حسني مبارك يتعرض للسباب على التلفزيون المصري مباشره وعلى الهواء

[Mr.Ahmed Fadel]

والله يا جماعة انا ليا رأى فى الموضوع ده
مش عارف هو المطلوب من الحكومة المصرية ايه بالظبط
عايزين نحارب .... اوكى انا موافق
بس خد بالك حتفكر مليون مرة لو ليك اخ او ابن عم او ابن خال فى الجيش
حتفكر الف مرة لو ليك ابن فى الجيش
كانت فى حاجه للعلم غريبة فى بيتنا شخصيا
والدى رحمة الله عليه كان دائما ما يؤيد شعارات الحرب ضد اسرائيل الذى يطلقها البعض
ولكن بكل صراحة اختلف الحال فجأة
عارفين امتى
لما اخويا دخل الجيش وكان وقتها وقت الانتفاضة الفلسطينية وفى عزها
عارفين غير رأيه ليه
عشان ابنه كان فى وسط النار
حس انه لو حصل حرب ابنه حيكون التمن
انا ايامها مكنتش مأيده مع انى كنت صغير
ولكن محستش باللى هو حس بيه غير لما ربنا اكرمنى ببنتى
مستحيل انسان بالساهل يفكر فى الحرب يا جماعة
الحرب ده قرار مش سهل
وبعدين فى رأى بقوله لكل المتحمسين والشباب الوطنى
متيجى بدل الشعارات والمظاهرات اللى شفت فيها شباب قبل كده بنفسى رايح يهزر ويضحك وهو بيحرق علم اسرائيل
متيجى نشترى باللى معانا ادوية .... ونوديها للصليب الاحمر
متيجى نجيب اكل وشرب ... وشاش وقطن
وحاجات من دى
بدل ما نقف فى الشارع ونهتف لحد ما زورنا يوجعنا
وبعدين نمشى
فكروا حتلاقوا عندى حق