كرسى الاعتراف

[شموخ مسلمة]

المشاركة الأصلية كتبت بواسطة dr.heba

السلام عليكم ورحمة الله وبركاته

و عليكم السلام و رحمة الله و بركاته

عاملة ايه يحبيبة قلبى؟
الحمد لله ياقمر
انا رجعتلك تانى اهو
نورتى
فى شوية اسئلة جديدة
1-ايه طول مدة قعدتيها لوحدك؟
مش فاهمة لوحدى ان فعلا مافيش حد معايا و لا احساس بالوحدة
بس لو ان مافيش حد معايا
لا تقريبا مش حصلت الا اذا كان بابا و ماما واخواتى مثلا خرجو و انا مش خرجت معاهم حاجة بسيطة يعنى
وليه؟
عادى
2-مين اقربلك باباكى ولا ماماتك؟
بابا و ماما روح واحدة
هما الاتنين كل حاجة ليا فى الدنيا
وليه؟
زى ماقلتلك لانهم روح واحدة
3-لو حد قالك انتى قدوتى هتعملى ايه؟
هسال الاول ليه انا ؟ و هحاول احافظ ع الصفات اللى خلته ياخدنى قدوة و هحاول بقدر الامكان اكون فعلا قدوة و ده اللى بحاول اعمله
وهيبقى ايه احساسك؟
احساس جميل اوى
بيخلينى فرحانة جدااااااااااااااا
احساس كده مش هعرف اوصفه
4-بتعملى ايه لما تبقى مش عارفة انتى سعيدة ولا حزينة؟
ممكن اقرى او بفتح التليفزيون ادور ع اى برنامج لشيخ من اللى بحب اسمعلهم
او بفتح النت
او اطلع فى الهواء و اسمع اناشيد من اللى بحبها ع موبايلى
وبيحصلك كده كتير؟
اوقات بس مش كتير
ممكن ابقى عادى لا فرحانة و لا سعيدة
5-يوم ماجالك كلية علوم قلتى انا استحق احسن من كده؟
لا
6-امتى بتقولى لنفسك احسن تستاهلى؟
لو عملت حاجة تخالف مبدأ ليا
و حبيت ارجع للمبدأ ده و ده اتفهم غلط
يبقى انا اللى استاهل انى اتفهم غلط
7-انتى طبعا عارفة ان اللى ينتحر يموت كافر
بس فكرتى قبل كده تأذى نفسك
مش تموتيها
بس عيزاها تتألم؟:abdoog8::abdoog8:
لا لا
بس يمكن السنة دى كنت خايفة من نفسى ع نفسى
و يمكن انا فاكرة مكالمة كانت بينى انا و ايمان قعدت اعيطلها و اقولها انا خايفة منى عليا
8- اعملى لسته بهم عشر حاجات نفسك تعمليها فى حياتك
1- ارضى ربنا
2- ارضى بابا و ماما
3- اكون رمز للمسلمة
4- ارضى نفسى
5- احقق ذاتى
6- اعمل حاجة كويسة لدينى و بلدى و فلسطين
7-احافظ ع صديقاتى
8- اكون زوجة صالحة و أم لاطفال ينهضو بالامة
9- نفسى ادرس العلم الشرعى
10- اكون سبب فى هداية حد و اسلام حد - و ياسلام بقى لو بقو حدود-

ع فكرة فى حاجات مش مترتبة يعنى انا كتبتهم كده الى حد ما بدون ترتيب

9-لو حستى ان حد بيكرهك هتتصرفى معه ازاى؟:conf used:
هحاول افكر بيكرهنى ليه
لو لحاجة كويسة فيا يبقى هو حر و هعامله معاملة الاسلام
لو حاجة فاهمها غلط هحاول لاما هواجهه لاما هفهمه الصح بدون ما اواجهه-بطريقة غير مباشرة يعنى-
لو مش عارفة السبب بقى
يبقى ادفع بالتى هى احسن
10- بتلبسى جزمة مقاس كام؟ولا بلاش
طيب و الله العظيم انتى عسل

وبتختارى جزمتك على اى اساس؟
مش يكون ليها كعب طبعا
و يعجبنى شكلها
:av4056b b7jp3:
11-لما ربنا يكرمك بعريس(قولى امين)
ونازلة تشترى جهازك
ايه اول حجة هتفكرى تجبيها؟
مش عارفة
12-ايه اسهل تعيطى ولا تضحكى؟
العياط
ع فكرة انا اصلا لما بضحك اوى بعيط او بدمع يعنى بس بتبقى دموع كتير كانها عياط بالضبط
وتعرفى حد العكس منك؟
اه فى ناس بدل ماتعيط بتضحك حتى لو هيا حزينة
13- لو انتى قاعدة فى مكان فى الجامعة ووراكى اتنين ولاد بيتكلمو عن ارق ملاك اللى على منتدى الثانوية
هتركزى معاهم تشوفى بيقولو عليكى ايه؟
مع انك عارفة ان ده تجسس والتجسس حرام؟

مش عارفة و الله
المواقف دى بتصرف فيها كده حسب الموقف نفسه من غير تفكير غالبا

:0 49gc0:

حبيبة قلبى
انا عمالة اعصر دماغى عشان اجيبلك اسئلة حلوة
بس هو ده اللى لاقياه دلوقتى
معظمه تقليدى
انا عارفة
بس ده للى فى بالى دلوقتى
يارب يعجبك
فى رعاية الله

طيب انت عصرتى دماغك عشان تجيبى الاسئلة
انا بقى دماغى راحت اصلا من التفكير فى الاجابة
بس بجد اسئلتك جميييييييلة