ماذا لو قيل لك انك فاشل ؟؟

[vampire1188]

انا عن نفسي ..

ايام زماااااان .. كان اما حد يقولي يافاشل .. كنت بزعل اوي وباخد جنب وببقي مكتئب

دلوقتي .. والله العظيم مابقت تأثر فيا الكلمة دي خالص .. حتى لو كانت بهزار

دا بالعكس انا بقيت استغلها استغلال عكسي .. وبتحدي اللي قالها

عشان اما ييجي اليوم اللي يشوفني فيه عكس ماهوا قال .. ابقي كسبت انا الرهان

واخر تجربة حصلتلي في الحكاية دي الترم التاني السنة اللي فاتت

كنت ضايع ضايع في الترم الاولاني .. وتقريبا زقة واحده واعيد السنة !

طبعا بصرف النظر عن ظروفي اللي حصلت .. بس المهم اني زقة وكنت هاضيع

وتحديت الجميع كلهم في الترم التاني .. والحمدلله جيبت تقدير فيه ..

ودا لإني حولت الاحباط الى نجاح .. انا نفسي مش عارف حولته ازاي والله

حاجة كدا من عند ربنا فضلت تنمو فيا لغاية ماعملتها ..

عشان كدا اما جيه يوم النتيجة وعرفت اني جيبت تقدير في الترم التاني بس ..

قومت سجدت ..

والسنة دي برده داخلها عندا في الكل .. اي نعم انا منفض شويتين للمذاكرة

بس انا عارف اجيب التقدير ازاي ..

وبرغم برده ان اللي حواليا في البيت بيحبطوني بكلامهم بتاع ذاكر وماتذاكرش ..

بس برده مابيأثرش .. وواخدها تحدي معاهم ..

يالا .. ربنا معانا جميعاً