هو أنا مجنون ؟

[No_Way]

المشاركة الأصلية كتبت بواسطة ALANDALEEP

نفسى حد يقولى انا عايش ليه ؟

ايه لزمة الحياة من غير طموح من غير امل ايه الفرق بينى وبين الحيوان لما بنام عشان أصحى وأصحى عشان أنام
ما فيش أصحاب وحدة غربة سجن عايش فى وحدة للدرجة انى معرفش نفسى معرفش ربنا معرفش حد خلاص بطلت أصلى صحيح أنا صمت رمضان بس صمت عن الاكل والشرب و بس أصحابى نستهم ونسيت أرقامهم
نفسى نفسى أضحك ونفسى نفسى أعيط نفسى أمسك قلمى واكتب شعر زى زمان أنفس أخرج والعب وأجرى ومش أبطل تنطيط زى العيال نفسى أكسر الجدران من حوليا

نفسى أروح تانى وأعيش مع أهلى فى الشرقية بس هو انا لسه جيت القاهرة دى الجامعة يا دوب لسه أول مرة أشوفها أول الاسبوع ده

نفسى أعرف الناس دى كلها نفسى أعيش لوحدى من غير ما أعرف حد نفسى أعمل كل حاجة فى الدنيا لا انا مش عايز أعمل أى حاجة نفسى أموت لا أنا عايز أعيش
هو أنا اتجننت ؟؟؟؟؟؟؟ أنا أكيد اتجننت ......لا لسه أنا لسه فاكر اسمى يبقى لسه عندى برج ما طارش
نفسى .......... والله ما أنا عارف أقول ايه
على العموم أنا أسف على الازعاج

لا ياريت بجد ماتقولش كده
عاوز يكون ليك اصحاب
احنا هنا كلنا اصحابك واخواتك وكلنا تحت امرك
وكمان انت لسة رايح الجامعة يعني هتلاقي اصحاااااااااب كتتيييييييييييييير جدا
وانت مش مجنون ولا حاجة بس هي الوحدة اللي عاملة فيك كده
حاااااااااول تكيف نفسك مع الوضع الجديد
وانزل الجامعة كل يوم حتى لو مش عندك محاضرات
اتعرف ع الطلاب اللي هناك
اكيد هتلاقي حد يساعدك ويفهمك
وبمجرد انك تخرج من وحدتك كل حاجة انت عاوزها تكون عندك ان شاء الله
ربنا يوفقك يارب
واسمع كلامي ومش هتندم