كرسى الاعتراف

[dr.zomba]

المشاركة الأصلية كتبت بواسطة asdat

لالالالالا

ده كله يحصل
هوففففففففففففففف
كليه مقرفه الواحد بيذاكرلها من اول السنه و فى الاخر بيحس انه لو باع بطيخ على اول الشارع يبقى افيد بوقته و صحته
واريحلك بدل ما تسألي كتير بردو

المهم مش ده موضوعنا
موضوعنا شويه اسئله كده مش على الطاير عشان الواحد مسافر و عايزه اسيب حاجه كده على ما قسم
دا علشان نفتكرك بكل....... خير طبعا
نتوكل على بركه الله
نتوكل

1- ممممممممم
اشمعنى اسم دوك زومبا
هو تقريبا حسب معلوماتى المخابراتيه انه مسروق صح الكلام ده و لا غلط
ههههههههههه هي الاخت لحقت تسيح
الاسم دا مقتبس من اسم ايميل ابن خالتي عجبني واخدته بعد اذنه يعني مش مسروق زي ما في ناس مروجين اشاعات قالو
2- ما دام حضرتك بتقعد اربع ساعات كامله على المنتدى ليه مش بشوف ردود كتير لحضرتك
ما انا قولت قبل كدا المنتدي مبقاش بالنسبة ليا زي الاول دا غير كدا اني مش بحب ارد في اي موضوع وخلاص

3- تدى كام لتطابق شخصيتك على المنتدى و الواقع
حوالي 95%

4- بيمثلك ايه كل من الكلمات الآتيه
السعاده :شعور جميل بس وجوده بدأ يقل
الجمال :صفة جميلة ونبيلة جدا
الطبيعه :بتتلاشي
الاخلاق :وجودها في الزمان دا اقل بكتييييييير عن زمان
القدوة :حاجة مفتقده في زمانا لانها لو كانت موجوده مكنش هيبقي هو دا الحال
الفقر : هو اللي جايبنا ورا
السلطه : السم اللي موجود في العسل
الحب : اجمل احساس في الدنيا ( انا اقصد كل انواع الحب البرئ)

5- اكتر انسان عزيز و قريب لقلبك ؟
ولدتي طبعا
6- اكتر موقف اتعلمت منه خبره مفيده ؟
صدامات حصلتلي السنة اللي فاتت
8- حلم كان نفسك تحققه و مقدرتش ؟
اني اجيب مجموع كبير في الثانوية

7- علاقتك بربنا لو قويه ازاي بقت قوية و لو ضعيفه ازاي ممكن تقويها و ناوي علي ايه ان شاء الله؟
علاقتي مع ربنا الحمد لله كويسه وبحاول اني اقويها اكتر وبقت قويا لما بدأت اصلي وانا كنت قولت ازاي بدأت اصلي في الموضوع بتاع انت الداعية لهذا الاسبوع وناوي اني اعمل حاجة للاسلام ان شاء الله
9- حلم لسه بتحلمه و بتحاول توصله؟
اني احقق ذاتي واكون رمز للاسلام
10- لحظه حسيت فيها بالندم ؟
اني مدخلتش ادبي من تانية ثانوي

11- لحظه بتتمني ان الزمن يرجع فيها ؟
لما كنت بحدد انا هدخل ادبي ولا علمي عشان احدد ادبي

11-نفسك ايه اللى يتغير فى المنتدى وفى الدنيا اللى حواليك
كمية الكدب اللي في المنتدي والوشوش اللي فيه / قلة الدين وقلة الادب


12-ايه هى اسعد لحظات حياتك وايه اتعسها
اسعدها مش فاكرها بس اتعسها يوم نتيجة الثانوية العامة



13-بالمره ايه رايك فى حسنى مبارك
حاكم ظالم



14-موقف مضحك او محرج حصلك
والله مش فاكر




امممم



15-ايه اللى حضرتك خسرته من دخولك المنتدى
وقتي



وبعدين هقلك شويه صفات وصنف الناس اللى فى المنتدى ع اساسها



هادى : مصطفي فتحي



متفائل : اللورد



عنيد : اشرف



عصبى : انا احيانا واسيل رزق



بارد : اشرف بردو



حد دمه خفيف : فامبير ومحمد كومندو ومحمود طه و نسمة وترافل وناس كتيييييييييييييير جدا ومش عايز انسي حد والله



مثقف : احمد رضا وبسام



مبدع : احمد رضا



امممم : مش عارف بصراحة ممكن يكون حد من منتدي تاني



سلبى : مصطفي فتحي



فى حاجه تانيه

16-مين كاتم اسرارك يعنى ياريت حد نكون عارفينه ع المنتدى يعنى
كان في بس دلوقتي مظنش ان في



17-ايه رياك فى الصداقه
احسن واسما علاقة بين البشر بعد علاقة الزواج



18-عضو او عضوه نفسك يرجعوا تانى
مفيش بصراحة



19-عرفت المنتدى منين
جوجل باشا



20-اهلاوى ولازملكاوى ولا مش ليك خالص فى الهيافه دى
هههههههههههههههه مش متابع اوي بس اهلاوي جدا



21-لما تضايق ايه المكان اللى بتحب تروحه يعن كنوع من انواع البعد عن المشاكل الاسترخاء اى حاجه من الكلام ده
اي اوضه فاضيه فيها سرير

22 -من اكثر حد تسعد بلقائه؟
كل اللي بحبهم

23-مين اكثر حد تحب تسمعله؟
القرآن ولا الاغاني
لو القرآن بحب اسمع لعبد الباسط عبد الصمد والمنشاوي
ولو اغاني بحب اسمع لعبد الحليم ومحمد فوزي وفيروز ونجاة واغاني لام كلثوم ومن الجداد عمرو دياب واصالة دول اكتر اتنين بحب اسمعلهم الباقي بسمعلهم اغاني وبس معينه وخلاص

-24مين اذكى شخص قابلته فى حياتك؟
واحد صاحبي

25-انت مغرور ولالاء؟
مش عارف بصراحة بس اللي بيتقال اني الحمد لله لا حضرتك شايفه ايه ؟
26-رأيك فى عادل ياترى ايه هو
انسان كويس وممكن يعمل حاجات كتير بس عنده مشكلة وهي الكسل
27-تدى شخصيتك كام فى الميه من حيث جمالها
الله اعلم بس مظنش انها هتبقي كتير اوي
28- الدكتور زومبا حس قبل كده انه بيقتل وقته بايده لو نعم كان ايه رد فعلك بعد الاحساسا دا؟
اه / وكان رد فعلي اني زعلت ودخلت نمت
29-كام مره اتهزمت فى مواقف قابلتك؟
مره او مرتين
30-اكثر شخص تفخر بمعرفته.
كل اللي بحبهم
31-اكثر شخص تعامله بحنان
ابويا وامي واخواتي وقرايبي واصحابي
32-اكثر شخص تعامله بقسوة
اللي مبكونش طايقه
33-الدكتور زومبا يستخدم العنف نعم ام لا
لو نعم امتى
نعم لما اكون متعصب

34- اااااااااه
ايه راى حضرتك فى توقيه احمد رضا و دوكتور سعيد
توقيع احمد رضا توقيع واقعي جدا ومؤلم جدا ويحسس الواحد بالعجز جدا
توقيع سعيد بتاع اغنية مدرسة الحياة ام تي ام واحمد عدويه حلو بردو لان الاغنية معبره جدا ومحمسه جدا

34- و يلا بقى مجموعه الاسئله اللى ممنهاش فايده بس تحس انها زى الملح الاكل مش يبقى حلو بدونه
طب انا مش بحب الملح ممكن تشيليها
- اكتر موقف محرج اتعرضتله ( محدد)
موقف نتيجة الثانوية
- اكتر موقف فرحك
مش فاكر والله
- اكتر موقف زعلك ( محدد )
يوم وفاة جدي
- اكتر موقف كان نفسك فيه متكنش عادل
واكون مين يعني !!
و موقف متكنش فيه دوك زمبا
مش فاكر ان في حاجة زي كدا
- اكتر موقف حسسك انك انسان ( يعنى حد عمل معاك حاجه فعلا حسستك بكده )
يمكن علي طول الحمد لله
- احم ...... اكتر حاجه حسستك انك يعنى مش تسوى ( يعنى نفس اللى فوقيها بس بالعكس )
يوم نتيجة الزفته الثانوية العامية
- يعنى اكتر موقف حسيت فيه بغباءك
لما كنت بتعامل مع ناس ايام الثانوي بحسن نية وهما طلعوا اخبث من الخبث وهما جابو المجموع وانا اللي شربت المقلب
- امممممم و بالمره بذكاءك
لما اتعلمت من الموقف اللي فات وعرفت ازاي اعامل كل واحد زي ما يستحق لا اكتر و اقل

( لو عندك مواقف تانيه قول عشان انا مخى تعب )
لا كدا كفاية اوي

احم احم
كفايه كده بس عشان بقالى كتير مش سالت حد
و محمود نفد من ايدى بجد زعلت لما لقيته قام
منك لله يا محمود نفدت انت وانا شربت الاسئلة

يلا ملحوقه مش اعرف ازاى بس ملحوقه

صح سؤال اخير
ايه رايك فى اسئله براءه
هي اسألة واحده عارفاني ومش محتاجه تسأل بس اهو شكليات ومكملات وسلطات وبابا غنوج
مش عارفه حاسه انك حترمينى من اعلى بلكونه فى المنتدى
لو دخلت تانى
لا بلكونة ايه عيب طبعا
ممكن برج القاهره اشيك
يلا كله فدا مصر

يلا فى رعايه الله

شكرا علي الاسئلة اللي هلكتلي صوابعي ودماغي

دي ترافل طلعت ارحم شوية

بس عموما نورتي وكل عام وانتي بخير بقي بما اننا مش هنشوفك في العيد