(((___الصداقة والخيانة؟,هل اصدقائك وحدهم هم المسئولين؟___)))

[Sharp Nails]

المشاركة الأصلية كتبت بواسطة dr.saeed

السلام عليكم ورحمة الله وبركاته
وعليكم السلام ورحمة الله وبركاته

اولا ازيكم يا جماعة عاملين ايه؟
الحمد لله ماشى الحال
يارب تكونوا بخير
دلوقتى فى موضوع مهم الواحد فكر فيه كتير لقصص كتير شفتها بعينى ادامى من ناس كتير عرفتها سواء على النت او على الحقيقة
جرب كدة تعمل موضوع عن معنى الصداقة اهميتها راى الحكماء فيها؟
هاتلاقى كل الردود
الصديق الوفى ماعدشى موجود
الصديق الوفى ان كان موجود يبقى نادر جدا
طب ماشى
لما كلنا رأينا كدة؟
يبقى العيب فى مين بقى؟
يعنى انا وانت وانتى وحضرتك
طالما كلنا شايفين ان احنا الاصدقاء المثاليين
واصحابنا كلنا هما الى مش كدة
يبقى هل العيب فيهم بس؟
اكيد مش كل العيب عليهم هما بس
العيب علينا احنا كمان
اننا ادينا كل الثقة للانسان الى قدمنا
بس للاسف هما مش صانوا الثقة دية
ولا احنا كمان صوناها
احنا خرجنها بكل قوتنا
لحد ما الثقة جوا الانسان خلصت

طب وطالما كل واحد حاطط فى دماغه
ان التانى مش وفى
امال مين فينا الى وفى؟
حاجة بسيطة ممكن نيتدى فيها نتكلم فى المشكلة
البعض بياخد معنى الصداقة على وجه طفولى شوية
بمعنى
انى وفى مع الاخ دة وانى صاحبه من زمان
يبقى لازم دة يحكيلى كل حاجة عنه
زى مانا بحكيله هو كمان يعمل زيى ولا انا أثق فيه وهو لا؟
اكيد لازم الاتنين يوصلهم الثقة
انا اكون واثقة فى الى قصادى
والى قصادى واثق فيا
وناس تانية تاخدها ان الصاحب مفروض يسيب كل حالته وشغله ويفضل يسمع لصحابه؟
طب مثال حقيقى مختلف عن الى فاتوا
فى مرة سألت مين أقرب واحد للنبى صلى الله عليه وسلم ومن قبل الاسلام كمان؟
اتقالى
أبو بكر الصديق اكيد
سالت تانى
مين أمين السر النبوى؟
اتقالى
ايه هو مش سيدنا أبو بكر
ماشى النبى صلى الله عليه وسلم وابو بكر الصديق أصدقاء واخوة بجد
بس امين السر النبوى هو حذيفة بن اليمام
حاجة تانية
ليه بلاقى الاصدقاء غالبا فى العصر دة بيختلفوا كتير ويفقوا مع بعض على التافه؟
اها فعلا
تحس اننا بنتلكك

ليه لما بيحصل بينهم مشكلة او تسمع من واحد بعيد انه قال عنك كدة مش تروحله تقوله قلت كدة وليه؟
انا عن نفسى مبحبش احرج حد
خصوصا ان كان حد قريب
فاكيد لما اروح اقول كدة
وفعلا الكلام اتقال
انا الى هزعل
فالواحد بيشلها فى قلبه ويقفل عليها

يمكن اى فعلا قال كدة بس لسبب معين
خاصة انكك مش بتتعامل مع نبى
انتى بتتعامل مع بشر من سهل ان يزل وبخطىء
بس غلط عن غلط يفرق ياسعيد
مش كل غلط يتغفر
ومش كلواحد يعمل المصيبة ويرجع يقول غصب عنى

الحاجة التالتة
ليه البنات بالذات الاقى كل بنت تقول البنات بيغيروا اوى منى
طب طالما كل واحد شايفه ان كل البنات الغيرة عندهم عالية اوى وغير محمودة
يبقى مين فيهم الى فعلا بيغير غيرة مش كويسة؟
البنت الى تقول كدة تبقى هى الغيرة قتلاها

الحاجة الرابعة
البحث عن صديق
ودة اهم شىء
ليه لما نيجى نصاحب
نختار من الوسط المحيط وخلاص
حتى لو البيئة مش كويسة
اهم اصحاب وقريبين منى وشايفهم على طول وخلاص؟
ليه مش بناخد بالنا اوى ان الاصحاب هم اكتر حاجة تأثر على شخصية الواحد عشان كدة لازم نختارهم بدقة وبعناية بجد
طيش اطفال ياسعيد
الواحد مرة واحدة بيلاقى نفسه صاحب الحد دة
اوى
اكتر من غيره
وهو دة الى بيعمينا عن غلطات الى قصدنا
الحاجة الخامسة
ليه لما بيكون جواك حاجة معينة من صديقك تفضل حاططها فى قلبك
وطبعا اكيد صاحبك دة بيغلط اكتر من غلط لانى زى ما قلت مش نبى
وانت ولا مرة تصارحه
اها فعلا
بالعكس
تفضل سايبه يغلط يغلط
وانت قلبك يشيل منه أكتر
وفى الاخر تاخد القرار انى ابعد عن الشخص دة نهائيا
من كتر تراكم المواقف طبعا واحد على التانى
بتحصل فعلا وحصلت اصلا

الحاجة السادسة
تقول هو صاحبى بقى بيمشى مع الواد دة كتير ليه؟
ليه بقى بيمشى مع دة اكتر منى؟
هو خلاص نسانى ولا ايه؟
وممكن يكون الشخص دةأقرب واحد ليه فى المحيط الدراسى
فيكون التعامل معاه كتير
ممكن بما انك فتحت الموضوع دة
انا عاوزة احكى حاجة
انا مصاحبة واحدة من 6 سنين
وانا وهى قريبين من بعض اوى
ودخلنانفس الكلية
بس هى بقت فى قسم وانا فى قسم تانى
ولما تيجى تقابلنا
اكيد انا مش قعدة لوحدى
معايا صحابى الى فى قسمى
بتتغاظ اوى وتتعصب
ومش بتكلمنى خالص وانا معاهم
وانا كلمتها فالموضوع دة
قالتى
((انا عوزاكى تكونى ليا وبس مش عاوزة حد يصحبك غيرى زى ما انا مصحباكى انتى وبس انتى كمان اعملى كدة))

بصراحة الكلام رعبنى
حسيت انها من حبها فيا بقى حب تملك
وانا مش بحب حد يعاملنى كدة
ومش عارفة اعملها اية

وفى نفس الوقت بيبتدى السؤال يقل شوية بين الاصدقاء لان فيه كليات زى هندسة عندنا مثلا مش بيلاقوا وقت اصلا يذاكروا فيه
الحاجاة السابعة
ودى من أغرب الحاجات
انتى يا بنى
انا معجب بالبنت دى؟
وهو كمان يكون معجب بيها
الله
ازاى؟
مش مفروض ياخد باله
مش لازم يسالنى الاول
وتبتدى بينهم حاجات ممكن الاطفال يتحرجوا من انهم يعملوها
عشان واحد فيهم يعرف يكلمها والكلام دة
وكذلك مع البنات بس الموقف بالعكس طبعا
طبعا دى بعض المواقف الرئيسية الى بين الاصحاب
والى بتحصل ونرجع نقول ما فيش اصدقاء أوفياء
وطبعا كل واحد فينا فيه عيب معين
أى واحد
فيه عيب
بس هل انت هاتستحمل عيب صاحبك
ولا واحدة بواحدة هاتمل من العيب دة
وتصاحب غيره
يطلع فيه عيب تانى
تستحمله لانه فيه صفات كويسة
وتسيبه لما تمل من العيب دة؟
الموضوع طويل شوية
والكلام فيه كتير اوى
لو حد عنده موقف معين ممكن يقوله ومش لازم ذكر اسماء لان المواقف فى الموضع دة أكيد كتير
وفيه أكيد ناس لما شافت الكلام حست انه منطبق عليها
والسؤال الاخير؟
مين الى وفى ومين الى بيضيع الصداقة بجد؟

فى امان الله

موضوع جميل ياسعيد
وبيحصل فعلا لواحد
وانا قولت موقف اهوه عاوزة حد بقى يقولى اعمل معاها اية

ومعلش عشان غيرت لون الموضوع
كدة احلى