الله ينور يا محمد باشا .. ليك مستقبل والله يابني
اقتباس:
|
التفتيش من بعد شروق الشمس حتى غروبها
|
الكلام دا اما يبقي تفتيش عادي .. لكن اذا كان في حالة تلبس بالجريمة يبقي ليل او نهار مش فارقة
اقتباس:
ومحدش يجى يقولى مهو فيه قانون الطوارئ الى بقى قانون الارهاب دلوقتى
ودا بيسمح باستيقاف اى مواطن مشبوه فيه
ماشى انا معاك بس السلطه دى مش لظباط الامن العام
دول لضباط امن الدوله بس
|
كلام سليييييييم .. بس اساسا مافيش ظابط امن عام هاييجي ويوقفك ويقولك انا هاقبض عليك عشان قانون طوارئ !! .. دا يبقي استهبال فعلي ! .. وفعلا ظابط امن الدولة هوا اللي ليه الحق في كدا .. لإن المتهم بيمثل قدام محكمة امن الدولة العليا .. واذا سيادتك مثلت قدامها انسي انك تعرف تطعن في الحكم الموجه ليك .. لإن الحكم ميه في الميه هايبقي مصدق من رئيس الجمهورية .. يعني ضيعان في ضيعان !
ومن الاخر قصة قانون الطوارئ دي مابتبقاش موجودة الا في المظاهرات والاعتصامات اللي بتحصل .. وبرده من الاخر رئيس الجمهورية هوا اللي ليه السلطة العليا في تطبيق قانون الطوارئ .. لإن هوا اللي يحقله يعلن سريان القانون او ايقافه .. وهوا اللي ليه سلطة تحديد مدي تطبيق القانون على منطقة معينة .. وهوا اللي ليه سلطة تخفيف العقوبة او تغييرها او تطبيق حمك تاني .. ودي تعتبر حاجة من الحاجات اللي انا مستغربلها ! .. طب منين يقولك نزاهة القضاء .. ومنين يقولك ان الحكم القضائي في محمكمة امن الدولة العليا تستوجب تصديق رئيس الجمهورية على الحكم ؟! .. وافرض بقي رئيس الجمهورية ماعجبوش الحكم .. يألف حكم على مزاجه ؟! .. وطبعا هيئة القضاة ماتقدرش تقوله حاجة .. لإن الرئيس طرف اساسي لتثبيت الحكم على المتهم ..
شغل هبل في هبل .. ويقولك لايحة ومسودة وعريضة ! .. وكله عمال يقول كلام في كلام .. وفي الاخر الشعب هوا اللي بيدفع التمن ..
عموماً ماحدش ينكر ان البلد اللي احنا عايشين فيها دي .. مليانه تجاوزات .. سواءا أمنياً او تشريعياً أو حتى قضائياً .. وماحدش ييجي يقولي قضاء مصر نزيه ويعملي فيها غيور على مصلحة البلد ! .. وهما اساسا مايقدروش يقولوا غير كدا .. لإنهم لو كانوا قادرين يقولوا دا القضاء دا ابن ستين في سبعين كانوا قالوا .. بس عشان عارفين ان التعليق على القضاء بطريقة تؤثر على مسار قضية معينة يستوجب الحبس فماحدش قادر يفتح بقه .. وهوا دا اللي حصل فعلا في قضية العبارة بتاعة ممدوح اسماعيل !!
بالا وجع دماغ .. احنا مش عايشين وبناكل وبنشرب وخلاص ؟ .. بلا قضاء بلا سياسة .. امشي بمبدأ >>>
" نفض تعيش "
22-12-2008, 11:06 PM
العرض الشجري
