تجمع طلبة صيدلة المنصورة

[white horse]

المشاركة الأصلية كتبت بواسطة sweet_nono

ليه بس كده عندك احباط من ايه ؟
اتكلمى يمكن نقدر نطمنك

احم احم
اولا تحذير : اللى بيجيله احباط يا ريت موش يقرأ كلامى

بالنسبة للكيمسترى : نفسى بس اعرف منين يودى ع فين يعنى العملى مثلا موش عارفة عنه اى حاجة و مش عارفة احفظه و فيه امتحان جاى اهو و قلت لاسعد قاللى اكتبى اى حاجة...قلتله يعنى ايه...قاللى اى معادلات عندك هتكتبيها...قلتله هو احنا اصلا عندنا معادلات...قام قايللى ايه دا مخدتوش معادلات؟ طب يبأى هتكتبى حاجات تانية من النظرى...اللى هى ايه اصلا؟ طب فيه عندنا كتاب يا عم الحاج المفروض عليه درجات...قام قاللى طنشى مش مهم...بالاضافة الى المسائل االى هو مش بيحلها اللى هى فى الكتاب...حاسة ان اللى يمشى وراه شور رايح فى داهية زى السنة اللى فاتت

نيجى للفيزكس...بصراحة احبطت من الحرارة و معدتش بحضرها بس حضرت لقيت الدوك لسة تايه و لسة بيدى اسئلة من غير اجابة و احلى حاجة انه قال فى المحاضرة (هنزل ورق اللى يذاكره كويس يبأى 100% ناجح)يا حلاوة...يعنى احنا داخلين الكلية دى عشان ننجح!!!!

البوتانى بأى طوييييييييل و كل ما احفظ حاجة انساها ...كل اسبوع براجع ع اللى فات و مفيش فايدة بالاضافة الى حتت ال DNA اللى موش عارفة افهمها
و العملى بأى...سكشن البوتانى التانى كل ما حد يرسم راسمة...دوك باهر دا يديله محاضرة لحد ما حسسنى ان انا فعلا شايلة السنة

كدا يبأى لسة الباراسيتولوجى اللى خدنا فيه 60 صفحة و بردو كل ما اقرأ اللى فات بحس انى زى ما اكون بقرأ الحاجة لاول مرة

غير ان انا موش عارفة اركز فى المصادر
يعنى مش ببأى مرتاحة نفسيا و انا بقرأ من ورق المكتبات دا
و فى نفس الوقت مش هلحق اخلص مذاكرة لو قريت من الكتب
و فيه كتب ميتقريش منها اصلا ...زى بتاع الحرارة دا


يعنى حاسة ان انا فعلا لسة تايهة ...دا مفيش مادة واحدة متزبتة عندى

انا اسفة بجد يا جماعة...بس محدش يعرف حالتى و ياريت محدش يكون قرأ الكلام دا اساسا