الدوري الثقافي

[فنكوشه المنكوشه]

اولا السلام عليكم :D

ثانيا اسفه علي التاخير وطبعا لظروفي وظروف المنتدي انوا كان مقفول

ثالثا بناء علي ذلك المسابقه هتتم يوم السبت الجاي

رابعا ودا بئا الاهم مع احترامي الشديد لطالب الجنه
انا مش موافقه علي القوانين دي لانها مش قوانين عادله ابدا

وانا مكنتش موجوده علشان اناقش القوانين دي

انا باذن الله هتكلم مع احمد وتعديل القوانين هينزل ان شا الله

في حاجات انا موافقه عليها وفي حاجات لا بالنسبه لاماكن كتابه القوانين فدي انا كنت موافقه عليها

بس طبعا بما انكوا مش موافقين فدي هيتم تعديلها انا شاالله


مش عايزه حد االه يخليكوا يا جماعه يزعل مني او من احمد


وانا بعتذر نيابه عني وعنه

لان بصراحه تلات تربع القوانين دي مفهمتهاش من الاخر يعني

اما بالنسبه لاصلاح اذا كان انسحابك بناء عن القوانين فاحنا بنعتذر <_< يعني علي القوانين دي
وبراحتك في الاخر


يلا بئا طولت عليكم


مش عايزين حاجه سلام

[Miss_CaR!zma]

فنكوشه ملحوظه صغيره
الموضوع فوق الممتاز ولكن التوقيت مش تمام
يعنى انا مثلا واحده عندى فيزيا ورياضه لا تتوقعى منى انى ادخل ابدع هنا
يا هنا يا هناك وللاسف مجبره اكون هناك :D
فانا معاكم بس فى الاجازه
وبشكرك مره تانيه يا جميل

[MohammeD el_SadaT]

<div align="center">من الواضح إن القوانين عليها مشاكل كتير
وأغلب الناس بدأت تنسحب عشان الدراسه وده طبعا حقهم


من الباين إن فعلا المسابقه جت فى وقت غير وقتها
يلا يا أحمد اعانك الله ولما تقررو قرار نهائى انا معاكو فيه بإذن الله


</div><div align="center"> </div>

[kaml_klamk]

السلام عليكم

اولا القوانين تمام

وهشرح كل بند فيها

انا مش شايف فيها حاجه خالص

وان شاء الله هنبدا السبت الجاى

حتى لو فريقين بس

لى عوده

سلامى

[Drowns in a sea grief]

السلام عليكم

ازيكم يا جماعة عملين اية

يا احمد القوانين نصها مش مفهوم والنص التانى

حاجات موفقين عليها وحاجات لا ياريت تشرح القوانين

حاجة حاجة كدة علشان نكون فهمين قبل منبدا وتقلنا وجهة نظرك

يلا اسلام انا فى انتظار ردك

[zizo2_2]

أنا لي طلب بطلبه نيابة عن فريقنا

أرجو تأجيل مشاركة فريقنا لفترة بسيطة قد لا تتعدي يوم أو اثنان لظروف خارجة عن ارادتنا وانتظروا عودة قثوية ان شاء الله

[فنكوشه المنكوشه]

سلاموا عليكوا

ازيكوا يا جماعه اسفه علي التاخير الشديد بس والله مش بارادتي


انا شايفه يا جماعه من رائيي ان المسابقه تتاجل لبعد الامتحانات وانتوا وراحتكوا

انا ائولت رايي مش معني اني بفرضه مثلا
انتوا القرار النهائي ليكم اولا واخيرا

مش عايز حد مني يزعل علشان خاطري

ماشي سلام

[kaml_klamk]

انا شايف ان المسابقة تكمل الوقتى احسن

بس حد تانى ينزل قوانين

سلامى

[=ivan=]

هاتكملوها .. ولا اخدها من قصيرها وامشى من المنتدى حاليا .

[kaml_klamk]

السلام عليكم ورحمة الله وبركاته

يا جماعه دى شروط المسابقة بشرحها

1 - على كل فريق كتابة موضوع يوميا فى اى قسم من الاقسام التالية ( الركن العام - اخر الاخبار - حى على الفلاح - فلاسفة تحت التمرين ) فقط .
ده مكنش كلامى ده كان كلام صاحبة الموضوع " فنكوشة " يعنى انا عم المشرف اللى ماسك الموضوع مليش دخل فى النقطة دى

2 - لا يسمح لاى عضو كتابة موضوع فى يومين متتاليين " تحت اسم الفريق فقط " اى يسمح كتابة ما يرغب فى اى يوم خارج الفريق .
بمعنى ان الفريق لازم ينزل موضوع بس ممكن عضو واحد يفضل ينزل مواضيع للفريق انا مش عايز كده لازم كل اعضاء الفريق يشاركوا مش عضوين يشاركوا والباقى مبيدخلوش
يعنى فريقنا مثلا له 6 مواضيع فى الاسبوع مينفعش انزل انا كل يوم الموضوع بتاع الفريق وبقيت الفريق نايم مبينزلش .

3 - اى عضو فى اى فريق لن يكتب موضوع خلال الاسبوع سيتم خصم نقطتين من فريقه .
اعتقد دى مفهومة علشان برضه كله ينزل مواضيع .

4 - اى تعدى باللفظ من اى عضو سيخصم من الفريق خمس نقاط بشرط ان يكون المتعدى احد اعضاء الفريق .
ودى برضه مفهومة عشان الخناقات وكله يلتزم بردوده .

5 - اى موضوع مكرر لا يحتسب عليه درجات .
عشان اللى مش فاهم لو الفريق نزل موضوع وكان موجود قبل كده فى المنتدى يعتبر هذا الموضوع لاغى

6 - يكتب فى مكان وصف الموضوع اسم الفريق .
للى مش فاهم برضه فى مكان وانت بتكتب الموضوع تحت عنوان الموضوع اسمه وصف الموضوع تكتب فيه اسم فريقك .

7 - بعد كتابة الموضوع يجب نسخ لينك الموضوع ووضعه فى موضوع الدورى الثقافى .
دى عشان اى عضو او زائر دخل يشوف مواضيع المسابقة وكمان تسهل علينا التقييم

8 - اى فريق لن يعمم توقيعه على كل اعضاء الفريق يخصم منه نقطتين من كل موضوع .
برضه يا جماعه مكنش رايى وقبل ممسك مشرف المسابقة عملت كده انا وفريقى وكان كلام فنكوشه .

9 - المواضيع تكتب من السبت الى الخميس والنتيجة يوم الجمعة .
مفهومة دى يعنى كل فريق له 6 مواضيع فى الاسبوع تبدا من يوم السبت وتنتهى يوم الخميس

10 - فى كل اسبوع سيخرج فريق والذى يكون عدد نقاطه اقل عدد نقاط .
يعنى كل فريق هيتعمله تقييم ومثلا فريق حصل على 10 نقاط وفريق تانى 9نقاط وفريق تالت 8 نقاط يبقى اللى يخرج من المسابقة هنا اللى حصل على 8 نقاط فقط

11- الفريق الفائز ياخذ شهادة تقدير فى موضوع خاص يتم تثبيته فى الركن العام .
شهادة التقدير منزلها فى احد ردودى ودى الفريق اللى هيكسب فى الاخر خالص هياخدها ويتكتب فيها اسم الفريق باعضاؤه وتثبت فى الركن العام


لو حد لسه مش فاهم ممكن اعيد تانى


هنكمل المسابقة من اول السبت القادم

واى فريق هيتاخر عن السبت او يعتذر يعتبر منسحب



سلامى

[kaml_klamk]

الموضوع شغال يا جماعه

موعدنــا السبت القادم الموافق 7 / 4 / 2007

سلامى

[The_Relativistic200]

تم حذف الردود -من قبل المشرفين-
اللى ملهاش قيمة
شوفوا لو هتكملوا الموضوع زى ماانتم عاوزين

[ReceptiveGuy]

<div class='quotetop'>إقتباس(طالب الجنة @ Mar 28 2007, 06:28 PM) [snapback]289619[/snapback]</div>

تم تجميع كل الفرق باسمائها وهى كالتالى :ــ

( 1 ) معا لنصرة الحبيب " صلى الله عليه وسلم "
1 - طالب الجنة المشرف على المسابقة
2 - نورا 11
3 - المشتاقة الى الجنة
---------------

( 2 ) قاهروا المستحيل
1 - فارس الاندلس
2 - كلكول
3 - ميدو
4 - السنونو الطائر
---------------

( 3 ) عيون الظلام
1 - go_away_u_brocken_my_heart
2 - elma7et
3 - mna
4 - الموت الاخير
---------------

( 4 ) التحدى
1 - المرشد
2 - Dare Angel
3 - The_Relativistic200
4 - _THE_SAD_SMILE_
---------------

( 5 ) اصحاب الهمم
1 - (*$_ القناص_ $*)
2 - =CRaZY_IVaN=
3 - ابراهيم الفليسطينى
4 - farouk
---------------

( 6 ) المقداد بن عمرو
1 - zizo2_2
2 - فتاة الإسلام
3 - <strike>صلاح الدين</strike> انسحب
4 - عمرو جبر

[/b]

[kaml_klamk]

وايه يا صلاح مش كان كلامك ليا ارجع وبلاش شغل العيال ده ؟؟
انا برضه بقولك ارجع يا صلاح

سلامى

[ReceptiveGuy]

أنا انسحبت من مدة مش عشان الخناقة
وناقشت الماحت ساعتها في أسباب انسحابي على المسنجر
وما لهاش علاقة بالمسابقة خالص
أسباب شخصية
وبدور على الرد بتاع انسحابي مش لاقيه
مش مشكلة
المهم إن أنا كنت داخل عشان أؤيد المسابقة وبس
من البداية وأنا مش ناوي أشارك