®هام جداً® ™أدخل الأن لازم نتناقش™ ®هام جداً®

[General]

المشاركة الأصلية كتبت بواسطة MCoMMaNdo

انا مش فاهم يعنى
هيا بتقول انها مش بتحب مصر عشان قتلو واحد قريبهم
طيب مهما بيقتلو الوفات كل شهر
والله مش مهم يا جينرال نظرتهم لينا ايه
لاننا برضه ناظرين ليهم نفس النظره
يعنى هما شايفينا ارهابين
واحنا شايفينهم ارهابيين برضه
بس حاجه غريبه اوى
هما الى بيقتلوا ويحاربو ويحتلو البلد ويقولولك انتو ارهابين

متشكرين على طرح الموضوع يا جينرال

العفو

واشكرك على المرور

المشاركة الأصلية كتبت بواسطة *Citizen*

المشكلة

مش فيهم ولا فينا


المشكلة فى صانعى القرار والاعلام الموجه ضد العرب خاصة والاسلام بشكل عام

يعنى حاليا ظاهرة غريبة فى معظم المسلسلات والاعمال الاجنبية
تلاقى ان اللى بيقوم بعمل ارهاربى او اى تفجير لزم يكون عربى او مسلم
كتير من الاعمال بتاخد الشكل ده
زى ما قولت الاعلام الموجه ده العرب والمسلمين بتحربض من اللوبى الصهيونى
بجانب جناح المحافظين الجدد والنازيين الجدد وخلافه من حركات اليمين المتطرف فى اوربا
وامريكا الهدف منها اظهر كل ما هو عربى ومسلم على انه ارهابى وطبعا ده ليه اهداف ظاهرة واهداف خفية
وبيتم بأجندة منظمة فى العالم كله
معادة العرب والمسلمين وحركات منع الامتداد الاسلامى فى اوربا لسه بتاخد من تفجيرات
11 سبتمبر ومارس فى امريكا ومدريد ذريعة لمعادة العرب
رغم ان كل الخبراء العسكريين والمحللين السياسين اثبته زيف هذه التفجيرات والاتهامات بالنسبة للقاعدة واسامة ابن لادن
علشان مش نبعد عن موضوعنا وعلشان يكون هناك حل
الحل الوحيد فى ايد الحكومات العربية والاسلامية ولابد من محاربتهم بنفس سلاحهم
لكن هنا بيكون با اسلوب الاعلام برضه من خلال التعريف بالدين الاسلامى والثقافة العربية والاسلامية
لكن هيهات الحكومات كل هدفها ترسيحخ وجودها وحكومها فقط

وهنا لا بد من دور للمنظمات الاسلامية والدعاة بتعريف الدين الاسلامى والثقافة العربية

شكرا على الموضوع وعلى المناقشة

عفواً


وشكراً على المتابعة والرد

المشاركة الأصلية كتبت بواسطة براءة

بعض اللى لفت نظرى




دى اساسا بقت قناعة بداخل المسلم العادى


مش هقول اللى ايمانه ضعيف

للاسف مقدرش الومها
ويمكن اللى وصلها المعلومة دى وصلهالها عن طريق الخطأ
يعنى مثلا ايه من ايات الجهاد
لكن اقول ايه بس اذا كان المسلم ذات نفسه بيخاف
بيخاااف

من اللى اسلامه قوى ؟!




سبحان الله بجد

مش قادرة اتخيل الايه معكوسة وهى بتدعوك الى اعتناق المسيحية
مع ان الدعوة دى المفروض تيجى مننا احنا
سبحان الله علينا يا مسلمين

حالنا يرثي له



كررت الكلمة دى كتير اوى

كان افضل لو تضيف عليها اللى بيحترمونى
او كان ممكن تقول انا اتعامل كـ انسان مع جميع الناس واللى بيشجعنى ع ده اسلامى ونتيجة ده انا ليا اصحاب كتير من غير المسلمين

لكن كونها بتقولك انتوا وحشين وانت بترد انا بحب المسيحيين دىانا شايفاها صعبة اوى



اخر تعليق ليا

استغربت بجد تقديم مصر ع الاسلام فى تساؤلك
اعتقد ان المفروض العكس كان يحصل
مصر لو اتاخد عنها فكرة مش تمام .. اسفة يعنى تتحرق ( افتكر مقصدش الكلمة بالظبط )
لكن لو اتاخد انطباع سئ عن اسلامكـ

ده اللى بجد المفروض اتنفض واتحركله ..........

بخصوص تكرار الكلمة انا لم اقصد هذا المعنى بالظبط

المشكلة ان انا مكنتش عارف اطلع الى جوايه بالغة الأنجليزية
انا كنت عاوز اقول من وراء هذا الجملة ان احنا مش بنكره المسيحين فطلعت منى كده عكسها

واعذرونى لو كنت أخطأ ولكن هذا بسبب ضعف اللغة


بخصوص تقديم مصر ع الاسلام انا قولت كده حسب ما كان الترتيب فى الحوار

لأن هى فى الأول قالت مصر ثم بعد ذلك تحول الموضوع الى الاسلام
وبالطبع الاسلام فوق الجميع
واعتذر مره أخرى عن اى أخطاء صدرت منى

ولكن هذا بسبب الصدمة التى فوجئت بها من بداية الحوار


واشكرك على تعقيبك الجميل

المشاركة الأصلية كتبت بواسطة براءة

عارف بجد انا نفسي ف ايه دلوقتى ؟


نفسي اكلم البنت دى بجد


انا كل اللى كلمتهم اجانب كانوا مسلمين

مفكرتش اخوض تجربة انى اتكلم مع غير مسلمين مش عارفة ليه
بس عموما افتكر انت فتحت عيوننا ع حاجة مهمة جدا
يا جماعة بجد يرضيكوا ده ؟
ارجوكم بقي والله ما يصح نوم العسل اللى احنا فيه ده
حرام اوى كده
الناس نظرتها للاسلام خاطئة ومحتاجة تتصلح بجد
مش هطلب تصلح غيرك عليك بنفسك الاول
ولما جواك يبقى حابب انك تعمل حاجة لاسلامك اتحرك
الناس دى محتاجة حد يفهمها بس ويكون دارس الاسلوب اللى بيتكلم بيه
انا بجد الموضوع ده فتح ف دماغى حاجات كتير

شكرا جنرال ع الموضوع بجد

شكراً على ردودك المفيدة

وتحياتى ...

المشاركة الأصلية كتبت بواسطة dr.zomba

انا مش عارف اقول ايه بصراحه غير اني حاسس بخيبة امل وبحرقه وكسرة نفس فظيعه حاسس كاني مخنوووووووووق ومتكتف

احنا المسلمين اللي عملنا اوربا واللي كانت اوربا بتحرم العلاج في الوقت اللي احنا لقينا علاج لامراض محدش من الغرب يتخيلها




احنا المسلمين اللي المفروض نتبع الرسول صلي الله عليه وسلم ونكون زي ما كان رحمة للعالمين نبقي ارهابيين



احنا المسلمين يتقالنا غيروا ديانتكوا بدل ما احنا ننطقها قبلهم



بس هقول ايه عندهم حق يفكروا كدا ويظنوا فينا كدا لما حكومتنا تعتبر الملتزمين ارهابيين يبقي الغرب يعتبرهم ايه ملايكه ؟



لا حول ولا قوة الا بالله



حسبي الله ونعم الوكيل في حكومتنا اللي مكنت اعدئنا الصهاينه منا وخليتهم يوصلوا للي هما عايزينه







انتي بتتكلمي في ايه



80 % من الولاد اللي بيكلموا البنات الاجانب بيكلموهم عشان نفسهم



ونطلع في الاخر عرب بنجري ورا شهوتنا وفاكرين انهم كدا عيال جامده



بس ورب الكعبة لو الشباب دول يعرفوا ان كل شب بيتعرف علي بنت عشان نفسه الغرب بيحتقر العرب 100000 مره قصاده



يا شباب والله العظيم ان الموضوع دلوقتي في ايدينا احنا



احنا الشباب المسلم اللي هنرجع صورة الاسلام مرة تانيه



لازم نفوق ونعرف اننا احنا امل الامه الاسلامية



الكبار خلاص مفيش في ايدهم حاجه



الدور دلوقتي علينا



وشكرا يا جنيرال علي التنبيه



وان شاء الله مش هيكون مجرد تنبيه

ان شاء الله تعالى

شكراً على المرور

المشاركة الأصلية كتبت بواسطة براءة

عندك حق يا عادل


وفعلا اغلب الى بيبقي ورا حفلات التعارف دى شهوانيات


والسيناريو معروف لينا كلنا وكل واحد سمعه اكتر من مرة

ووالله
والله

كفاية ده اوى موقف يدل ع ان البنى ادمين دى عيال ودول اكبر اساءة للاسلام واسوأ دعوة لينا

_______________

المشاركة الأصلية كتبت بواسطة sweet_nono

انا اتفق مع براءة فى الجزء ده


واعتقد ان دى فكرة الغرب كلهم عن الاسلام من اللى الاعلام

وضحت وجهة نظرى فوق

وهذا ليس مقصود بالبطع


شكراً على المرور

المشاركة الأصلية كتبت بواسطة HMHHG

والله مش عارفة اقول ايه


فكرتنى بالبنت اللى كنت بحاورها برضه وقالت تقريبا نفس الكلام


والغريبة ان وصلهم اسوا صورة عن المسلمين وعن العرب

ولما تحاول تغير الصورة دى يقولوا انك لازم تعمل كدة علشان انت عربى ومسلم
اقول ايه بس حسبى الله ونعم الوكيل
وشكرا لطرحك الموضوع ده ولو انه استفزنى جدا لاقصى درجة

واخيرا اقول (كفانى فخرا بانى مسلمة )

شكراً لتواجدك معنا

المشاركة الأصلية كتبت بواسطة sai

بسم الله الرحمن الرحيم



هي فعلا واخده إنطباع سيء عن الإسلام و المسلمين

بس من كلامك أعتقد إن هي لسه واخده الإنطباع ده قريب

يعني حد قالها لو بتكلمي مسلمين أو عرب دول عملوا كذا و كذا
ثانيا هي بتقولك اليهود هم شعب الله المختار
علي حد علمي ده كلام يهود مش نصاري
و بعدين أنا بلوم عليك الكلمة دي
هي فعلا صعبة جدا في الشرع

و ممكن تكون قللت من موقفك

لأ الشرع مبيقولكش إنك تحبهم و في نفس الوقت متكرههمش

هم أهل ذمه و معاهدون
بس ده بيخالف الولاء و البراء حاجه في أصل العقيده
و فعلا يا جينيرال مش اللغه بس اللي ممكن نعرفهم بيها دينا
إحنا كلنا لازم نتعلم دينا صح
مش ناخده من الجرانين و التلفزيونات
عشان و إنت بتتكلم تكون بتتكلم و جواك عقيده يعني بتؤمن بفكره
و معاك أدلتك
حاجه كمان إنت لو تعرف إن موضوع العمليات الإنتحاريه أساسا
فيه خلاف بين العلماء و منهم من حرمه
و زي ما مشيخنا بيقولوا متحولش تجادل و إنت حاسس إنك

مش معاك الأدله الكافيه






و إنت ليه مصمم إن هي قصدها مصر و العرب



لأ هي قصدها الإسلام إنت لما تقولها كده



أعتقد إنك بتزود من ضعف موقفك

yes we will do our best efforts for her to
be welcome in our countries
but that is not mean we must prove we love there countries
that is not logical
و في الأول و في الأخر ربنا ينصر الإسلام و المسلمين
__________________________________________
و بالنسبه لكلامك إن كل الناس عندها نفس الإنطباع
فده مش صحيح
في أساسا ناس متسمعش عن مصر
و متسمعش عن الإسلام
و متستغربش
_______________________
أنا أعرف ناس من جميع أنحاء العالم
من أول سن ال17 لغاية سن 62
و فعلا هما ميعرفوش حاجه عن الإسلام
و لما بحكلهم و الله مش عايز أقولك بينبهروا
و غير كده و كده
بيشوفو مسلمين عايشين معاهم
و بيتصرفوا نفس تصرفاتهم
و كل شيء و مفيش عندهم دين غير في البطاقه
لما بحكلهم عن الإسلام الصح اللي بيمنع حتي المصافحه
عشان يقفل باب نهايته مفيش حد عرف يقفلها غير الإسلام
لغاية وقفهم في الصلاه كالبنيان المرصوص
و بيهنئوني في الأعياد
و في أعيادهم بقولهم مينفعش أهنئكم عشان ديني بيأمرني بكده
و أنا مش معتقد بدينكم
و بيتقبلوا
لازم تكون عندك خبره و تجربه
و جزاكم الله خيرا
أخوك الصغنتت/ محمود
(مشرف علي ما تفرج)
و اللنك ده هديه مني ليك ومعليك غير تختار اللغه
وهو هيجبلك السيره النبويه مترجمه في اللغه دي
و إرسلها للبنت دي

أو لأي حد

و صدقني ما عليك إلا البلاغ



This Is Mohamed



Islam

بخصوص

We love Christian
انا فوق وضحت ما كنت أقصد
وانا صدمة الحوار انستنى اشاء كثير
واعتذر مره أخرى عن اى خطأ صدر عنى

ولكن اتمنى ان تتأكدوا انه غير مقصود بالبطع


وبخصوص اللينك فأشكرك


وبالبطع سأفعل هذا


تحياتى ...