إلى متى يستمر هذا الوضع غير الائق

[M.Sherif]

المشاركة الأصلية كتبت بواسطة الغلبان اوي

انت كنت اتمنعت من الكتابة عندما كنت جديد
وكيف لا يعريفون شئ عن قوانين المنتدي وهم قالوا اوافق عند التسجيل
والمشرفون التانيون كم عضو متواجد في اللحظة الواحدة في قسمهم

والله العظيم يا اخي الفاضل لو انت اللي كنت مشرف هنا علي القسم وفي ظل زحمة وتفاهة بعض الموضوعات كنت هتستعمل سلطاتك اكتر بكتير من مسيو وليد وكنت هتوقف اعضاء و تحذف وتنقل مواضيع مالهاش لازمة
وبحلف بالله عن ثقة

لكن دايما اللي ايده في الميه مش زي اللي ايده في النار
احنا بنتكلم في المنتدي كده واحنا براحتنا ومن وسع
انما لو اتحملنا وشلنا مسئولية قسم من الاقسام كقسم الكادر الامر هيختلف وهنحس بالمسئولية كويس اوي

انت كل زعلك ده عشان موضوع او اتنين اتحذف ليك
مع ان المشرف اللي حذفهم حذف لنفسه كمان موضوعات من القسم خلاص ما بقتش مناسبة في مكانها هنا وانا نفسي اتحذف لي واتنقل موضوعات كتير

وبعدين لو موضوعك من الاهمية انه لازم يتقرا هتفرق ايه لما واحد يقراه في القسم ده او في قسم غيره
ما الفايدة واحدة والموضوع هوا هوا

ولازم يكون عندنا ثقة في نفسنا وفي موضوعاتنا ان كانت فعلا قيمة وتستحق الثقة

وبعدين افكارك اللي هيا من دماغك لسه ملكك تقدر تكتب في اي وقت وتوصل افكارك للاخرين

وبعدين كمان الاعضاء الجدد فعلا مش عارفين قوانين المنتدي خالص
وعلي فكرة الناس بتيجي تسجل في المنتديات وبيخلصوا نفسهم بسرعة و يدوسوا موافق بدون قراءة
وحتي لو قرأوا القوانين عند التسجيل لازم برضه يعرفوا قوانين كل قسم علي حده

لانهم بيكتبوا موضوعات فعلا اغلبها مالهاش لازمة ودور وبص بنفسك وانت هتلاحظ ان معظمهم جدد