسوف و فيلسوف عالمى ملحد من نوعيه الفلاسفه دى اللى بترفض الدين و بتدعى لعمل الخير كده
يعنى كانت فلسفته مش بطااله
ده غير انه كاتب مش فكراله حاجه غير بتاعت كانديد دى اللى عايزه اعرف بس بتحكى عن ايه عشان تعبت منها

كمان سعد زغلول وميرابو :D
اظن ان شخصيات زي دي كانت رموز وطنية
احم تانى

مالهم دول ايه علاقتهم بالموضوع

يالا مش مشكله
شكرا مره تانية ع الموضوع الجميل دا
متابع ان شاء الله

كويس انه عامه الموضوع عجبك
و ان شاء الله باقى الموضوع تعلق غليه كده برده

فى رعايه الله