!i! أخر ضربه اتوجهت لمصر " البنات عاوزه تدخل الجيش " !i!

[vampire1188]

انا اول ماقريت اسم الموضوع .. افتكرت اسماعيل ياسين وهوا بيقول بورروم !!

هوا دا فعلا اللي هايحصل ..

سيبكوا من التريقة وسيبكوا من الكلام اللي مالوش لازمة ونتكلم بالعقل ..

اول خط الجيش مش بيبدأ بشيل السلاح .. لأ دا بيبدأ بإجراءات التجنيد ..

اقسم بالله العظيم انا ابن خالتي ايام ماكان بيقدم في التجنيد كان بيرجع مفرهد ..

معا العلم ان ابن خالتي دا جسمه ماشاء الله .. لو كان قدم في حربية كان اتقبل من اول اختبار !

تاني خط في الجيش .. 45 يوم من الذل ..

واحد بيحكيلي بيقولي انتا في الـ 45 يوم دول كرامتك بتتمسح في الارض ..

بمعني اصح .. سيب كرامتك على الباب .. ولو الظابط قالك اقلع قدام الجيش كله هاتقلع !!

تالت خط في الجيش .. التوزيع بعد فترة الـ 45 يوم على الوحدات والكتايب ..

صحيان من الصبح .. طابور .. حلاقة دقن .. مافيش فرصة حتى تاخد شاور ..

عايزكوا بقي يابنات تطبقوا الكلام دا عليكوا انتوا ..

عندكوا استعداد تروحوا الهايكستب بتاع التجنيد وتعملوا الكشف الطبي الغير آدمي ؟!

عندكوا استعداد تقعدوا في مركز التدريب 45 يوم تعموا حاجات عمركوا ماعملتوها ولا هاتعملوها في حياتكوا ؟!

عندكوا استعداد تتهانوا وتتشتموا وتتهزقوا من الظباط اللي فوقيكوا وماتتكلموش وماتنطقوش بنص كلمة ؟!

عندكوا استعداد تصحوا من الساعة 6 الصبح .. وفي ظرف 5 دقايق تكونوا جاهزين للطابور ؟!

عندكوا استعداد تستحموا بالمايه الساقعة في عز الشتا ؟!

سيكولوجياً وعقلياً ماعتقدش ان فيه بنت تقدر تتحمل الأعباء دي ..

اذا كان الراجل ساعات مابيقدرش .. بقي البنات اللي هاتقدر ؟!!!

طب افترضوا ان فيه حرب قامت .. عايزين تقنعوني ان فيه واحده فيكوا هاتعرف تحارب ؟!

دا هاتعقد تعيط .. داحنا في الايام العادية اما الراجل بيزعق في البنت .. البنت بتقعد تعيط .. امال في الحرب هاتعملوا ايه؟!

دا فيه رجااااااااالة بيجيلهم حالات نفسية من اللي بيشوفوه في الحرب ..

دا كفاية صوت الطيارة معدية من فوق دماغك ..

انا من 4 او 5 شهور كان فيه تقريباً الطيارين بيتدربوا .. وطيارة منهم عدت من فوق العمارة عندنا .. وانا ساعتها كنت نايم .. اقسم بالله العظيم انا قومت اتنفضت من صوتها !! .. معا العلم انهم كانوا طايرين فوق السحاب .. مابالك بالحرب اللي الطيران فيها بيبقي على ارتفاع منخفض ...

هوا والله زي ما مسيو احمد شلبي قال

إلى كل البنات على الموقع يا ريت تبطلو فزلكه ومتعشوش الدور

اتس اوكي .. انتوا ناس كويسه ومحترمين وعضو فعال في المجتمع ونص المجتمع وكل حاجة .. بس في نفس الوقت ربنا ادا للراجل صفات والمرأة اداها صفات .. ماتجوش انتوا بقي تغيروا في خريطة البشرية وتقولولي البنات يخشوا الجيش !!