يا سلام عليك يا شعبولا

[nahoous]

أخر إبداعات السيد شعبولا المحترم

بيغنى للمعلمين والكادر

تحبوا تعرفوا المبدع شعبولا بيقول إيه على المعلمين والكادر ( على الرغم إنه ما دخلش مدرسة ولا شاف تعب المدرس وما يبذله من جهد ):

معلمين على الكادر الجديد .. خلاص حتبنوا عماير وتجيبوا لبس العيد

كل واحد مش قادر على الفقر وعلى الغلا

ناويين نعمله كادر لزوم البهدلة

قال إيه قم للمعلم وفه التبجيلا

ده كان زمان يا معلم دلوقت بقت نيلا

علشان شوية فكة ما عدش لينا مقام

وقعدونا على دكة زى التلامذة تمام

أستاذ من دور أبويا كان بيعلمنى زمان

لقيته جنبى قاعد على التختة فى الامتحان

زعلان على اللى بيجراله على آخر عمره اتهان

وواحد من دور عياله واقف بيراقبه كمان

ما عرفش ليه امتحنونا ومبهدلينا ليه

زيادة علم وللا عشان المية جنيه

أبويا كان معلم مثالى وله حكايات

دلوقت بس بقول كويس إنه مات

(بس خلاص )