|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
22-11-2008, 03:15 PM
|
|||
|
|||
خدعونا و قالولنا عادى
يا جماعة النهاردة ناوية اتكلم عن موضوع كدة هو موضوع عادى بس هو مش عادى ازاى؟ عادى خدعة خدعونا بيها كلمة أصبحنا نقولها علي حاجات غلط كثير و تصرفات غلط بنعملها في حياتنا... لكنها أصبحت عادى لكنها مش عادى اه مش عادي... مش عادي... لأنك من أمة سيدنا محمد ... أمة محمد سر بقاء الأرض و الكون.... تطلع الشمس من أجلك.. و سخر لك الملائكة لتدبر لك أمرك... يبقى احنا خلاص هنتفق من هنا و رايح مش هنقول عادى مش هنعيش عشان عادى هو عادى دة يعنى اله بنعبده لا عادى مش اله اقولكم على حاجة احنا مينفعش نبقى عادى لاننا امة مش عادية قال تعالى : " كنتم خير امة اخرجت للناس " ايه دة هو احنا بنقول عادى بنقول على ايه عادى انفتاح علاقة الولاد بالبنات... عادي ودى هنتكلم فيها من هنا لبكرة لما بنت تقعد على رجل واحد دى عادى طيب هاقولكم شوية اسئلة سالتها بجد لناس اعرفهم و دى كانت اجابتهم هو عادى ان الولد يكلم اخته فى حاجات مخلة بالاداب؟ لا طبعا مش عادى طيب عادى انه يكلم زميلته فى نفس الحاجات؟ ممكن!!!!!!!!!!!!!!!!!!!!!!!!!!! على حسب البنت  عادى انك تبقى حرامى؟ لا طبعا حرامى ايه انا عايز ابقى دكتور طيب يا دكتور ينفع انك تروح شغلك متاخر؟ اه عادى!! ما هى الظروف!! على فكرة انت كدة حرامى بردو لانك بتاخد فلوس على عدد الساعات اللى انت بتشتغلها لما انت تضيع كل يوم نص ساعة عادى و تاخد فلوس بردو تبقى ايه عادى اان البنت ترقص فى الشارع؟ يا خبر ابيض ايه قلة الادب دى طيب عادى انها تخلع حجابها فى الفرح و ترقص؟ سواء هى العروسة او هى احد المدعوين اه طبعا عادى دة فرح  عادى ان البنت تلبس مايوه و هى رايحة لدكتور الاسنان يا لهوى دى تبقى هبلة و بعدين الدكتور هيقول عليها ايه طيب عادى ان البنت تلبس مايوه على البلاج اه عادى امال هى رايحة ليه هاكمل عادى بعدين بس مش دلوقت لما شوف رد فعلكم الاول على فكرة فكرة عادى دى اللى طرحها هو الاستاذ مصطفى حسنى انا بس حبيت اقولكم رايى انا اللى لسه مقولتوش حتى الان
__________________
 وَغدَتْ نَفْسِي كَورْدةٌ ذَابِلة؛ لا غُصْنَ يَحمِيْها وَلا أوْرَاق حَانِيَة! نَادَيْتُها: أنْ مُدّي يَديْك فِي المِياه الدافِئَة، وَاسْتنِيرِي بِضِيَاء أنْوَارِ السّمَاءِ العَالِيَة. وَلتَشْمَخِي فَالعِزّة لِلإسْلامِ بَاقِية!
|
|
#2
22-11-2008, 03:26 PM
|
||||
|
||||
|
انا اتفرجت عليها فعلا
ربنا يبارك للاستاذ مصطفى حسنى ويجازيه خير انه فتح الموضوع ده وفعلا دلوقتى كلمة عادى دى بقت بتتقال سهله اوى فى حاجات كتير وشكرا ليك على طرحك الموضوع بس انا هقوم دلوقتى وليا عوده ان شاء الله |
|
#3
22-11-2008, 03:27 PM
|
||||
|
||||
|
هو الحاجة الوحيدة العادى ان الموضوع الجميل ده منك يا لمى عارفة مشكلتنا اننا عايشين عيشة عادى تيجى تقولى لحد اهدافك ايه يقولك عادى تقوليله يعنى ايه عادى يقولك عادى زى البشر يعنى يعنى هو انا مين عشان يبقى عندى اهداف ده نوع من انواع عادى فى عادى تانية بقى تيجى تقولى لواحدة هو انتى ازاى بتتصرفى مع اى ولد زميلك مثلا كانه محرم تقولك عادى تقوليلها يعنى ايه عادى تقولك ده زميلى عايزانى اعامله ازاى يعنى بطلو بقى اتهام للناس انتى ماتعرفيش نوايا الناس  و فى عادى تالتة تلاقى اب مثلا شايف بنته بتلبس حاجات غريبة تقوليله يا عمو ايه ده هو حضرتك مش شايف بنتك و لا ايه يقولك عادى تقوليله يعنى ايه يقولك ماكله كده عادى دى بقت الشماعة اللى بنعلق عليها كل اخطاءنا و سلبيتنا ناس عايشة عادى بلا هدف بلا طموح بلا دين و اهى عيشة ربنا يهدينا كلنا
بجد موضوع جمييييييييييييل و احتمال يبقى ليا رد تانى باذن الله آخر تعديل بواسطة شموخ مسلمة ، 22-11-2008 الساعة 03:29 PM |
|
#4
22-11-2008, 03:27 PM
|
|||
|
|||
|
اقتباس:
فى انتظار عودتك يا ايه
و انا كمان ليا عودة لاستكمال الموضوع عشان احنا لازم نفضل ورا عادى لحد اما تختفى
__________________
وَغدَتْ نَفْسِي كَورْدةٌ ذَابِلة؛ لا غُصْنَ يَحمِيْها وَلا أوْرَاق حَانِيَة! نَادَيْتُها: أنْ مُدّي يَديْك فِي المِياه الدافِئَة، وَاسْتنِيرِي بِضِيَاء أنْوَارِ السّمَاءِ العَالِيَة. وَلتَشْمَخِي فَالعِزّة لِلإسْلامِ بَاقِية!
|
|
#5
22-11-2008, 03:32 PM
|
|||
|
|||
|
اقتباس:
هتردى تانى غصب عنك هو انتى بتردى على اى حد و لا ايه و انا كمان هاكمل لك عادى دى تانى دة انا اللى فى قلبى من عادى دة كتير هاقولك على كل الناس اللى عادى و اطلع عينهم بس اصبروا عليا شوية نورتى التوبيك يا احلى ملاك و احلى دودى
__________________
وَغدَتْ نَفْسِي كَورْدةٌ ذَابِلة؛ لا غُصْنَ يَحمِيْها وَلا أوْرَاق حَانِيَة! نَادَيْتُها: أنْ مُدّي يَديْك فِي المِياه الدافِئَة، وَاسْتنِيرِي بِضِيَاء أنْوَارِ السّمَاءِ العَالِيَة. وَلتَشْمَخِي فَالعِزّة لِلإسْلامِ بَاقِية!
|
|
#7
22-11-2008, 03:40 PM
|
||||
|
||||
|
عادى عادى كله عادى كل مايقرب قصادى ( شكلى هكملها) ::::::::::::::::::: المسألة مش مسألة عادى ومش عادى المسألة مسألة مبدا والمعروف طبعا ان المبادىء مش بتتجزأ الا اذا كان صاحبها ضعيف معندوش ثقة فى شخصيته يعنى المسألة مسألة مبدأ معظم اللى بيقولو عادى مش علشان الحكاية عادى لا لانهم اتعودو يقولها اهلهم بيقولو عادى مدرسينهم بيقولو عادى مجتمعهم بيقول لهم عادى وهما اساسا ميعرفوش معنى الكلمة ( عادى ) مش كل حاجة فى حياتنا نشوفها نقول عادى لما الشمس تشرق من المغرب منقولش عادى لما الاخلاق تتدمر منقولش عادى لما نشوف بنات المسلمين بالمنظر دا ( منقولش عادى ) لما نشوف العرب والمسلمين حقهم مغتصب منقولش عادى لازم كون لينا مبدأ ونبقا ثابتين عليه ومنحاولش نقول عادى لان اللى يقول عادى بيبقا انسان عادى يعيش يموت مش هتفرق معاه لانه عادى انما لو ليه مبدأ ثابت عليه يبقا اكيد كلمة عادى هتتشال من قاموس افكاره وكلماته شكرا على الموضوع اللى مش عادى دمتى فى رعاية الله
__________________
 ......استودعكم الله الذى لاتضيع ودائعه.... ....closed 4 ever
|
|
#8
22-11-2008, 03:56 PM
|
||||
|
||||
|
المشكلة اننا شايفين ان الدين الاسلامي دين عادي و احنا فاكرين اننا عايشين بكل اللي
اتقال في القرأن و السنة لكننا مش عارفين ان معظم ما امرنا بيه ديننا مش بنطبقه عشان كده حياتنا ماشية مش مظبوطة ، لكن لو طبقنا كل حاجة امرنا بيها ربنا و الحبيب صلى الله عليه و سلم كنا بقينا امة متقدمة جدا و جزاكي الله خيرا
__________________
 إني ابتليت بأربع ما سلطوا ........................ الا لشدة شقوتي و عنائي إبليس و الدنيا و نفسي و الهوى ................... كيف الخلاص و كلهم أعدائي آخر تعديل بواسطة EnG.BeLaL ، 22-11-2008 الساعة 03:58 PM |
|
#9
22-11-2008, 04:20 PM
|
||||
|
||||
|
السلام عليكم ورحمة الله
انا مكنتش اعرف انك بنت وكمان اسمك لمى اسمك جميل اوى ما علينا ندخل فى الموضوع بصى هو الموضوع كبير اوى ومحتاجه منا وقفه ونحاول نمحى كلمه عادى دى من حياتنا احنا عشان اتولدنا مسلمين فاكرين ان ده عادى لا مش عادى مسلم دى كلمه كبيره ولازم نحاول قد ما نقدر نعمل بيها الدنيا دلوقتى اتقلبت الحاجات الوحشة عشان اكتر بنقول عادى لو كنا قاعدين مثلا فى قعده كده وبنهزر وبنضحك والاذان ياذن وواحده تقوم تصلى نعتبره مش عادى! طب ليه ؟؟احنا لازم نقف وقفه احنا ممكن نقول عادى فى حاجات معينه الاذان لما بيأذن بصلى ده عادى فى حاجات تكون صح ومفيش حد اظن ميعرفش الصح من الغلط اللى بيعمل غلط دلوقتى عارف ان ده غلط وعيب بس مستمتع بيه البنت اللى تمشى فى الشارع ببدى واسترتش هى شايفه ان ده عادى !  لا طبعا مش عادىمعرفش الصراحه اقول ايه ولا ايه حاجات كتير اوى فى حياتنا بنقول عليها عادى وهى بتبقى مصايب  اكيد لو افتكرت حاجه تانى اقولها هقولهالك وميرسى ع الموضوع يا جميل  |
|
#10
22-11-2008, 04:34 PM
|
|||
|
|||
|
كنت قريت موضوع قبل كده عجبنى اوى
يعتبر اسمه افضل رد امة ضحكت من جهلها الامم |
|
#11
22-11-2008, 04:36 PM
|
|||
|
|||
|
السلام عليكم
عادى كلمه فعلا للاسف نطقها الاباء والامهات والاخوات قبل ما تنطقها البنات عادى هو انت حتحارب التقدم ما تشوف يا عم بنات الدش عاملين ازاى ولبسين ازاى دا انا بنتى محترمه بتوع الدش ييزيدو فيها والبنت هيه كمان لغايت ما خلاص اخدنا على كده على عادى حقك يتسرق منك وتقول العالم دى بتتعب عادى عادى شببنا بيموتوا ونقول هما الى جابوه لنفسهم هما الى ركبوا البحر ما هما كانوا عارفين ان المخاطره كبيره ونقول برضه عادى لما احنا بقينا شعب مش عادى خالص بس للاسف رفعنا شعار كله عادى لنا الله ان نصر الله قريب واكيد مش حنبقى عادى
__________________
الذكريات مش مجرد كلام بتبقى حاجه محفوره فى القلب |
|
#12
22-11-2008, 04:37 PM
|
|||
|
|||
|
السلام عليكم انا اخوكم احمد انا كنت غايب عن المنتدى لفتره طويله وبجد الموضوع ده جميل جدا جدا جدا وكان محتاح اننا
فعلا نفتحه وبجد هو موضوع اكتر من رائع.........
__________________
سبحان الله و بحمده .. سبحان الله العظيم
|
|
#13
22-11-2008, 04:48 PM
|
||||
|
||||
|
اقتباس:
و بجد كانت جميلة اوى انا على فكرة مقرتش الموضوع انا شوفت العنوان بس هقراه بعدين و ارد عليكى بعدين عشان بجد تعبانة دلوقتى اوى ( ارشميدس بقى ) اصل انا حاسة انه هيتنقل لحى على الفلاح هشوف لما ابقى اقراه
__________________
 يظن حين أتحدث عن ذكرياته اننى لازلت احبه .. و يظن حين اكتب عنه بعين الرضا اننى لازلت اتمنى عودته .. ولا يدرك اننى منذ أن فارقته " عددته ميتاً ".. فحديثى عنه لا يعد الا امتثالا بحديث المصطفى " اذكروا محاسن موتاكم "
|
|
#14
22-11-2008, 05:11 PM
|
|||
|
|||
|
اقتباس:
جزاك الله خيرا على الرد
__________________
وَغدَتْ نَفْسِي كَورْدةٌ ذَابِلة؛ لا غُصْنَ يَحمِيْها وَلا أوْرَاق حَانِيَة! نَادَيْتُها: أنْ مُدّي يَديْك فِي المِياه الدافِئَة، وَاسْتنِيرِي بِضِيَاء أنْوَارِ السّمَاءِ العَالِيَة. وَلتَشْمَخِي فَالعِزّة لِلإسْلامِ بَاقِية!
آخر تعديل بواسطة لمى 2016 ، 22-11-2008 الساعة 05:13 PM |
|
#15
22-11-2008, 05:15 PM
|
|||
|
|||
|
اقتباس:
فى انتظار ردك اللى هينور التوبيك يا ميرو
__________________
وَغدَتْ نَفْسِي كَورْدةٌ ذَابِلة؛ لا غُصْنَ يَحمِيْها وَلا أوْرَاق حَانِيَة! نَادَيْتُها: أنْ مُدّي يَديْك فِي المِياه الدافِئَة، وَاسْتنِيرِي بِضِيَاء أنْوَارِ السّمَاءِ العَالِيَة. وَلتَشْمَخِي فَالعِزّة لِلإسْلامِ بَاقِية!
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 02:30 AM.
