لو فاضيين أدخلوووووووووووا

[bosy .. mostafa]

بسم الله الرحمن الرحيم
شكراً يا بسكوته عالموضوع العثل ده
اي نعم الأسئله طويله بس زي العسل على قلبي طالما منك

1-إتخانقت قبل كدا خناقة كبيرة؟؟


احم احم اه و هديت الدنيا


2-طيب مع مين؟؟

مع واحده كنت اعرفها

3-وايه سببها؟؟

طلعت عني كلام مش في حقي و سبب لي مشاكل


4-مزعل حد منك دلوقتي ونفسك تقوله حاجة؟

اه مزعله تلاته بعزهم و اقولهم
والله مش بإيدي اي حاجه من اللي حصلت دي


5-ايه هي الحاجة دي؟

ان فيه اتنين منهم عريسين جايين لي و انا رافضاهم مع انهم عايزني بشده
التالت ده اللي انا بحبه و اللي وصل له كلام وحش و اتضايق منه


6-طب انت زعلان من حد معين؟

اه من ناس كتيره


7-قلت قبل كدا كلمة آسف؟

قولتها كتير


8-بتعتبر نفسك محبوب؟؟

الحمد لله


9-قول كلمة واحد لكل من:

والدك ربنا يقويك و يعينك و اشكرك لإنك ربتني على تحمل المسئوليه و علمتني ازاي ابقى بنت بمية راجل
مامتك ربنا يخليكي ليا يا احلى ام في الدنيا و مش يحرمني من دعواتك الحلوه اللي مفتحه الدنيا ادامي
صديقك الانتيم بحبك في الله يا احلى هبه في الدنيا
حد مخنوق منه روح يا عم ربنا يسامحك

10-طيب الحاجات دي بتفكرك بإيه؟ :
الشمس الأمل
المنتدى طابور العيش
الفول شعب مصر
العربية الماتريكس احم بلاش اقول لفظ مش حلو بس خلينا نقول ميكروباص حالياً
الكونو بالصيف
الشتاء الكآبه و التشاؤم .. عمر ما حصلت لي حاجه عدله فيه
المدرسة المعتقل :abdoog8:

هي حاجات ملهاش علاقة ببعضها بس اللي افتكرته بقى

ولا يهمك يا بنتي


11- الشاب المحترم بالنسبة ليكي؟

اللي بيراعي ربنا و مش عينيه زايغه و اللي بيحترم اهله قبل اي حد


12-ايه هي اكتر مكالمة تليفون عمرك ما هتنساها؟

كانت مكالمه بيني و بين هبه و كانت بتقولي حاجه فرحتني


13-إيه اخبار معلوماتك الدينية؟؟

احم احم بلاش احراج بقى


14- طب تعرف مين هو الشهيد الطائر؟؟

اها اللي مات في غزوة احد تقريباً جعفر بن ابي طالب


15-تفتكر الطبيب النفسي ليه لازمة في البلد؟

ده مهم اوي


16-زهقت من الاسئلة؟

لا يا قمري


17-بالنسبالك النت بيشكل كام في المية من حياتك؟؟


خلينا نقول 10% مثلاً ؟؟


18-تقدر تعيش كام يوم من غير النت؟؟

هو اكسجين ولا إيه ؟
خلينا نقول 4 شهور


19-ايه رأيك في هوجة المسلسلات التركية؟؟

مش متابعه المسلسلات الهبله دي اصلاً


20-الحلم اللي حلمته ومش ممكن تنساه؟؟

كنت حلمت مره اني لابسه فستان فرح و حواليا ناس كتيره بتغني و كلهم فرحانين بيا ماعدا اتنين بس !!


21-نفسك في ايه على مدى ال10 سنين القادمين ان شاء الله؟؟

ابقى دكتوره ناجحه ان شاء الله
و زي ما يجي يجي الموضوع اللي في بالي بقى



22-لو مصر دخلت حرب ايه هيكون موقفك؟؟
هتدافع عنها ولا هتقول يا رب نفسي؟

هدافع اكيد .. لإن البلد مالهاش دعوه بالحكومه



23-طولت عليك صح؟

لأ يا عسل لسه نفسي مش اتقطع و بعدين انا بعشق التحقيقات دي


24-إيه رأيك في الشات؟؟

سخيف نوعاً ما



25-ايه اسوأ موقف وأحسن موقف حصلوا قبل كدا ليك في المنتدى؟؟

أسوأ موقف كان حصل ان فيه واحد قال كلام وحش عن صاحبتي و هي عرفت و انا حصل لي مشاكل بسبب الموضوع ده
أحلى موقف ... لما غبت فتره عن المنتدى و دخلت لقيت رسايل كتيره من أعضاء اعرفهم بيسألوا عني



26-تعتقد انك في يوم من الايام هيكون اسمك ليه رنين وشمة ورنة كدا؟؟

الله اعلم .. خليني احلم على ادي



27-لو بقيت صحفي تحب تحرر اي قسم في الجريدة؟؟

الحوادث ..



28-بتقراأ جرايد اصلاً؟

اها



29 -ايه اكتر قناة بتحب تتابعها؟؟

ميلودي افلام و دريم 2 و المحور



30 -تعبت مش كدا؟؟

لأ لسه .. انا بالي طويييييل اطول من الطريق الصحراوي

شكراً يا عسل للموضوع ده