ضع حلمك او رؤيتك وباذن الله ستجد تأويله هنا

[aleman]

المشاركة الأصلية كتبت بواسطة في الجنة أحلامي

السلام عليكم ورحمة الله وبركاته

انا حلمت حلم فاكرة منه اجزاء بس
انا حلمت زي ما اكون رايحة محل اشتري حاجة ودخلت في شارع وكنت قلقانة شوية " الشارع ده في الحقيقة اتخطفت فيه واحدة قريبتنا وبيبقى فاضي " وكان الشارع فاضي الا اوله كان فيه كام شخص واقفين وانا عديت وتقريبا وصلت لنص الطريق كده وبصيت في الارض لقيت 4 جنيه معدن رحت خدتهم من على الارض وزي ما يكون حسيت ان فيه حاجة تاني بتلمع بس حسيت انها مش فلوس ومخدتهاش وبعد كده زي مايكون في ولد صغير جه عندي وانا اديته الفلوس وحاسة انه تقريبا كان كفيف وكان غالبا ماسك عصايه او حاجة كده وبيحركها على الحيطة او بيرسم بيها مش فاكره بالظبط وزي ما اكون انا في الحلم كنت بفكر انه ولد ذكي وكده
ومش فاكره ايه اللي في النص بعد كده بس فاكرة زي ما اكون وانا راجعة تقريبا نزل مطر غزير

تفسيرى المتواضع والله اعلم:
المطر خير ليكى باذن الله
وواضح انك شخصية مش طماعة قنوعة بما يكتبه الله لكى
تعملى خير كتير
والله اعلم

[noja2]

جزاك الله الف خير

[hinda12]

راية في المنام شاب اعرفه يتقدم لي وابي يرفض بشدة لان لديه ولد , مع العلم ان الشاب ليس لديه اولاد في الحقيقة

[أمــلــي فــ ربنـــا كبيــــر]

رأت سيده في النام شخص يناديها في المنام باسمها ثلاثي مع العلم ان لقب جدها هو محمد
وهذا الشخص المجهول يقول انها زوجه اسماعيل محمد وهذا ليس اسم زوجها و لا تعرف احد بهذ الاسم

[RAiN]

كنت فى اولى ثانوى
وانا نايمه
مش عارفه ان كان حلم ولا حقيقه

حلمت ان فيه صوت ناس عماله تكبر حوليه وتقول الله اكبر وى ميكون صوت ملايكه مش عارفه
وحسيت بالم شديد فى رجلى زى متكون روحى بتتسحب من تحت كده

وكان التلفون موجود جمبى كنت عايزه اتصل باى حد يخلصنى باى طريقه بس للاسف لقيته فاصل
وكنت طول الحلم عايزه اقوم وكل حاجه قدامى ضلمه والالم يزيد

ممكن تقوليلى ايه ده لو سمحتى
والصوت اللى سمحته كان صوت الملايكه ولا ايه
بس طول الحلم كل اللى قدامى اسود

[ghada_m]

انا حلمت ان شوفت جدتى ام بابا وهى متوفية من سنتين فى البداية كانت ماسكة 6 جنيه ونص الخمسة قديمة والجنيه ورقةمقطوعة حته منه وفوقيهم نص حديد وكانت ماسكاهم وبتوريهملى انا وماما وتقريبا واحدة من عماتى معرفتش افهم معالم وشها بس تقريبا مش مبسوطة من الفلوس وماما كانت بتتكلم بلهفة انها تغيرهمله او تزودهم ده كان قدام بيتها ودخلنا البيت و لما دخلت على ما اتذكر لقيتها قاعدة بلبس جديد غير لبسها القديم بي اللبس ده كان بتاعى زمان ولقيتها عماله تتضحك وبعد كدة كنت طالعة بيتنا وقفت على قدام البيت وانا طالعة على السلم انا وماما وقالتلى وهى بتتضحك ياغادة تعاليلى بكرة الساعة 6 بالظبط اوعى تغيبى ل7 انا هستناك ياغادة وكانت بتقول بلهفة وانا قولتها متخافيش هجيلك 6 بالظبط ده انا مبنامش وبفضل صاحية للصبح هجيلك علطول وخلص على كدة
بس انا بصراحة خايفة ده يكون معناه ان هموت كمان 3 ساعات ونص من دلوقتى يعنى وكنت خايفة وقعدت ادعى ربنا كتير حتى فى صلاة التراويح وبقيت بتعامل مع اهلى كانها النهاية بس بصراحة انا فرحانة انى هقابل ربنا مفيش حاجة كنت عايزاها فى الدنيا غير رضا ربنا وانى احفظ القراان ( وانا لسة محفظتوش )
ولو ملحقتش اشوف الرد يبقى اكيد روحت لستو اما لو مروحتش هبقى متشوقة اشوف التفسير وشكرا للاستماع ناسف للاطالة

[محمدالامين82]

رأيت في المنام انني في بهو منزل ثم رايت دب جاء ليطاردني فهربت الى احدى الغرف واغلقت الباب من ورائي وكان معي شخص لااعرف من هو بعدها قام الدب بتكسير الباب فهربت الى غرفة مجاورة للاولى واغلقت الباب بعدها قلت للشخص الذي معي اطفئ النور كي يذهب الدب من هنا واخذ ذلك الشخص مفك وقطع الكوابل الكهربائية فاشتعلت النار فيها ثم انتهى الحلم . ارجو منكم تفسير هذا الحلم وشكرا.

[هرنور]

صديقى رأى في المنام بأني أخبره بوفاة إبني بهدوء ورضا

[Mr.Amer]

السلام عليكم ورحمة الله وبركاته
رأيت ان امى _رحمها الله وامواتنا واموات المسلمين_ تطلب منى ان ابنى لها بيتا

[aleman]

المشاركة الأصلية كتبت بواسطة mr.amer

السلام عليكم ورحمة الله وبركاته
رأيت ان امى _رحمها الله وامواتنا واموات المسلمين_ تطلب منى ان ابنى لها بيتا

تفسيرى المتواضع والله اعلم:
اكثرى من الصدقات باسم والدتك وادعى لها باستمرار ف
وعامة كلامها وطلبها صدق لانها بدار الحق ونحن بدار الباطل
والله اعلم

[aleman]

[quote=هرنور;5935648]صديقى رأى في المنام بأني أخبره بوفاة إبني بهدوء ورضا

تفسيرى المتواضع والله اعلم:
العمر الطويل لابنك باذن الله
الحلم وان دل يدل على ان حضرتك بمواضيع الحياه بتتقبل قضاء وقدر الله بصدر رحب
والله اعلم

[سموة احساس]

رايت انني مستلقية على السرير فجات جدي المتوفية عندي واخذت من ستار الحجاب (الخيمار)
ياترى فماهو تقسيره اريد التفسير بسرعة من فضلكم

[one life23]

السلام عليكم ورحمة الله وبركاته
انا بنت غير منزوجه حلمت ان والدتي كانت واقفه معايا وبتقولي انتي مش هتيجي معايا ولالا وانا فضلت اقولها متخافيش انا هاجي معاكي مش هسيبك لوحدك خالص وكانت جميله جدا ساعتها زي ماتكون سنها صغر رغم ان عندها 56 سنه ارجو الافاده شكرا

[aleman]

المشاركة الأصلية كتبت بواسطة one life23

السلام عليكم ورحمة الله وبركاته
انا بنت غير منزوجه حلمت ان والدتي كانت واقفه معايا وبتقولي انتي مش هتيجي معايا ولالا وانا فضلت اقولها متخافيش انا هاجي معاكي مش هسيبك لوحدك خالص وكانت جميله جدا ساعتها زي ماتكون سنها صغر رغم ان عندها 56 سنه ارجو الافاده شكرا

تفسيرى المتواضع:
واضح انك بتسمعى كلام مامتك بصعوبة
فيه تعارض بالافكار بينك وبينها
مراهقة او شباب بقى
بس لاتقلقى دى اضغاث احلام
والله اعلم

[black coffee]

السلام عليكم

حلمت امي الله يطول بعمرها
انها نازلة من السلالم وقابلت امراة وهي طالعة السلالم
وكانت المراة لابسة ثوب ابيض جميل جدا
ولمن سالت مين هي .. قالو لها ( بنت الرسول )


وحلم اخر حلمته امراة اخرى
حلمت ان امي
عريانه وتتساقط منها قطرات ماء
افيدوني بتفسير الحلم بارك الله فيكم